مرض الاكتئاب وكيفية التخلص منه
بما انى شفت كذا بوست عن النفسية و الحزن و كدة قلت احكى تجربتى
تجربتي عن مرض الاكتئاب السريرى و دة مرض مزمن مش مرتبط بظروف معينة قد ما هو مرتبط بكيميا المخ
مبدائيا ازاى نفرق بين الاكتئاب و الحزن
الحزن دايما مرتبط بحدث بصدمة بفقد و ممكن يؤدى لاكتئاب فى بعض الاحيان.
لكن الاكتئاب هو فقد الحيوية عدم القدرة على ممارسة ابسط انشطة الحياة زى الاكل او الشاور او الرد على التليفون كل حاجة يتبدو للمكتئب صعبة و مستحيلة انا كنت بفكر ياااه لسة هسخن الاكل و احطه ف بؤى و امضغه و ابلعه و اغسل الطبق مكنتش بقدر اعمل اقل المهمات
ايام كنت بقضيها ف السرير بدون مبالغة بدون اى حركة صاحية و مخى بيهلوس ف اى حاجة يشغل بيها نفسه عن الحياة
من فضلك لو لقيتى نفسك فى الحالة دى لازم تطلبى مساعدة طبية ضرورى لانها هتاثر على صحتك و سلامة عقلك و علاقتك بكل اللى حواليكى و ممكن تبقى خطر على نفسك او عيلتك لا قدر الله
المرحلة التانية بعد ما عرفت انى عندى اكتئاب بدات العلاج العلاج مش سحر الدكتورة جربت معايا بروتوكول واتنين و تلاتة و اربعة و لسة كل ما الاقى الدنيا بتبوظ بروحلها و تعدلى ف العلاج
الاكتئاب مرض مزمن زى السكر و الضغط بس ممكن الإنسان يتعايش معاه بالدوا و الجلسات
طبعا مش محتاجة اقول انه ممنوع ممنوع ممنوع انى اغير او اوقف العلاج من نفسي لازم الدكتورة هى اللى تاخد القرار دة بالتدريج حسب الحالة
اه العلاج له آثار جانبية مش لطيفة بس اهون بكتير من الموت النفسى اللى الاكتئاب بيوصلهولك
المعلومات اللى فى البوست كلها من تجربتى الشخصية و كلام دكتورتى و محاضرات سمعتها و كتب قريتها عن الموضوع .
اتمنى اكون ساعدت و سامحونى لانى طولت .
بما انى شفت كذا بوست عن النفسية و الحزن و كدة قلت احكى تجربتى
تجربتي عن مرض الاكتئاب السريرى و دة مرض مزمن مش مرتبط بظروف معينة قد ما هو مرتبط بكيميا المخ
مبدائيا ازاى نفرق بين الاكتئاب و الحزن
الحزن دايما مرتبط بحدث بصدمة بفقد و ممكن يؤدى لاكتئاب فى بعض الاحيان.
لكن الاكتئاب هو فقد الحيوية عدم القدرة على ممارسة ابسط انشطة الحياة زى الاكل او الشاور او الرد على التليفون كل حاجة يتبدو للمكتئب صعبة و مستحيلة انا كنت بفكر ياااه لسة هسخن الاكل و احطه ف بؤى و امضغه و ابلعه و اغسل الطبق مكنتش بقدر اعمل اقل المهمات
ايام كنت بقضيها ف السرير بدون مبالغة بدون اى حركة صاحية و مخى بيهلوس ف اى حاجة يشغل بيها نفسه عن الحياة
من فضلك لو لقيتى نفسك فى الحالة دى لازم تطلبى مساعدة طبية ضرورى لانها هتاثر على صحتك و سلامة عقلك و علاقتك بكل اللى حواليكى و ممكن تبقى خطر على نفسك او عيلتك لا قدر الله
المرحلة التانية بعد ما عرفت انى عندى اكتئاب بدات العلاج العلاج مش سحر الدكتورة جربت معايا بروتوكول واتنين و تلاتة و اربعة و لسة كل ما الاقى الدنيا بتبوظ بروحلها و تعدلى ف العلاج
الاكتئاب مرض مزمن زى السكر و الضغط بس ممكن الإنسان يتعايش معاه بالدوا و الجلسات
طبعا مش محتاجة اقول انه ممنوع ممنوع ممنوع انى اغير او اوقف العلاج من نفسي لازم الدكتورة هى اللى تاخد القرار دة بالتدريج حسب الحالة
اه العلاج له آثار جانبية مش لطيفة بس اهون بكتير من الموت النفسى اللى الاكتئاب بيوصلهولك
المعلومات اللى فى البوست كلها من تجربتى الشخصية و كلام دكتورتى و محاضرات سمعتها و كتب قريتها عن الموضوع .
اتمنى اكون ساعدت و سامحونى لانى طولت .
