*وصفة طبيعية لتبييض البشرة في 7 أيام من أول استخدام*.

وداعاً للبشرة الباهتة: أقوي وصفات طبيعية للتفتيح الفوري.

جميعنا نفسنا في بشرة نضرة وصافية وفاتحة بدون ما نصرف فلوس كثيرة علي غسولات أو كريمات غالية، والحقيقة المفرحة إن مطبخك يوجد به حلول طبيعية آمنة 100٪ هتحصلي علي نتيجة ملحوظة من أول أسبوع.
في هذا المقال سأتكلم عن وصفات تبييض طبيعية وآمنة ، واسباب اسمرار البشرة ، وكيفية الحفاظ علي النتيجة لأطول فترة.

1. أسباب اسمرار البشرة ولازم تعالجيها الأول:

قبل ما نبدأ في الوصفات لازم نعرف بنعالج إيه بالضبط، التبييض ليس سحر ، لو السبب موجود هترجعي تسمرّي تاني.

1. الجفاف وقلة الترطيب:
لما تصبح البشرة بهتانة ونشفة ولونها غامق ، شرب الماء القليل والطعام التي لا يحتوي علي خضار ولا فاكهة بيفرق جداً.
الحل بسيط: شرب 8 أكواب ماء بشكل يومي، وأكل الخيار والخس والبرتقال هيفرق.

2. الشمس وأشعتها:
الشمس هي العدو رقم واحد للبشرة. الأشعة بتعمل علي زيادة مادة الميلانين المسؤولة عن لون الجلد، هتلاقي نفسك بتسمرّي حتي لو قاعدة 10 دقائق فقط.
الحل الفعّال: لازم واقي شمس حتي لو الجو لطيف أو غيم، وأيضاً شمسية أو كاب.

3. تراكم الجلد الميت:
كل يوم بتنتج البشرة طبقة جلد ميت علي الوجه. لو مأزلنهاش بتعطي لون رمادي وباهت.
الحل بسيط: التقشير مرتين في الأسبوع بالوصفات الطبيعية التي ستأتي.

4. الحبوب وآثارها:
لما بنلعب أو نمسك الحباية بتسبب بقعة غامقة بتأخذ شهور لكي تروح.
الحل بسيط: اتركيها ممنوع تمسكها . وعالجي الحبوب بوصفات تعمل علي تهدئة الالتهاب.

5. قلة النوم والتوتر:
السهر بيخلي تحت العين غامق والوجه كله باهت ومرهق.
الحل بسيط: نامي 7 ساعات علي الأقل وشرب الينسون قبل النوم.
لما تعالجي هذه الأسباب والوصفات القادمة هتلاحظي فرق رهيب.

3 وصفات طبيعية لتبييض البشرة مضمونة ومجربة:

هنا اخترتلك 3 وصفات من أقوي الوصفات. جميعهم من المنزل ومكوناتهم موجودة عندك.

1. وصفة الزبادي والكركم والعسل للتبييض الفوري:

هذه الوصفة ستعطي لمعان ونضارة من أول استخدام.
المكونات : 
معلقتين كبار زباي بلدي.
معلقة صغيرة من عسل النحل الطبيعي.
رشة صغيرة جداً من الكركم.
الطريقة: 

1. اخلطي الزبادي مع العسل كويس لكي تحصلي علي كريم.
 

2. ضعي رشة من الكركم وقلبي.

ملحوظة هامة: لا تكثري من الكركم لكي لا يعمل تصبغات.
 

3. غسل الوجه بماء دافي ونشفيه.
 

4. فرد الخليط علي الوجه وعلي رقبتك بعيد عن العين.
 

5. اتركيه 20 دقيقة لحد ما ينشف.
 

6. افركيه بصوابعك برفق واغسليه بماء بارد.

بتشتغل إزاي؟
الزبادي يوجد به حمض يعمل علي إزالة الجلد الميت. العسل بيرطب ويقلل البكتيريا ، الكركم بيمنع الالتهابات ويعمل علي توحيد اللون.
كرريها : 3 مرات في الأسبوع . ستحصلي علي أفضل النتائج من اول أسبوع.

2. وصفة البطاطس والليمون لإزالة البقع الغامقة:

هذه أقوي وصفة للبقع وآثار الشمس. البطاطس بتساعد علي التفتيح ويعمل الليمون علي التقشير. 
المكونات: حبة بطاطس صغيرة و نصف ليمون.
الطريقة: 

1. ابشري البطاطس واعصريها وخذي الماء بتاعها فقط.
 

2. اعصري نصف ليمون علي ماء البطاطس.
 

3. بقطنة نضيفة امسحي علي الأماكن الغامقة والوجه كله.
 

4. اتركيه لمدة 15 دقيقة وبعدين اغسلي بماء بارد.

ملحوظة مهمة: ممنوع تطلعي في الشمس بعد الليمون، اعمليها بالليل فقط، ولو بشرتك حساسة ضعي معلقة من ماء الورد تخفف الليمون.
بتشتغل إزاي؟
ماء البطاطس يوجد بها نشا بيعمل علي التفتيح ، والليمون يوجد به فيتامين بيقشر الطبقة الغامقة.
كرريها يوم بعد يوم لمدة أسبوعين ، البقع هتخف 70٪.

3. وصفة الشوفان وماء الورد لتبييض وتقشير البشرة الدهنية:

لو بشرتك دهنية وبتطلع حبوب هذه أنسب وصفك ليكي، بتعمل علي تنظيف وتفتيح المسام.
المكونات: معلقتين شوفان مطحون و 3 معالق ماء ورد ونصف معلقة عسل. 
الطريقة: 

1. اطحني الشوفان في المطحنة لكي تكون بودر ناعم.
 

2. اخلطيه مع العسل وماء الورد.

 

3. اتركيه علي وجهك وافركيه بحركات دائرية لمدة دقيقة.
 

4. اتركيه 15 دقيقة ايضاً.
 

5. اغسليه بماء فاتر.

بتشتغل ازاي؟
الشوفان مقشر طبيعي بيزيل الجلد الميت والدهون ، ماء الورد بيقفل المسام وبتعطي نضارة ، العسل بيرطب.
كرريها مرتين في الأسبوع.
نصائح مهمة لكي تحصلي علي نتائج ثابتة:
الوصفات لوحدها ليس كافي ، اعملي دول معاها.

1/ الترطيب يومياً: بعد كل غسل الوجه بالماء ضعي جل صبار أو زيت لوز، البشرة المرطبة بتظهر أفتح.

2/ ممنوع الصابون العادي: بينشف الوجه ويسمره، استخدمي غيول طبي او صابون جلسرين.

3/ قناع الشاي الأخضر: غليان الشاي الأخضر واتركيه يبرد، ضعيه في بخاخة ورشي علي الوجه كل يوم، مضاد أكسدة وبيفتح.

4/الطعام بيعمل فرق: كلي جزر وبرتقال وطماطم ، فيهم فيتامين بيمنع الأكسدة.

5/اختبار الحساسية: قبل أي وصفة جربيها علي رقبتك الأول لمدة 10 دقائق. لو محصلش احمرار يبقي تمام.

*أسئلة الناس بتسألها عن تبييض البشرة*: 
1- متي تظهر النتيجة:
النضارة من أول استخدام ، التفتيح ملحوظ من أول أسبوع لعشر أيام مع المواظبة.
2- هل ينفع للبشرة الحساسة:
اه ولكن زيلي الليمون من الوصفة الثانية وضعي مكانه خيار.
3- هل الوصفات دائمة:
اه لو حافظتي على الشمس والترطيب. لو رجعتي. للشمس والسهر هتسمري مرة أخري.
4- هل مناسب للرجال:
طبعا ينفع للكل ، البشرة ليس لها نوع.

تبييض البشرة طبيعي ليس صعب وليس مكلف. كل اللي محتاجاه الانتظام. اختاري وصفة واحدة من التلاتة وامشي عليها 3 أسابيع وهتتفاجئي بالنتيجة.

أهم حاجة تبعدي عن الشمس وتشربي مية وترطبي. الجمال بيبدأ من جوه قبل بره.

جربي النهاردة وقوليلي بعد أسبوع لاحظتي ايه.