تعلقك المرضي هو سجنك مدي الحياة. خطوات تخلصك من التعلق الروحي بشخص ما
تعلقك المرضي هو سجنك مدي الحياة. خطوات تخلصك من التعلق الروحي.
التعلق الروحي دا انك تحس ان روحك وقلبك وعقلك متعلقين تعلق عميق بروح شخص معين مش مجرد اعجاب أو فراغ عاطفي أو حب عادي ناس كتير مبتفرقش بين الحب والتعلق العاطفي المرضي ليكونوا فاكرين الاتنين نفس المعني.
لو بنتكلم من الناحية الدينية والتعلق الروحي دا ان روحك متعلقة بربنا تلاقي راحتك في الدعاء وان بتتكلم معاه علي سجادة الصلاة في الذكر وتحس انها مهما ضاقت دنيتك عليك فيه حد مش ناسيك وهو ربنا سبحانه وتعالي تحس ان فيه سند وامان في حد لما تتعب تحميله وتفصفضله لما الدنيا والناس تخذلك في حد تهرب من الدنيا كلها تقعد تعطيله وتشكيله وتحميله أن الدنيا خذلتك التعلق دا بيخليك قوي ويزودك قوة وطمأنينة مش بيحسسك انك ضعيف أو معتمد علي حد من البشر ودا هو اجمل تعلق بالنسبالي انك تتعلق برب الكون .
أما لو حد مثلا قال أنا متعلق بيه روحيا غدا معناه أن روح الشخص دا مرتبطة بروح شخص معين ارتباط قوي بيحس أنه مبعرفش يكمل يومه وحياته من غير الشخص دا بيبقي مسيطر علي كل أحاسيسه عواطفه بيبقي جزء من روحه بالمعني الحرفي بيبقي مش عارف يكمل يومه من غير ما يشوف الشخص دا ولو مشفهوش يومه ومزاجه بيتعكنن
الفرق بين التعلق والحب.
الفرق بين التعلق والحب عامل زي الفرق بين "أنا محتاجك" و "أنا عايزك تبقي مبسوطة" 👇
*1. التعلق = إدمان*
التعلق كده: “مقدرش أعيش من غيرك”
- *السبب*: خايف من الوحدة، فماسك في الشخص عشان يسد فراغ عندك
- *الإحساس*: قلق، غيرة، لو مردش 5 دقايق الدنيا سودا
- *الهدف*: أنا اللي أرتاح. عايزه جنبي 24 ساعة عشان أطمن
- *لو سابك*: هتتكسر وتتدمر كأنك انسحبت منك المخدرات
يعني بتحب "إحساس الأمان" اللي الشخص مديهولك، مش هو نفسه.
*2. الحب = حرية*
الحب كده: “وجودك بيحلي أيامي، بس غيابك مش هيكسرني”
- *السبب*: شايفه أحسن حاجة حصلتلك وعايز تشاركه حياتك
- *الإحساس*: راحة، أمان، فرحة من غير سبب. حتى لو متخانقين بتحترمه
- *الهدف*: مصلحته قبل مصلحتك. لو سفره هيبسطه هتشجعه حتى لو هتوحشك
- *لو سابك*: هتزعل آه، بس هتكمل وتدعيله بالخير عشان بتحبه بجد
يعني بتحب "هو" بعيوبه قبل مميزاته، مش اللي بيعملهولك.
*اختبار سريع تعرفي بيه نفسك:*
اسألي نفسك: "لو هو مبسوط مع حد غيري، هفرحله ولا هولع من الغيرة؟"
لو الإجابة فرح = حب. لو ولعة = تعلق.
ازاي بيحصل التعلق الروحي ؟
بيحصل علي مراحل
بتلاقي نفسك مرتاح مع الشخص دا بتحكيله كل حاجه بتحس أنه جزء من روحك هنا المخ بيفرز هرمون الأكسيتوسين بتاع الأمان والحب
هو الوحيد اللي بيفهمك من غير ما تتكلم بيعرف مزاجك من صوتك بتحس أنه نفس تفكيرك وان بينكم تخاطر وتشوفه مختلف عن الناس
تلاقي نفسك بتاخد رأيه في كل حاجه فرحتك وزعلك مرتبطين بكلمه واحده منه لو متضايق انت بتتضايق حتي لو سبب زعله بعيد عنك اصلا كأنكم روح واحدة في جسمين
بتخاف تفقده أو يبعد عنك بتفضل تفكر طب لو سابني هعمل ايه لو بعد عني فبتبدأ تتمسك زيادة وتغير عليه وتدقق في كل تفصيله.
ليه بنتعلق روحياً أصلاً ؟
الوحدة : لما بنكون فاضيين أو موجوعين بندور علي حد يملا الفراغ ويسده
الشخص ده اداك إحساس بالراحة والأمان حاجات انت مفتقدها.
ازاي تتخلص من التعلق الروحي ؟
قلل التواصل بينكم قلل الشات بطل تراقبه علي وسائل التواصل مش لازم تعمل بلوك بس خلي الرد عليه بارد ومتأخر كل ما تبعد شوية المخ بيتعود
ارجع لنفسك تاني التعلق بيحصل لما بنحط كل وقتنا لشخص واحد ارجع لشغلك ، دراستك صحابك ، الجيم هواياتك ، املي يومك عشان متبقاش فاضي تفكر.
افصل سعادتك عنه.
اسأل نفسك ايه الحاجه اللي بتسعدني وتفرحني غيره مثلا قهوتك اغنية خروجه مع صحابك درب نفسك تفرح لوحدك من غيره في النهايه التعلق دا مش ضعف ولا غلط هو دليل أن قلبك بيعرف يحب ويتأثر
حافظ علي نفسك وعلي استقلاليتك حب بس متنساش نفسك ومتجيش عليها وافتكر دايماً اللي يختارك هيختارك وانت كامل مش وانت محتاجه عشان يعيش.
