بديل البوتوكس الطبيعي : 5 ماسكات منزلية لشد البشرة و إخفاء التجاعيد في أسبوع
المقدمه
كل بنت و سيدة بتحلم ببشرة زجاجية صافيه و مشدودة زي نجمات السينما و مع غلاء جلسات البوتوكس بقي الرجوع للطبيعة هو الحل الأنسب و الاذكي البشرة مش محتاجه كيماويات غاليه هي محتاجه استمرارية و تغذية صح في المقال ده لك خلاصه تجارب الخبراء في التجميل لاستخدام المكونات الطبيعيه مفعولها بينافس اغلي الكريمات العالميه.
أولاً: تونر لبان الدكر
لبان الدكر مش مجرد بخور ده كنز للبشرة بيحتوي علي مادة الراتنج الطبيعيه اللي بتساعد في تجديد خلايا البشرة و شد الترهلات
●الطريقه: انقعي ملعقه كبيرة من لبان الدكر في كوب ماء مغلي لمدة ليله كامله لحد ما يكون لونه ابيض زي اللبن .
● الاستخدام: أمسحي وشك بالتونر دا كل يوم قبل النوم بقطنه و هتلاقي ان المسام الواسعه بقت أصغر و الجلد اصبح مشدود اكتر.
ثانياً: ماسك القهوة و زيت الزيتون للنضارة
الكافيين اللي موجود في القهوة بيحفز الدورة الدموية في الوش جداً و ده بيدي نضارة فورية و بيقلل الهالات السودة تحت العين.
●الطريقة : ملعقه قهوة مع ملعقة زيت زيتون.
●الاستخدام : اعملي حركات دائرية خفيفه لوشك لمده خمس دقايق و اغسليه بماية فاترة الماسك دا مقشر طبيعي بيشيل الجلد الميت و بيخلي الوش ينور
ثالثاً: ماسك بياض البيض و الليمون
لو بتعاني من دهون زيادة و مسام واسعه بياض البيض هو المكواة الطبيعيه لوشك. لانه بيحتوي علي بروتينات بتغذي الجلد و بتشده في وقت قياسي.
●الطريقة: اضربي بياض بيضه واحده مع نقطتين ليمون
●الاستخدام: ادهني وشك و سيبيه لحد ما ينشف تماماً و تحسي ان جلدك اتشد و بعدين اغسليه النتيجه بتبان من أول مرة.
رابعاً: سر الكوريين ماسك الأرز.
مياة الأرز هي السر وراء بشرة الكوريين البيضاء الصافيه. الأرز يحتوي علي مضادات اكسدة و بينعم ملمس الجلد جداً.
●الطريقة: اغسلي شوية رز و خدي المياه بتاعتهم بعد نقع ساعتين و ممكن تطمني الأرز المسلوق و تعمليه كريم و تحطيه كماسك.
الاستخدام: تستخدم مياه الأرز كتونر يومي لغلق المسام و تفتيح اللون.
خامساً: نصائح ذهبية لنتائج تدوم و سرعه في ظهور النتائج
1-شرب المياه: مفيش ماسك في العالم هيشتغل لو جسمك من جوه عطشان 8 أكواب مياه في اليوم هم السر الحقيقي.
2- النوم بدري: السهر هو العدو الاول للكولاجين حاولي تنامي عالاقل 7 ساعات عشان بشرتك تكون كويسة و مش مجهده.
3- الترطيب: بعد اي ماسك لازم ترطبي وشك بكريم مناسب لنوع بشرتك عشان تحبسي الفوائد داخل الجلد.
سادساً: 5 أخطاء كارثية بتدمر بشرتك وانتي مش واخده بالك
قبل ما تطبقي أي ماسك لازم توقفي العادات دي عشان مجهودك ميروحش عالارض.
1-غسل الوش بمياة ساخنه: المياه الساخنه بتدمر الزيوت الطبيعيه في الجلد و بتسبب جفاف و شيخوخه مبكره، دايماً استخدمي مياة فاترة او باردة.
2- تنشيف الوش بفوطة خشنه : جلد الوش رقيق جداً ، التنشيف بعنف بسبب تجاعيد و ترهل استخدمي مناديل ورقية أو فوطه قطن ناعمه بطريقة “الطبطبة” .
3- النوم بالميك آب : دي جريمه في حق بشرتك المسام بتتسد والجلد مش بيتنفس و ده بيسبب حبوب و بشرة باهته جداً الصبح.
4- عدم استخدام واقي شمس: حتي لو قاعده في البيت قدام الموبايل او الفرن الاشعه بتأثر واقي الشمس هو أقوي كريم ضد التجاعيد في العالم.
5- لمس الحبوب بالايد: لو طلع لك حباية ممنوع تلمسيها لمسها بينقل البكتيريا لبقية الوش و بيسبب أثر (بقعه سوداء) صعب تروح بالماسكات.
الخاتمه.
جمالك مش محتاج ثروة محتاج بس “حب لذاتك” ووقت مخصص ليكي كل يوم جربي الماسكات دي بالتبادل (مرتين في الاسبوع) و هتشوفي فرق كبير في ملمس وشك و شبابه.الطبيعه دايماً عندها الحل ، ابدئي انهاردة و خلي بشرتك تتنفس.
