اخطاء بتدمر بشرتك وانتي متعرفيش
هاااي
انا عارفه انك جربتي منتجاات كتيييييير ومجابتش نتيجه …
وده مش عيب منك ياقلبي دي بشرتك مقموصه منك لانك مش فهماها ..هقولك علي شويه اخطاء بتعمليها بتدمري بشرتك حرفيا ….
1- بتنامي ع حاجه مش نضيفه ….ده بيجمع بكتيريا في وشك
2- بتجربي اي برودكت علي وشك وانتي مش عارفه هل هو مناسب ولا لا
3- بتلمسي وشك كتيير …يامساء الحبوب
4- - لا بتشربي مياه ولا بترطبي وشك
طب الحل ايه دلوقتي ؟
نغسل وشنا بمياه ساقعه لا بتساعد علي قفل المسام
تغيري لو كل يومين علي الاقل كفر مخدتك او تغسليه
اغسلي وشك بغسوله المناسب ويكون في مواد بتنضف بعمق
اشربي مياه كتير ورطبي كويس بمرطب مناسب
متعمليش واوووعي تعملي تنضيف بشره وده هتكلم عليه في مقال لوحده
طيب عملت كل ده ومتحسنتش اعمل ايه ؟
ساعتها لازم تكشفي عند دكتور ..تعملي تحاليل لان لو طلع سكر او تكيس مبايض او غده دي ساعتها حاله مرضيه وليها حسبه تانيه
واه علي سيره السكر ياريت منكترش سكر هااا تبعتي كل شويه
للحلواتي علي جاتوه ولا ميني دونتس 🤣
سكر زياده = حبوب وارهاق
ونووووووم كتير لان الارهاق والسهر يعمل هالات
وارهاق ومفيش نضاره يابنت خالتشي
النوم بالمكياج
أخطر غلطة. المكياج بيسد المسام 8 ساعات = رؤوس سودا وحبوب + بهتان الصبح. الحل: مزيل مكياج أو زيت جوز هند قبل النوم حتى لو تعبانة
غسيل الوش بالغسول كتير أوي
فاكرة إنك كل ما تغسلي وشك 5 مرات في اليوم الحبوب هتختفي؟ العكس. الغسول الكتير بيشيل الزيوت الطبيعية فالبشرة بتفرز دهون أكتر عشان تعوض = حبوب أكتر. الحل: اغسلي وشك مرتين بس، الصبح وبالليل، بغسول مناسب لنوع بشرتك
.
االإكثار من السكر والحلويات لسه جايبه سيرتها بس هأكد عشان متنسيش
السكر الكتير بيزود هرمون الأنسولين وده بيخلي الغدد الدهنية تشتغل زيادة. النتيجة؟ مسام مقفولة وحبوب مفاجئة تحت الجلد. الحل: قللي السكر الأبيض واستبدليه بفاكهة أو عسل. بشرتك هتنضف من جوه قبل بره.
عدم استخدام واقي الشمس
الشمس مش بتسمر بس، أشعتها بتكسر الكولاجين فتطلع تجاعيد بدري + بقع بني. حتى في الشتا والجو غيم لازم واقي. الحل: كريم SPF 30 كل يوم الصبح قبل ما تنزلي بـ15 دقيقة. ويكون منتسب وحمايته كويسه
لمس الوش بإيدك طول اليوم
إيدك ماسكة موبايل، فلوس، مقابض باب... كلها بكتيريا. أول ما تريحي دقنك على إيدك أو تفرقعي حباية، البكتيريا بتنزل على وشك وتعمل التهاب وحبوب جديدة. الحل: عقمي إيدك، وبطلي تلمسي وشك. لو حباية طلعت سيبيها، الوش مش ملعب بتجري وتجيبي اجوان..
نتي كده كده حلوه وقمر بس لازملك تركات كدهوصغنووونه وتبقي احلي كويين
