كيف تسيطر على التفكير الزائد ؟ 5 خطوات لجعل العقل أكثر هدوء.
"توقف عن التفكير الزائد: 5 طرق بسيطة لاستعادة راحة بالك وهدوئك".
جميعنا مرينا بظروف صعبة، ومرينا بأيام كنا بنصحي فيها متوترين مش مجرد تعب جسدي ، ولكن بداخلنا حاجة ليست مرتبة ، بنرد علي الرسائل، بنخرج مع الناس ، بنروح الشغل، نتكلم مع الأصدقاء ، ولكن بداخلنا صوت منخفض بيقول" أنا لست قادراً".
زمان أهلنا كانوا بيقولوا " كبر دماغك " ، "خليك إنت أحسن" ، كنا معتقدين إن الإنسان لو قال أو عبر إنه متضايق يكون إنسان ضعيف أو يقال إنه إنسان متدلع ، ولكن الحقيقة مختلفة ، الصحة النفسية مثل الصحة بالظبط ، لما بتتعب بتذهب فوراً للدكتور ، ولما نفسيتك بتألمك من حقك تشوف نفسك.
ماذا تعني الصحة النفسية ؟
الصحة النفسية بطريقة مبسطة جدا ً هي إنك تعرف كيفية التعامل مع يومك بطريقة صحيحة ، تعرف تتعامل مع الناس بطريقة صحيحة ، تنام مرتاح البال،تشتغل بتركيز ، بدون ما تحس إنك متوتر أو غير مرتاح نفسيا ً، طبيعي تكون متوتر أو حزين أو خايف. المهم تعرف تقوم بعدها ، مش إلزام إنك تكون مبسوك طول اليوم.
المشكلة فين ؟ المشكلة إننا بقينا نعرف نتجاهل المواقف ونقول لأنفسنا مبررات . ولكن النفس بتدينا إشارات لحد ما نتعب بجد.
ما هذه الإشارات الهامة؟
من الممكن أن تكون بتنام كثير او مش عارف تنام خالص . بتصحي كل يوم الصبح حاسس بتعب وبعدم النوم حتي لو نايم مدة ساعات طويلة ، عندك صداع دائما من غير سبب وأسباب آخري كثيرة. النسيان الكثير ولا يوجد لديك تركيز في أغلب الوقت. ممكن أشياء كنت بتحبها أصبحت ليس لها قيمة في نظرك او مملة . بتتعصب دائما علي الأشياء البسيطة أو بتبعد عن الناس وتجلس بمفردك.
كل هذه الأشياء ليست كسل، النفسية بتقولك " أنا محتاج راحة".
ما الأسباب التي تودي إلي إتعاب الصحة النفسية ؟
أشياء كثيرة جدا ً منها : (القلق ، التوتر ، الإيجار ، المصاريف ، الفلوس) الإنسان بيفكر في كل الالتزامات ويقول " هكفي إزاي" ، القلق بيسيطر على الإنسان ولهذا السبب الصحة النفسية والمال مرتبطين ببعض . لما بتحس إنك متحكم في الميزانية، بتحس براحة كبيرة.
وأيضاً: الشغل والدراسة والمسئوليات التي لا تنتهي. العلاقات أيضا بتتعب . لما تتخانق مع صديق ، مشكلة في المنزل ، إحساس الوحدة ، وحتي مقارنة الإنسان بغيره. أغلب الناس بتفتح السوشيال ميديا بتشوف حياة الناس التي شكلها مثالية ونبدأ المقارنة . وننسي لا يوجد أحد بينزل منشور وهو تعبان أو محاولات او فشل.
ما الحل العلمي ؟ نستسلم؟ أكيد لأ.
الموضوع محتاج أشياء صغيرة نعملها بشكل يومي.
1. النوم: النوم نصيحة تقليدية ولكن مفعولها قوي، قلة النوم بتوتر وبتكبر المشاكل الصغيرة ، حاول تظبط مواعيد نومك ، ظبط وقت الموبايل.
2. الحركة: تعني الحركة المشي لمدة عشرة دقائق ، تنظيف المنزل ، مش لازم اشتراك جيم . أول ما الجسم بيتحرك المخ بينتج أشياء بسببها يصبح المزاج أفضل جربها وشوف الفرق بنفسك.
3. الكلام: اختار إنسان مناسب مقرب لك بتثق فيه وقول كل الكلام الذي بداخلك ، توقف عن كتم الكلام بداخلك ، ممكن تكتب في ورقة كل الأشياء التي تضايقك ، لما بتطلع الكلام الذي بداخلك بترتاح نفسياً.
4. الماء والطعام : العطش والجوع بيسببوا توتر وعصبية وقلق. اشرب ماء كثير وكل طعام خفيف ، مخك محتاج أكل نظيف لكي يفكر بطريقة صحيحة.
5. الراحة: من حقك تأخذ بريك لما تحس بتعب وتقول "لأ" لما تكون تعبان ومن حقك تطلب مساعدة.
وهنا نأتي لنقطة مهمة جداً: متي تقول أنا أحتاج ادكتور؟
لو الإحساس ظل معاك أكثر من أسبوعين وقابت. لو مأثر علي يومك وبشغلك وعلاقتك مع الناس . ساعتها لازم تروح لدكتور.
الدكتور بيساعدك تفهم نفسك ويديك أدوات تتعامل بيها طلب المساعدة شجاعة .
لو انت شايف شخص مقرب لك حاسس بتعب ؟ قوله "أنا بجانبك" وجودك هيفرق معاه حتي لو أنت صامت.
عايزة أقولك حاجة اخيرة:
مش مطلوب منك تكون سوبرمان ، المطلوب تكون مبسوط وبتضحك . إنت إنسان من حقك تتعب وترتاح .
الصحة النفسية ليست رفاهية ، هي الأساس.
ابدأ النهاردة ، النهاردة قبل بكرة.
اشرب ماء كافي ، نوم كافي ، اتكلم مع شخص تثق به ، اخرج.
افتكر إن الأيام الصعبة بتمر، وانت اقوي مما انت متخيل. ولكن ادي لنفسك فرصة.
لو حسيت إن الكلام لمسك، ابعته لشخص محتاجه، يمكن تكون انت السبب إن حد يحس إنه ليس وحيد.
