روتين كامل للعناية بالشعر يومي وأسبوعي + طريقة الغسيل الصحيحة للمبتدئين`
*العناية بالشعر: روتين كامل يومي + أسبوعي + طريقة الغسيل الصح* 🌿
جربته ورتبته عشان نوصل لأحسن نتيجة إن شاء الله ❤️
بس قبل ما ابدأ عارفين ليه الروتين مهم؟*
معظم مشاكل الشعر من الهيشان والتساقط والتقصف بتيجي بسبب العشوائية. يوم نغسل ويوم ننسى، مرة زيت ومرة لا. لما عملت لنفسي جدول ثابت لقيت فرق كبير في الترطيب والطول ولمعان الشعر. الروتين مش لازم يكون معقد، بس لازم يكون منتظم. في المقال ده هشارك معاكم تجربتي الشخصية اللي مشيت عليها 3 شهور وجابت معايا نتيجة.
*1. الروتين اليومي*
*الصبح:*
- *تونر للفروة*: رشة خفيفة مع تدليك 5 دقايق
بيتي: إكليل جبل + قرنفل + ورق لورا. اغليهم بماية وغطيهم لحد ما يبردوا
- *تسريح*: بخاخ ليف إن + ماية معدنية + نقطة جلسرين صغيرة جداً
*بالليل:*
- نفس بخاخ الليف إن
- *نقطة زيت خفيف*: أرجان أو جوجوبا عشان يحبس الترطيب
- *مساج للفروة*: 5 دقايق
*2. الروتين الأسبوعي*
*الجمعة*: حنة أو مشاط أو سدر + الروتين اليومي
_بنبدل بينهم كل أسبوع_
*السبت*: حمام زيت + الروتين اليومي
*الأحد*: الروتين اليومي فقط
*الاتنين*: الروتين اليومي فقط
*الثلاثاء*: حركة الإنفرجن + ماية فيها نقطة زيت وتدليك + الروتين اليومي
*الأربعاء*: الروتين اليومي فقط
*الخميس*: حمام زيت + الروتين اليومي
_ملحوظة_: حمام الزيت قبل الحنة وبعدها. يوم الحنة غسيل بماية بس، وبعدها في يوم الزيت بالشامبو.
*3. الغسلة الصح خطوة بخطوة*
1. *ترطيب أولي*: حمام كريم على الطول بعيد عن الفروة + فوطة سخنة نص ساعة
2. *الغسيل*: شامبو على الفروة بس مع تدليك 5 دقايق
3. *حمام كريم تاني*: على الطول + زيوتك المفضلة + فوطة سخنة نص ساعة
4. *الترطيب النهائي*: ليف إن على الشعر كله ماعدا الفروة
5. *التجفيف*: فوطة مايكروفايبر نص ساعة، وبعدها هوا بارد
_مهم: ما تسيبيش الماية في الشعر أكتر من ساعة_
لو شعرك بيزيت بسرعة: قللي الليف إن وكملي نفس الخطوات.
بعد ما ينشف 90% اعملي الروتين الليلي + دوامة + بونيه ستان.
4. 4 نصايح سريعة + أخطاء بنقع فيها*
- *المساج*: يومي الصبح وبالليل بيفرق في الطول بشكل ملحوظ
- *اعرفي مسامية شعرك*: عن طريق اختبارات بسيطة في البيت. دي اللي بتحدد نوع المنتجات اللي تنفعك
- *للفرد*: طاقية يومياً | *للكيرلي*: ضفيرة بالليل
- *الأطراف*: رطبيها دايماً عشان هي أقدم جزء في الشعر وأكتر جزء بيتكسر
*أخطاء شائعة*: بنحط حمام الكريم على الفروة، بنسرح والشعر ناشف، بننام من غير بونيه ستان.
*أسئلة شائعة*
س: ينفع أغسل شعري مرتين في الأسبوع؟
ج: اه مناسب جداً مع الروتين ده.
س: لازم كل الزيوت دي؟
ج: لا اختاري 2 بس وامشي عليهم.
دي تجربتي الشخصية وترتيبي، وإن شاء الله المرة الجاية هنزل وصفات مجربة بالتفصيل ❤️
إيه أكتر خطوة حسيتوا إنها هتفرق معاكم؟
#العناية_بالشعر #روتين_الشعر #حمام_زيت #حنة_للشعر #شعر_صحي #نصايح_بنات #تطويل_الشعر
الرجاء تسجيل الدخول لتتمكن من التعليق