الفرق بين الصن بلوك والصن اسكرين

ما الفرق بين الصن بلوك sunblock والصن اسكرين sunscreen 

في البداية لازم كل بنت تعرف ان الصن بلوك من اساسيات الروتين اليومي وخاصة في فصل الصيف و بيحمي البشرة من مشاكل كتيرة منها ظهور الحبوب و ظهور التجاعيد و الشيخوخة المبكرة وغيرها من المشاكل هقولكم دلوقتي الفرق بين الصن بلوك والصن اسكرين وانتي بتختاري علي حسب احتياجات وحسب نشاطك خلال اليوم 

Sun block, sun screen : 
صن بلوك( واقي الشمس الفيزيائي) بيشتغل زي حاجز علي البشره بيعكس اشعه الشمس عن البشره  لكن ممكن يسيب طبقه بيضاء كدا بتظهر مع لون البشره الغامق ولكن في منتجات المشكله دي مش بتبق واضحه فيها اوي .
صن سكرين (واقي شمس كيميائي) بيمتص اشعه الشمس وبيلغي ضررها ولكن هوا بيعتمد ف تركيبته علي مواد كيميائية زي مثلا الاوكسيبنزون هتسبب ضرر للبشره علي المدي البعيد وبتسبب حساسيه .ولكن في انواع sun screen  فيها مضادات اكسده ومرطبات بتقلل شويه من ضرر المواد الكيميائيه 

*صن بلوك او صن سكرين بيحموا من الاشعه فوق البنفسجيه (UVA,UVB) .   UVA دي بتسبب ظهور التجاعيد وفي سن مبكر وخصوصا لو حد بيتعرض للشمس علي طول ،UVB بتسبب حروق سطحيه للجلد .
مش معني ان احنا بنستخدم واقي شمس ان لون البشره مش هيغمق ابدا 🥺 لا لان مفيش واقي بيحمي من اشعه الشمس بنسبه 100% ولكن النتيجه مش هتبق سيئه زي اللي بيخرج من غير واقي شمس خالص . الاستخدام : قبل م تخرجي ب ٢٠ ل ٣٠ دقيقه ويتجدد كل ساعتين 

هتلاقي مكتوب عليه SPF ( عامل الحمايه من الشمس )في 15 , 30 ,  50 , 50 اعلي حمايه ؛ لان انت ممكن تلاقي مكتوب 80 و100 دا مش بيبق حمايه اكتر ولا حاجه بيبق بردو تسويق للمنتج.في gel , fluid, cream  . البشره الدهنيه او المختلطه ف الصيف تستعمل اللي مكتوب عليه gel عشان بيبق اخف ،والبشره المختلطه للعاديه تستعمل fluid والجافه cream

. ولو ان اغلب البشرات حتي الجافه بتفضل استخدام الgel و fluid لان الكريم بيبق تقيل اوي وبيسيب تأثير دهني علي البشره ولمعه وخصوصا ف الصيف دا . ف انت تشوفي اي مناسب لبشرتك وتجيبيه 
الانواع :Laroche posay في منه للبشره الدهنيه والعاديه والجافه والحساسه  ولكن سعره غالي حبتين تلاته ولكن بيحمي كويس جدا  . Bobai gel ودا للبشره الدهنيه والمختلطه  ( في ناس بشرتها حساسه اشتكت منه وسبب لها حرقان لكن معايا كان كويس   )و في Bobai cream ودا للبشره الجافه 

.  Vichy انا جربت بتاع البشره الدهنيه وكان امتصاصه سريع ولكن ف اول خمس دقايق كدا بيسيب لون ابيض وبيروح بعدها علي طول اول لما البشره تمتصه .infinity امتصاصه مش سريع وبيسيب اثر دهني خصوصا لو بشره دهنيه او مختلطه لكن ممكن يناسب البشره الجافه او العاديه المايله للجفاف . 

في النهايه لازم نكون عارفين ان الصن بلوك من أساسيات ال skincare ولو بتستعملي منتجات كتيرة وبتخرجي في الشمس من غير اي حمايه مش هتلاحظي فرق كبير للمنتجات دي بسبب تأثير الشمس الضار علي خلايا الجلد الا بتأدي مع التعرض المستمر لها للعجز المبكر والكلف والبقع الداكن علي الجلد والا بيستغر علاجها وقت كبير  وعشان كدا لازم من دلوقتي تبدأي تدوري علي انسب حاجة ليكي بعد ما تتأكدي من نوع بشرتك لانه بيفرق كتير فبعض الصن بلوك بيكون فيها نسبة زيوت لو بشرتك جافه او مختلطة وبعضها لا يحتوي في حالة البشرة الدهنية لذلك تحديد نوع البشرة من اساسيات اختيار النوع.