مرض الادمان و كيفية السيطره عليه
في ناس كتير بتحسب ان ربنا خلقهم كده و ده بلاء
لكن حابب اقولك ان ده مرض …
ايواا مرض و اسمه مرض الادمان
و هو مرض سلوكي اعتمادي اساسه الخوف يصبنا ف اكثر من جانب من جوانب حياتنا
و هو الجانب العقلي و الجانب الجسدي و الجانب الروحاني و المرض ده مزمن و متفاقم و مميت و ملوش علاج
يعني محدش يجي يضحك عليك و يقولك خود الحبيتين دول و انت هتخف
بس احنا نقدر نحاصر المرض ده جوا دايره بحيث ميخرجش منها بشويه حاجات بسيطه هنعملها كل يوم
و لو عملناها بامانه بجد اوعدك انك مش هتشرب مخدرات تاني
بس الاول عاوزك تفتكر انت بقالك اد ايه بتشرب مخدرات ف مش في ثانيه هتبطل
في مقوله بتقول لن نتعافي بين عشية و ضحاها يعني بلبلدي كده مش ف يوم و ليله هنخف
لا الموضووع بس ف اوله بيحتاج مننا شويه معاناه بس هتخف يعني هتخف
طيب المرض ده ليه حاجه اسمها اعراض يعني لو في حاجه من دول جاتلك اعرف ان المرض يتحدث
الي هما الانكار و الاساغه و التبرير و العزله و التدهور و الاستبدال و الاحراج و الانحلال الاخلاقي و عدم الثقه و فقدان السيطره و الاحساس بالذنب
و هما دول الي بنسميهم اعراض مرض الادمان
من الاخر كده في حاجه اسمها الاولويات
و من اسمها ف الحاجات دي اهم حاجه ف حياتنا كلها طول ما انت عاوز تبطا مخدرات و تبقي مدمن متعافي و ليس مدمن نشط
الاولويات دول خمس حاجات الي هما
دعاء و مشاركه و قرايات و اجتماع و مكالمه مشرف
الدعاء ده كل يوم بتقول يا رب ساعدني مشربش خمره ولا مخدرات انهارده ده و اجعل يومي ايجابي مش سلبي و سهل و بسيط
و المشاركه دي بتكلم حد معين بتحكيله علي سلبيات او ايجابيات يومك بالتفصيل الممل
و القرايات دي لازم كل يوم تخصص وقت تقراه في حاجه مفيده
و الاجتماع و المشرف دول هشرحهم ف مقاله تاني تخص جزع اسمه ان اي عشان الموضوع كبير
يا رب تكونوا استافدتوا مني
