العناية الكامله للبشرة على حسب نوعها (تجربة شخصيه)
السلام عليكم بتكلم اليوم عن موضوع البشرة من خلال تجربتي من وخبرتي بمنتجات كثيرة لإني جربت كل شيء تقريبا وبقول روتين عنايه بسيط مايرهق البشرة وإن شاء الله أكون تطلمت في كل شيء بشكل شامل أول شيء بتكلم عن الاشياء الي تتجنبينها لأنها هي الشيء المهم الي بدال مايفيد بشرتك يضرها خلينا نبدأ:
١-لا تبالغين في عنايتك في بشرتك حاولي تكوني معتدلة في عنايتك في بشرتك يعني اعرفي أول شيء وش نوع بشرتك لأنه لازم تعرفين الي مناسب لبشرتك مثلا نعطيكي مثال بشرتك مختلطة اذا إستخدمتي منتجات عناية للبشرة الجافة بيعدم بشرتك ويسبب حبوب وزيادة إفراز الدهون في البشرة لانها منتجات مخصصه للبشرة الجافه ترطيبها عالي ، الماسكات ٣ مرات او مرتين في الإسبوع طبعا بقول الماسكات المفضلة لي والي شفت منها فايدة ونتيجه بس أول شيء بقول لك الروتين اليومي الي تتبعينه أول شيء إذا قمتي من النوم إغسلي بشرتك بغسول مناسب لنوع بشرتك أو صابونة مناسبتك (خاصة لبشرتك) وطبعا ماتكون عطرية لاتجفيفين بشرتك بالمنشفة المنشفة تجمع البكتيريا أتركيه يجف من نفسه أو جفيفيه بمناديل إمسحي بشرتك بتونر وخليه يشف وحطي مرطب مناسب لنوع بشرتك عشان مايسبب لك حبوب اذا بتطلعين لاتنسين واقي الشمس روتين الليل كمان اغسلي بشرتك وتونر وفيه نقطه هنا اذا بشرتك تعبانه فيها حبوب او اثار حبوب استخدمي علاج للبشره بدال المرطب طبعا أنا انصح بكريم لاروش بوزيه ايفاكلار ديو بلس هو مرطب ومعالج للبشره (جربته) يناسب كل انواع البشره ، نتكلم الحين عن ماسكات البشرة طبعا بتكلم عن الماسكات الي جربتها شخصيا :
١-ماسك الكركم والزبادي ،جميل ويفتح بس تفتيح بسيط مع الاستمرار استخدمته لمدة اسبوعين يوميا واعطاني تفتيح بسيط ونضارة ١٥ دقيقه واغسليه
٢-ماسك بذور الكتان ، اطحي بذور الكتان وحطي عليها شويه زبادي او ماء وأخلطيه كويس ووزعيه ع بشرتك ٢٠ دقيقه او ٣٠ دقيقه فوائده كثيره يشد البشره يصغر المسام نضارة للبشره يشيل أثار الحبوب
٣-الشوفان الحليب النشا الزبادي ، طبعا انا حطيت في علبه نص كوب من الشوفان ونص كوب من الحليب ونص كوب من النشا وخلطتها سوا وإذا جيت اسوي الماسك اخذ منها ملعقه واخلطها مع زبادي جبار ذا الماسك يعطيكي تفتيح ملحوظ في فتره بسيطه ويشيل اثار الحبوب
٤-ماسك الطين الهندي (للبشره المختلطه والدهنيه) افضل ماسك لتنظيف البشره بأمكانك تخلطينه مع ماء الورد أو خل التفاح انا شخصيا افضل اخلطه مع زبادي نص ساعه واغسليه اذا بشرتك جافه يناسبك ماسك الطين المغربي الاحمر من شركه ناو وكمان للبشره الحساسه
هذي اكثر الي شفت منها نتيجة كويسه من الي جربتها
قبل كل ماسك يتطبق على بشره تكون نظيفه كويس
-نتكلم الحين داخليا لانه هو الأهم الي تدخلينه لجسمك هو الي بيفرق معك ممكن في أكل تتحساسين منه حاولي تتجنبينه إشربي ماء كافي يوميا وزعيها على يومك إشربي المشروب الاخضر يفيد بشرتك وشعرك وصحتك .
نجي نتكلم عن تنظيف البشره العميق طبعا بتكلم عن التنظيف الي أسويه لنفسي تسوينه مره في الشهر أومرتين
أول شيء إغسلي بشرتك بغسول مناسب وبعدين نجي للمقشر اذا في مقشر مرتاحه عليه استخدميه أو سوي مقشر في البيت سكر وزيت زيتون خليكي لطيفة على بشرتك بكل نعومه تعاملي معها بعد المقشر اذا فيه زيت اغسلي بشرتك واستخدمي بخار الوجه لمده ١٠ دقائق واستخدمي جهاز تنظيف البشره انا استخدمه جهاز تقشير وتنظيف البشره اكتبيه في قوقل يطلع لك نظفي بشرتك كويس وبعدها تاكدي ان وجهك نظيف بأده إزاله الرؤؤس السوداء (كل شيء لازم يكون معقم ) وبعدها حطي ماسك الطين الهندي اذا بشرتك حساسه او جافه حطي الطين المغربي الاحمر من شركه ناو وبعدها قفلي مسامك بثلج او ماء الورد ورطبي بشرتك كويس.
أنا بشرتي مختلطه المنتجات الي ناسبتني رغوة بوندس ، غسول لاروش بوزيه للبشره المختلطه ، مرطب لاروش بوزيه للبشره الدهنيه ، كريم لاروش بوزيه ايفاكلار ديو بلس ، صابونه كركم ، مقشر بوندس ، تونر ذا اورديناري . هذا الي أذكره الحين بحكم إني أستخدمت كثير أتمنى إني أكون أفدتكم ولو قليل شكرا لوقتكم
اللهم صل وسلم وبارك على سيدنا محمد وعلى آله وصحبه وسلم تسليما كثيرا .
