*الطريق إلي نفسك: كيف تبني ثقتك خطوة بخطوة*.
7 خطوات عملية غيرت نظرتي لنفسي وساعدتني علي عدم انتظار تقدير من حد.
*أغلبنا بنقول لنفسنا جمل معينة كل يوم*
"فلان أحسن مني"
"ليه أنا مش زي فلانة"
"لو اتكلمت هيتريقوا عليا"
جمل بندخل بيها أي مكان وإحنا محتاجين حد يقولنا: *"إنت تمام"*
*بس الحقيقة المهمة هي:*
الثقة بالنفس مش مجرد شعور بيجي فجأة.
*الثقة بالنفس نتيجة.*
نتيجة أفعال صغيرة جداً، تكاد تكون بسيطة، بس بتعمليها كل يوم.
وفي المقال ده هديكي *7 خطوات عملية بسيطة خطوة بخطوة*.
لو طبقتي خطوتين بس منهم... هتحسي بالفرق من أول أسبوع.
*الخطوة الأولى: توقفي عن لوم النفس*.
أكبر خصم للثقة بالنفس هو "النقد الداخلي" ، الصوت الذي يقول بداخلنا"فشلتي"،"شكلك مش أحسن حاجة النهاردة".
المشكلة هنا: بنصدق النقد الداخلي وبنفكر فيه كأنه حقيقة.
الحل بسيط:
1. اسأليه نفسك سوالين: *هل هذا الكلام صحيح أم لا*؟ ، "هل ينفع أقول هذا الكلام لصديق مقرب" أغلب الإجابات هتكون *لأ*.
2. ضعي له مسمي: لما يبدأ النقد الداخلي قولي شكراً يا... ولكن في ميعاده.
3. بدائل: مكان كلمة"أنا فاشلة" قولي "أنا بحاول".
هذه الخطوة أخذت مني شهر لكي ألاحظ الصوت وأوقفه ولكن بعدها أصبحت دماغي أكثر هدوء بنسبة 60٪.
*الخطوة الثانية: توقفي عن مقارنة نفسك بالآخرين*.
كثير مننا بيفتح السوشيال ميديا يلاقي فلان في رحلة ومن هنا نبدأ نقارن نفسنا بيه.
كل ما نلاقي شخص لديه شغل أو منزل أو لعب رياضة بنبدأ مقارنة.
الحقيقة الصادمة: يعتبر إنك بتشوفي اللقطات الأخيرة أنتي لا تشاهدين المحاولات ولا الفشل. دائما تقارني النهايات الخاصة بهم بالبداية الخاصة بك.
الحل المجرب:
1. الغاء المتابعة: أي شخص بتشعري إنك بتقارني نفسك بيه الغيه المتابعة فوراً . هذا ليس ضعف ، بل حماية لنفسيتك .
2. قاعدة المقارنة الوحيدة المسموح بها: قارني نفسك بالأمس "أنا امبارح مصلتش في الميعاد" اليوم"أنا صليت في الميعاد" هذا مكسب.
3. دفتر النعم: كل يوم اكتبي ثلاثة أشياء لديك غيرك يتمناها. مثل : الصحة ،العائلة،الشغل، الموبايل.
لما تتوقفي عن المقارنة ، الطاقة التي كنتي تضيعها في المقارنة ستستفيدي منها في بناء نفسك.
*الخطوة الثالثة: الوفاء بالوعود الصغيرة لنفسك*.
هذه أهم نقطة لأن الثقة تعني: تصديق النفس.
كيف أصدق نفسي وأنا كل يوم أقول أشياء ولا أنفذها؟
الحل الفعّال:
بدل "هقرأ كل معلومات الكتاب" قول "هقرأ صفحتين".
كل ما توفي بوعد صغير، مخك بيسجل إن كلمتك واحدة وبتنفذها.
بعد شهر من الوفاء بالوعود الصغيرة ، هتلاقي نفسك تلقائيا بتثق في كلامك مع الناس والأهم مع نفسك.
*الخطوة الرابعة: تعلم المهارات الجديدة*.
أي مهارة حتل لو كانت صغيرة مش شرط تكون كبيرة هتفرق.
مثال: تعلم كورس جديد ،لغة جديدة ،خياطة ،طبخ،هواية.
لماذا الأشياء الصغيرة هتفرق؟
لأن وقت الخوف هتقول لنفسك*أنا عملت كذا بمفردي،هعرف أتعامل*.
أنا اتعلمت أعمل المهلبية . بسيطة؟ولكن لما حد هيشكرك هتحس إنك بتعرف ، هذا الإحساس بيتراكم.
*الخطوة الخامسة: ضعي حدود*.
انعدام الثقة بيقول "فعلاً" وانتي عايزة "لأ".
الحل بسيط:
1. جملة جاهزة: *شكرا علي.. ، ولكن لا أقدر هذه المرة* بدون مبرر.
2. قاعدة طول اليوم: أي طلب ليس مستعجل ردي "سأرد عليكي بكرة" لكي لا توافقي تحت ضغط.
3. تجنبي هذا الشخص: الشخص الذي كل كلامه تقليل وتريقة. وجوده بيقلل من ثقتك بنفسك.
أول ما هتضعي حدود، هتلاقي الناس التي تحبك بجد ستظل، وفي حد ذاته يودي إلي رفع الثقة.
*الخطوة السادسة: خلي وقفتك تقول إنك واثقة من نفسك*.
جربي قبل أي مكالمة، مقابلة شخصية ،قبل الكلام.
توقفي عن "آسفة" بدون سبب توقفي عن"لا أعرف"، قولي*هشوف وأرد عليكي *.
*الخطوة السابعة: الاحتفال بالإنجازات الصغيرة*
منتظرة نجاح كبير لكي تفرحي؟هتنتظري كثير.
الثقة بتتبني بالاحتفال البسيط الصغير.
الحل بسيط: *دفتر الإنجازات*.
كل يوم اكتبي ثلاثة إنجازات حتي لو كانت بسيطة:
. صحيت بدري .
. كنت هادئة.
. أخذت كورس.
بعد أسبوع ارجعي لدفتر الإنجازات هتلاقي نفسك بتقولي أنا ممتازة وبعمل حاجات كثيرة.
*خطة لمدة شهر*.
الأسبوع الأول: أول خطوتين.
الأسبوع الثاني: الخطوة الثالثة والسابعة.
الأسبوع الثالث: الخطوة الرابعة والخامسة.
الأسبوع الرابع: الخطوة السادسة.
الثقة بالنفس ليست أن تكوني أفضل شخص في العالم.
الثقة إنك تكوني عارفة قيمتك ومتأكدة منها.
ابدأي بخطوة واحدة النهاردة. أصغر خطوة .
اكتبلي في الكومنتات "أنا هبدأ بالخطوة رقم..".
