استمرار السعي رغم فقدان الشغف
مش عارف البدايه المناسبه الحقيقه هتكون ايه بالظبط
بس زي زي اي شاب في سن العشرينات المرمطه والسعي ورا النجاح هو كل اللي في حياته بس تفتكر ده لوحده كافي هنا نيجي لمقوله هل استمرار السعي يضمنلك حتميه الوصول الحقيقه لاء ايوه زي ما سمعت كده لاء الحقيقه لفتره طويله انت هتفضل تسمع بس مش هتشوف و ده لاني بفضل السمع اكتر ايوه اصل اما تسمع حالك ممكن يتقال قدامك و تلاقي حلول ممكن اكون قدرت افيدك ومش عارف حقيقي احنا كتير بنواجه المشاكل دي ولا لاء بس اللي انا عارفه انك لو حالك نفس حالي هتعرفني الموضوع فضفضه و طرح حلول و جايز ربك يسبب الاسباب و نطلع خطوه ل قدام .
السعي ممكن يكون كافي ليك عشان تنجح طبعا و ده مش كلامي السعي هنا طرقه ممكن تكون طريقته مختلفه من شخص للتاني و ده هنا تخش لجزء الحقايق احمد مش زي محمد مش زي اسامه مش زي تامر
انا ظروفي غير ظروفك انا مضطر اسلك طريق معين انت مش مضطر لده بس تفتكر رفاهيه الانهيار موجوده قدامنا هنا اقولك لاء الرفاهيه دي لشخص معندوش مسئوليه بس احنا كل مازاد سننا زاد همنا ودي بقا يا عزيزي بقت زي ما بنقول عليها كده بالبلدي الساقيه ايوه ما هي دي اللي بنلف فيها ليل و نهار و مابينهم كل ده عشان بس لقمه العيش ايوه ماهي لقمه العيش هي اللي بتحكم اقساطك هي اللي بتحكمك ديونك شغلك مصاريفك و مصاريف بيتك و اولادك و المدارس و ليله كده تقعد تحسب فيها لحد ما شعرك يشيب طب تفتكر ايه الحل ايه اللي ممكن تعمله في كده تحسن بيه دنيتك و ظروف معيشتك انا اقولك و كلامي مش قرأن هيمشي مع الكل بس دي حلول او افكار نفعت مع ظروف حياتك كان بها منفعتش بردو كان بها مخسرتش اتعلم دايما تسمع كتير و تعمل اكتر مش تتكلم كتير لا تعمل و هنا خليني اقولك علي حاجه عشان ميبقاش الموضوع طويل ف الفيديو يعني مثلا متشتغلش شغلانتين و يكونوا الاتنين مش مكفين ده هلك للصحه والطاقه لا حاول مثلا تشتغل في مكانين يقدروا يخليك ع الاقل صابر و بتقول انا مكفي حالي او ياسيدي مثلا شغلانه تشيل شغلانه ده بينفع اه بينفع مع الكل لاء ماحنا اتفقنا ده مش قرأن
السعي يا عزيزي مش سعي حركه و شغل دايم بس السعي تفكير السعي تطوير السعي استغلال استغلال ايوه انت سمعت صح استغلال كل منا ذو موهبه و يقدر يتقنها كويس جدا مش هقولك بقا دور جوه ذاتك و ذكرياتك واللي علي السد و الكلام ده لا بس انت ادري مني بنفسك انت اللي عارف نفسك انت اللي شايف نفسك انت اللي تقدر تقولي انت بتعرف تعمل ايه كويس اووي وحاول ده يكون مصدر رزقك ساعتها حضرتك بقا هتلاقي الموضوع مختلف هتلاقي طاقه بلا انتهاء عزيمه بس بلا يأس نجاح و تلاقي نتيجه ل تعبك و صدقني ده مش كلام بس الموضوع يستاهل النجاح يستاهل التعب الفرحه بتاعه النجاح صدقني تستاهل لما تنجح ساعتها بس هتحس بقيمه الكلام و صدقني الشعور ده مش هتلاقي في روعته مثيل و هو بصه الناس و المجتمع ليك علي انك ناجح و دول اهم ما فيهم اهلك اكيد
