5 أخطاء تدمر تثبيت الميكب في الصيف والحر +الحل في دقيقه
5 أخطاء تدمر تثبيت الميكب في الصيف والحر+الحل في دقيقه
تثبيت الميكب في الصيف من اهم تحديات العنايه بالبشره خصوصا للبشره الدهنيه والمختلطه كلنا نزلنا في عز الحر ورجعنا وشنا سايح والفاونديشن مقطع . انا كميكب آرتست مبتدئه جربت كل حاجه عشان أحافظ على الميكب بتاعي. في المقال ده هقولك على 5 أخطاء بتدمر تثبيت الميكب في الحر والحل بتاعها يهل وبسيط.
1/إهمال ترطيب البشره أو استخدام مرطبات زيتيه ثقيله
من أكبر المفاهيم الخاطئه أن البشره لا تحتاج إلى مرطب في الصيف بسبب إفرازات التعرق. عدم الترطيب يدفع البشرة لإفراز المزيد من الدهون لتعويض النقص. في المقابل، فإن استخدام كريم زيتي كثيف يمنع الميكب من الالتصاق بالبشرة فتنزلق الطبقات سريعاً.
الحل الذكي للترطيب الصيفي
اعتمدي على المرطبات المائية القائمة على الجل (Water-based gel) والغنية بالهيالورونيك أسيد، حيث تمتصها البشرة فوراً دون ترك أي أثر زيتي.
2/ التغاضي عن وضع البرايمر القابض للمسام
بنستعجل ونحط الفاونديش على طول . ده بيخلي الميكب يزحلق من على الوش بعد ساعة.
الطريقة الصحيحة لتطبيق البرايمر
الحل: البرايمر هو اللي بيمسك الميكب. حتى لو برايمر رخيص أو جل صبار من الصيدليه ب 30 جنيه هيفرق معاكي جدا في تثبيت الميكب في
3/ استخدام فاونديشن تقيل على البشره
أكبر غلطه بعملها وبشوف البنات بيعملوها هي انهم بيحطوا فاونديشن فول كافر تقيل فاكرين انه هيثبت أكتر. الحر والعرق بيسيحوه ويخليه يكتل ويعمل خطوط.
الحل: استخدمي فاونديشن خفيف أو BB Cream وبعدها ثبتي بلوس باودر .
4/ استخدام بلاشر كريمي
البلاشر الكريمي جميل بس بيسيح في الحر وبيتحول لبقع.
الحل: استخدمي بلاشر باودر . لو بتحبي الكريمي حطي طبقه خفيفه جدا وثبتها بباودر خفيفه فوقيها .
5/ عدم استخدام بخاخ تثبيت
بنخلص ميكب ونقول كده خلاص .
الحل: بخاخ التثبيت هو السر . مفيش؟ رشي مية ورد في بخاخ من بعيد 20 سم . بتقفل المسام وتثبت.
*نصايح إضافية لتثبيت الميكب وقت الحر الشديد*
بالإضافة للـ 5 أخطاء اللي فوق، فيه 3 حركات بتفرق جداً معايا في الصيف:
1- رشي مية الورد: بعد المرطب وقبل البرايمر رشي رشتين مية ورد. بتقفل المسام وبتدي انتعاش وتخلي الميكب يلزق أكتر.
2- لوس باودر تحت العين: حطي لوس باودر شفاف تحت العين قبل الكونسيلر. ده بيمنع الخطوط والتشققات طول اليوم.
3- منديل الطبطبة: لو عرقتي اوعي تمسحي. طبطبي بمنديل براحة عشان متشيليش الفاونديشن. وبعدها رشي مثبت الميكب.
جربي الطريقة دي وهتشوفي الفرق من أول يوم. الميكب هيفضل ثابت 8 ساعات حتى في عز الحر.
*ليه بتختاري منتجات مناسبة لنوع بشرتك؟*
البشرة الدهنية محتاجة منتجات oil-free. والبشرة الجافة محتاجة ترطيب زيادة. لو استخدمتي العكس الميكب هيبوظ مهما عملتي. فاعرفي نوع بشرتك الأول قبل ما تشتري أي حاجة.
وفي الاخر تثبيت الميكب في الحر مش مستحيل . بمنتجات بسيطه و 5 تعديلات صغيره هتفضلي فريش طول اليوم. جربي وقوليلي ايه اكتر غلطه بتعمليها وميكبك بيبوظ بسببها في الكومنتات ♥️
