كيفية التخلص من الخوف قبل ليلة الدخلة

ليلة الدخلة وأساطير غشاء البكارة والتشنج المهبلي

نعمل ايه ازاي امتى؟ وإيه أوضاع ليلة الدخلة، وكل بهاريز الاسئلة التي تتوارد بأذهانكم..

ونبدا بسم الله..
بص يا غالي، الليلة عادية ولا ترقى للفزاعة والتهويل المعمول عليها، فـ أنا متأكد إنك كعريس جديد بعد قرآءة المقال ده، هتبقى عارف ان الموضوع عادي جدا..

 

زمان قبل ما اتعلم السواقة، كان عندي فزاعة منها، ازاي هركز مع كل المرايات دي، ونقل الغيار والفتيس والفرامل والدركسيون والطريق والاشارات.. ازاي

 

كل ما كانت الفزاعة دي بتعتريني كنت برد على نفسي رد يبدو للوهلة الأولى غريب، لكنه واقعي: مش معقوله كل الناس اللي بتسوق دي أذكى منك..

فـ مش معقولة كل الناس اللي دخلت دي أشبح منك :)

▪أول ما تطأ قدمكما البيت، ادخل خد دش علشان الإرهاق الجسدي من دواعي الفرح والهيصة والزمبليطه، وهي كمان تاخد شاور، وتحط مكياج وتغير هدومها، واديها فرصتها علشان توترها، صلوا ركعتين.. واتمحك في أن ينظر الله إليك فيضحك من فعلك، ويقول " ترك عبدي شهوته لأجلي " فإذا ضحك لك أدخلك الجنة بدون حساب ولا سابقة عذاب.
▪ضع يدك على قُبالة رأسها " الناصية " وقل: اللهم إني أسألك خيرها وخير ما جُبلت عليه وأعوذ بك من شرها وشر ما جُبلت عليه..

▪هزروا واضحكوا .. كتير -_- كتير يا ابني.

▪وانتو بتضحكوا ابدأ اتسرسب بقى وقضيها رومانسية وقُبلات وحاجات ومحتاجات، مارس الحب بمعناه الحقيقة، فكك من الجنس خالص متفكرش فيه، ولا تبغيه، عايزك ماسك نفسك كده وذكي مش غشيم.

▪تقدر تداعب بعد الرومانسية، لو وجدت استجابة داعب اكتر، لا زود في المداعبة، اتعب نفسك سكة نصف ساعه.

▪كلام هادي أثناء المداعبة من نوعية " متخيــلتش إنك بالجمال ده " " كان نفسي أدوق البوىىىة منك " أو كلام هادي بما يتناسب مع وضعكما، ما انت ممكن تبقى كنت مقطع السمكة وديلها في العقد، وتيجي تقولها كان نفسي أدوق البوىىىه هتديك على وشك على طول ف ركز وخليك فهمان كده.

▪اوعى يظهر منك اي نظرة عدم رضى عن جسمها، اوعى بالله عليك، خليك مؤدب، دي بنت ناس أئتمنوك عليها وعلى إحساسها ونفسيتها.

▪أهم شيء هنا التدرج في المداعبة، متبقاش غشيم وتدخل على الحاجات على طول.. خذها مني قاعدة ابدأ من فوق لتحت من أول تقبيل الجبين لحد ما بين العينين مرورا بالشفاه، وطوِّل شويتين، إلى الخد والرقبة " بلاش الذقن دلوقتي " ثم الكتف ثم ما بين النهدين المفارق العلوية العظيمة، وهكذا نزولا إلى موضع الحاجات، عند النقطة دي اخطف نظره كده لوشها، لقيت الدنيا بتقول كمل تكمل، لقيتها متوتره يبقى أحضان وقبلات تاني وتعيد الكره لحد ما تبقى دخلت في المود خلاص، انت هتفهم من غَشاوة عينبها انها دخلت في المود وبدأت الزبده تسيح يا بوتجاز الرجولة يا جامد.

أقرأ أيضا 

فن مداعبة الثدى لعلاقة حميمية ناجحة ليلة الدخلة

▪خلاص ساحت؟ زود في مداعبة الحاجات، بيدك برفق تام، لحد ما تبقى الدنيا ملغوصه، اول ما تلاقي الدنيا بقت سخنه كده ومترطبة وفيها سائل بكمية معقوله.

▪هتبدأ تخلع هدومك بحرفيه، بسرعه من غير ما هي تحس، قل لها مش هنعمل حاجة اطمني، مجرد مداعبة لحد ما تبقي جاهزه، وأفضل حاجة ان يكون المداعبة بالعضو.

▪ياريت متشوفش عضوك، مش ناقصه لبخه هي، ويستحسن تكون الاضائة خافته.

▪نيمها على ظهرها بهدوء ورفق ورومانسيه وتقبيل وأحضان، واوعى تتسرع بالإيلاج.                                                                      ده افضل وضع انتقاه العلماء لهذه اللحظة .. وهي نوم الزوجة على ضهرها و تشد رجليها إلى ركبتيها وبعد ذلك تقوم انت بالإيلاج.

▪خليهم يلامسوا بعض من بره كده، وابدأ داعب بيه مش بإيدك، ده هيقلل التوتر، لحد ما تلاقيها خلاص نفسيا مستعدة إن الليلة تكمل، ابدأ بالإيلاج برفق تام، لو قالت لك متألمه، هدِّيها، واتعامل برفق، وقل لها دي هي مجرد شكة دبوس :)

حصل إيلاج خلاص وتم الفض على خير‼️

اه نسيت اقولك، ممكن ميحصلش فض من أول علاقه، وممكن يحصل وينزل نقطة دم واحدة، وتكاد لا تُرى، وممكن الغشاء يكون مطاطي أو غير مثقوب، وميتفضش غير بعمليه، فمتركبش نفسك الهوا، وخليك راجل محترم، ومينفعش أبدا بحال تنظر إلى زوجتك أي نظرة شك أو غشومية أو غباء، هيبان اللي معاك سليمة ولا لا من أول تفعيصه، ف رجاءا خليك راجل محترم :) وخليني أقول لك على شوية صدمات كده.. تحفظها عني :)

▪انت قولا واحدا لا تشعر بوجود غشاء البكارة من عدمه :) انت حرفيا لا تشعر إلا بتقلصات الجماع مع الرعشه :)
▪انت كدبوس لا تشعر بتمزق أو تمدد الغشاء قولا واحدا، وأي راجل في الكوكب كله تِـمَّن :D يقولك ان عنده قرون استشعار ف مقدمة عم عزت وبيعرف، قل له انت راجل حكاواتي وكذاب :) وقولها كده وانت مطمن..

▪إذا تم استثارة الزوجة أول مرة بنجاح، هي مش هتشعر بألم من فض الغشاء، ومش هينزل دم أصلا :D آه ... هو أنا مقولتلكش :D أغلب النساء مش بينزفوا مع افتضاض الغشاء 😲🤗🥵الدرسات الحديثة أثبتت ده بما لا يدع مجالا للشك.

▪انت كدبوس ليلة الدخلة مش محتاج وانت داخل تعتقد إنك بتهد حيطه، ولا محتاج تهبد وترزع، ادخل ببساطه وسلاسه، والغشاء غالبا هينفض بكل سلاسه، مش محتاج تدفع دبوسك بقوة من أبو آخر كده.

▪انت كدبوس عندك وعي وفاهم، لا تنتظر اي شيء من غشاء البكارة أصلا، ولا كإن في حاجة اسمها كده.

▪لو غشاء البكارة سميك، هينزل دم، ومش بس في المره الأولى، لا كمان هينزل في المره الثانية والثالثه.

▪في ليلة دخلتك لو حسيت ان الامور مسدوده ومش عارف تعمل إيلاج، وكانت كل الأمور سليمة وسهله لكن مفيش دخول، هتاخد بعضك انت ومراتك لوحدكم وياريت محدش يعرف لا من أهلك ولا أهلها وتزور الطبيب يا قلب اخوك، وهو هيتصرف وهيدلكم، وده مش عيب ولا يقلل من رجولتك، والدكتور مش هيجيبك من فوق لتحت ولا هيقولك يا ابو بتاع قصير متخافش.

▪الطبيب هيصنـف ده بين صعوبة جماع وبين تشنج مهبلي، والاتنين إن شاء الله ليهم حلول، مهم جدا تحافظ على سرية الأمور.

خلاص يا شبح خلصت فض؟ .. قوموا اغتسلوا، وتحاول تخليها تقعد في البانيو كده من نقطة ديتول في المياه الدافئة، ومتحسسهاش انك بتبص على جسمها بأباحة، بص بحب .. وتضحكوا وتهزروا وتزيلوا التوتر تاني، وبراحتك بقى يا عم لو هي عندها قابليه واستعداد جسدي، حسيتها تعبانه يبقى تاخدها في حضنك كده وتناموا وتريحوا زي الشطار، والجايات كتير ..

⭕كل اللي فات حمادة واللي جاي ده حمادة تاني أهم 
▪اوعى تستخدم صباعك أبدا في الفض.
▪اوعى توري حد الدم.. استرجل
▪اوعى لما ييجوا يوم الصباحية يسألوك ها سبع ولا ضبع، تتنازل وتتكلم في حق مراتك أو عن السرير بتاعكم، خلي ردك صارم وواضح: ده شأن خاص :) مع ابتسامة لزجة، وسيبهم يظنوا زي ما يظنوا.
▪علِّم مراتك كمان لا تفضي بسركما لمخلوق، لا امها بقى ولا خالتها ولا الشغل الضيق ده، لو سألوكي يا بنت الناس بكل هدوء وأدب: لو سمحت النبي ﷺ نهى عن إفضاء النساء أمر الفراش، وعن إفضاء الرجال كذلك.
▪في حالة مش بتحصل كتير وهي إن العضو الذكري يرتخي أثناء المداعبة، فلو ده حصل هيكون بسبب توترك انت، ف استهدى بالله كده يا دبوس وامسك العضو وبمجرد ما تداعبه عندها خلاص، هيقوم تاني وينتفض.
▪لو هي اللي اتشنجت، هنا بقى انت ترمي كل همومك، ويبقى همك واحد بس. انك تهديها ولو تطلب الأمر تأجيل العلاقة ليوم تاني عادي، ميعبش حد فيكم، نفسية مراتك اهم من اي حاجة.
▪أرجوك أرجوك أرجوك وأتوسل إليك، كما إني أربأ بك أن تسمح لاصحابك بالتوجيب معاك في الزفة، إياكش تركب لمؤخرتك ابلاكاش، لكن اوعى تسمح بالشيء ده، كمان لا تسمح لأحد من هؤلاء المتبرعين بكل ألوان التوجيب، من الحبات الزرقاء والبني، واللي يدفس لك حبايه في جيبك ويقولك هتخليك ملك وكتابة، فكك .. فكك .. فكك .. متقربعش حاجة، منتاش محتاج. .. افضل طبيعي ارجوك، متاخدش محفزات جنسية أتوسل إليك وابوس رجليك 
▪إن كنت يعني مش قادر ونفسك ترفع حاجة .. ارفع كوباية زنجبيل .. آه والله .. برنس الليالي، لبن بالدوم، جرجير بالجزر، لبن بالقرفة، عسل سدر جبلي عليه شوية غذاء ملكات وطلع نخل مع جنين قمح.. مش أكثر من كده.
▪متخليش زوجتك تاخد مسكنات، ولا مخدرات لموضع الوطأ، منتاش محتاج ولا هي محتاجة، وآثار ده السلبية عليكما مش حلوه، طبعا إلا لو تعذر الامر كذا مرة، وذهبت للطبيب وكتب لك على مخدر موضعي..
▪إن كان ولابد تستخدم حاجة ليلة الدخلة، استخدم مزلق.. وقفل على كده، كنا كتبنا قبل كده عن نوع مزلق جيد جدا، الرجالة هيقولوا لك عليه في التعليقات.
▪لو بتروح جيم، بطله سكة اسبوع كده قبل ليلة الدخلة، واستبدل ده بالمشي، وتمارين البطن والظهر دبر كل صلاة، يعني خمس مرات في اليوم، وشكرا.
▪في مشكلة احتمال تقابلك، وهي سرعة القذف، مينفعش تقيس نفسك في الليلة دي بس، لإن الليلة بسبب العاهات والتقاليد والخرافات والفزاعات بتحتوي على كثير من التوتر، فلو ده حصل مش محتاج تصلب نفسك في الصالون وتأكل من رأسك الطير، عادي يعني، بكره أجمل.. أما لو تكرر الأمر لمدة طويلة 5 شهور مثلا، بتيجي قبل ما الدقيقتين ينتهوا في الإيلاج بنسبة 70٪ من علاقتك بزوجتك فلابد من زيارة طبيب.
▪لو سمحت بلاش جنس فموي خالص في اول الزواج، بلاش اوضاع وشغل محترفين، السلم بيُرتقى واحدة واحدة، فلا تستعجل علشان متقعش على جدور رقبتك.