كيف تتصالح مع نفسك وتبدأ من جديد ؟

               كيف تتصالح مع نفسك وتبدأ من جديد!

 

 

فخ المقارنات : ببساطة كدا لما نكون قاعدين فى اى تجمع وبيكون فيه ناس أحسن منك عقلك بيبدأ يهيألك،وبتبدى تقول لنفسك هو أنا ليه شخصيتي مش     زيه هو أنا ليه معنديش الموهبه اللى عنده وتبدأ تسأل نفسك ألف سؤال.

طيب ايه الحل يا صديقي؟ ببساطة شديدة كل إنسان وعنده موهبه معينه وساعات للأسف مش بيكتشفها ويعتقد انه فاشل بس الحقيقه غير كدا خالص 

كل واحد فينا عنده موهبه مدفونه جواه وعشان تكتشفها لازم تبدأ تشوف ايه الحاجات اللى بتجذبك ،الحاجات اللى بيكون عندك شغف ليها وأكيد هتلاقى مجال انت حابه وتبدأ انك تسعى فيه وتشغل نفسك بنفسك وبس .

النفسية وسن المراهقه: فى الجيل دا انتشر جدا مواقع التواصل الاجتماعي زى تيك توك،انستجرام، وللأسف الشباب اللى فى سن المراهقه بيقضوا وقت كبير جدا على التطبيقات ،وهنا بيدخل عقلهم الباطن فى الموضوع وبيهيألهم حاجات هما ذات نفسهم مش بياخدوا بالهم منها وهنا الشيطان بيدخل فى الموضوع للأسف ويوقعهم فى فخ المقارنات وهما مش حاسيين ولما يشوفوا حد معاه عربية فخمه او تليفون عالى يبدأ يقول لنفسه أنا ليه مش عندى زيه ليه وليه وليه وكل التساؤلات دى بتيجي فى دماغه من غير ما يحس  . طب ايه الحل ؟ الحل هو انك بدل ما تقضى وقتك كله فى القاعده على الإنترنت انت ممكن تلعب رياضه ،او ممكن تنزل تتمشى فى مكان  فيه هوا نقى ومتفكرش فى اى حاجه ،استرخي تماما .

فخ الكمال : بصراحه كده يا صديقي محدش كامل فى الدنيا دى كل واحد فينا عنده عيوب ،فكرة انك تبقى كامل شيلها من دماغك كل اللى انت محتاجه انك تبدأ تشتغل على نفسك وتطورها وبس ومش مهم مجالك ايه المهم انك تتقنه وتكون التوب فيه . 

جلد الذات : دى من أكتر الحاجات اللى ممكن تحرق الإنسان من جواه ودا بحد ذاته بيأثر بشكل سلبي جدا على الصحه النفسيه ،فكرة انك بتلوم نفسك على حاجات انت عملتها دا للأسف مش بيصلح حاجه انت عملتها بالعكس دا بيضعفك أكتر وكمان بيقل عزيمتك و ارادتك زائد الاحباط اللى بنحس بيه.

طب وايه الحل ؟ بصراحه الحل بسيط جدا ،تسامح مع نفسك وادى لنفسك فرصه تانيه بدل ما تلومها على حاجات كانت فى الماضى ابدا بداية جديدة وعرف نفسك انك تقدر تعمل أى حاجه انت بس كل اللى محتاجه شوية ارادة .

علاقه العاطفة بالنفسية: إحنا كبشر بنمر بمواقف عاطفية كتيرة فى حياتنا وفى ممكن يأثر علينا بشكل كبيرلدرجة ان فى بعض الناس بتدخل فى اكتئاب ! بس خليك انك تتعامل مع المواقف دى بذكاء وافتكر ان الإنسان القوى بس هو اللى بيرجع يقوم من تانى .

 وبس كده يا صديقي وخليك فاكر على طول “سلامتك النفسيه اهم من اى حد”