تأثير الجيم علي الحاله النفسه
هل الچيم مفيد للحاله النفسيه ؟
هل الچيم فعلا إدمان؟
ليه لما حد مكتئب وبينزل الجيم بيرجع مبسوط ؟
ليه لما حد بيكون عايز يموڤ اون بيقولوله انزل الچيم؟!
الچيم مفيد لمخك اكتر ما هو مفيد للعضلات
لما بتنزل الجيم وبتشيل وزن تقيل أو تجرى على التريدميل ده..انقباض العضلات ده بشكل ما فسيولوجى ينبه المخ أن الشخص ده بيجرى أو بيشيل وزن تقيل فده معناه أنه فى ضغط
المخ مش هيسيبك تشيل الضغط ده لوحدك ..ليه ؟
لأن المخ متبرمج من زمان انك طالما بتجرى ويستخدم عضلاتك بالقسوه ديه..ده معناه انك بتهرب من حيوان مفترس..فنتيجه الضغط ده المخ بيفرز كميه من مواد مخدره بيطلق عليها الاندورفين
الاندورفين بتقلل الاحساس بالالم..
ومش بس كده بوشكاش محفوظ بيضحي.. دي بتسبب احسن شعور يقدر يحس بيه الإنسان
وهو النشوه
وهو شعور المواد المخدره..فبالتالى بتحس بإحساس انك مبسوط بعد اى تمرينه چيم وتحس أن كان عندك ضغط واتشال من عليك خلاص
وفيه علماء بيقولوا هو شعور متقارب لممارسه الجنس،
عشان كده الجيم يعتبر ادمان من نوع مختلف ،لأن الجسم بيبدأ يبحث عن جرعه الاندورفين اللى بياخدها بعد التمرين وخلاص إتعود عليها
عشان كده لما تكنسل ايام ومتروحش الچيم بتحس انك متضايق مش بس عشان وزنك زاد أو فورمتك باظت..لكنك فقدت الاندورفين
فيه تعبير جميل اسمه (نشوه العدائيين) وهو احساس نشوه عنيف بيجى للى بيجروا مسافات طويله وبعدها بيحسوا احساس كأنهم واخدين مواد مخدره..بس هو احساس نادر ومش بيحصل مع كل الأشخاص اللى بتجرى مسافات.
الاندورفين بتشتغل على المخ بنفس الميكانيزم اللى بتشتغل بيه المهدئات والمواد المخدرة زى المورفين ..وليها تأثير تقليل الالم والعصبيه وشعور النشوه وتحسين المود وبتساعدك على انك تنام نوم هادئ
عشان كده لو عندك نوبات عصبيه خصوصا لو انت عندك ديدلاين أو قبل الامتحانات الجيم مفيده جدا ليك،
جرعات الاندورفين اللى المخ بيضخها بعد كل تمرين هتساعدك جدا فى المذاكره والامتحانات وهتساعدك في انها تقلل الضغط من عليك ،عشان كده مينفعش انك توقف تمرين قبل الامتحانات واظب حتى لو لمده قصيره من الوقت
