سيكولوجية الخوف وفن الهدوء

الخوف وكيفية التعامل معاه 

بسم الله الرحمن الرحيم وبه نستعين…..  اللهم صلي وسلم علي سيدنا محمد …. الخوف هو عبارة  ٣ اشياء .شيئان سلبيان وشئ ايجابي واحد فقط.

 اولا/

 الخوف ممكن  يخليك متعطل عن حياتك او واقف في مكانك مش بتعمل حاجة والشئ الثاني  السلبي انوا يخليك تعمل تصرفات غلط نتيجة للخوف بتاعك   زي مثال  للي انا هقوله دلوقتي انا عندي امتحان وخايف اسقط فا بقعد افكر في الامتحان هيجي ازاي وهيبقي شكله عامل ازاي وفي الاخر لما ييجي وقت الامتحان تكتشف انك مذاكرتش ولا عملت  اي حاجة  ....  مش بس ليه اضرار حياتية وعملية ده  ليه اضرار نفسية علي  الشخص ذات نفسه  زي مثلا ممكن الشخص يجيله نوبات هلع واضطربات قلق واكتئاب وحاجات تانية كتير فا متخليش الخوف يتحكم فيك واتحكم انت فيه   زي ما هقولك في النقطة التانية…..

ثانيا/

الشئ  الايجابي: انوا الخوف  لو جالك تقدر تتحكم فيه. ازاي بقي. انك تخليه دافع ليك انك تتقدم ومتفكرش فيه كتير ومتخليهوش يعطلك في حياتك زي مثلا انا نازل اصلي الفجر وفي كلاب واقفة في الشارع فا تقول لنفسك  حاجة تشجيعية و تحفيزية زي مثلا انا لو مخوفتش منهم مش هيعملوا حاجة او مثلا  انا رايح اصلي صلاة الفجر فا لو حصل حاجة هكون من اهل الجنة فا ليه اخاف  وليا رب بيحميني في كل وقت وفي كل زمن وكل ثانية ولما تقول لنفسك كدة الخوف هيبدا يقل مع الوقت تدريجيا والشجاعة هتزيد جدا ومش هيجيلك اي امراض نفسية  ولا جسدية وحياتك هتمشي زي الفل ……وموضوع الخوف في غاية الاهمية لانه بيخليك تتقدم وبيخليك واقف مكانك وبيرجعك لورا كمان  ودلوقتي اتكلمنا عن اضرار   الخوف وفوائد الخوف وازاي بيجي وازاي نتحكم  فيه…..نتكلم بقي عن نقطة مهمة جدا عن الخوف  وايه اللي بيحصل  للهرمونات داخل الجسم لما الخوف بيبقي عالي وايه هي الهرمونات  اللي ليها دور  في الموضوع ده…..

ثالثا /

ماذا يحدث عندما يرتفع الخوف والهرمونات المسئولة  داخل جسم  الانسان: عندما يرتفع او يزيد الخوف داخل الجسم   يظهر هرمون اسمه الادرينالين وهرمون اسمه النورادرينالين  او هرموني الطوارئ ويعملان علي زيادة نسبةالسكر  في الدم   عن طريق تحلل الجليكوجين الي  جلوكوز وزيادة سرعة ونبضات القلب ورفع ضغط الدم وجميعهم يحدث اثناء القتال او الهروب او زيادة الخوف  او ظهور الخوف وهرموني الطوارئ او الادرينالين والنورادرينالين دورهم  يعملان  بشكل طبيعي في الجسم ويزدادوا عندما يظهر الخوف ….. وبكدة نكون اتكلمنا عن الخوف وانواعه وكل حاجة تخص الخوف وكيفية التعامل معاه سواء سلبي او ايجابي وينفع  الاطفال والكبار انهم يتعاملوا مع الموضوع  او اي شخص في العموم وان شاء الله ينال اعجابكم ومتنسوش تصلوا علي الرسول (ص)  واستنوا المواضيع القادمة ان شاء الله