قبل المسكن والفيتامين : جسمك محتاج 30 دقيقة فقط.

توقف عن الكسل: نصف ساعة في اليوم هتغير صحتك.

جميعنا بنعملها. أول ما نشعر بصداع أو تعب نبحث علي أي دواء أو مسكن. أول ما نشعر بتعب أو إرهاق بنقول "أكيد أنا محتاج فيتامين" ، ولما النوم يكون مش منتظم نأخذ منوم.

ولكن هل سألت نفسك سؤال مهم : "لماذا وصلنا لهذه المرحلة".
السر الحقيقي هو : الحركة.
قبل أي تحليل ، قبل أي دواء ، قبل ما تصرف مال .

 جسمك محتاج 30 دقيقة فقط.

مش لازم تكلفة ولا جيم ولا ملابس رياضة ولا مدرب. 30 دقيقة حركة فقط ، مشي ، تمارين خفيفة.
30 دقيقة كافية تغير صحتك .
1. جسم أقوي ومناعة بشكل صحي : 
تخيل جسمك كأنه مكان ، والرياضة هي التي تحمي المكان ، لما بتتحرك ، الدم بيوصل لكل خلية أسرع. القلب بيبقي أقوي وبضخ دم أحسن. الرئة بتوسع وبتأخذ أكسجين أكثر.

ماذا يحدث؟
1- القلب والضغط والسكر : أمراض القلب والسكر والضغط أصبحوا منتشرين جداً. 
السبب بسيط : قلة الحركة والجلوس الكثير.
لما بتعمل رياضة 30 دقيقة ، جسمك هيستخدم السكر الذي في الدم كطاقة. وهتظبط السكر بشكل طبيعي. والأوعية الدموية هتوسع. فالضغط بينزل. وهتقلل خطر الإصابة بنسبة كبيرة.

2- المناعة : 
وقت التمرين جسمك بينتج خلايا بتقضي علي أي ميكروب أو فيروس. 
هناك أشخاص بتعمل رياضة بانتظام دور البرد عندهم بيخف بسرعة. ونزلات البرد اقل .

3- المفاصل والعظام : 
المشي بيقوي العظام. التمارين البسيطة بتليّن المفاصل فتمنع وجع الركبة.
30 دقيقة فقط هتغير صحتك ونفسيتك.

2. نفسية أحسن ومخ أهدي : 
أشخاص كثيرة معتقدة إن الرياضة للجسم فقط. ولكن الفائدة الكبيرة بتحدث في المخ.

هل لاحظت يوماً إنك بعد ما بتمشي أو تتحرك بتشعر بمزاج أفضل؟ 
المخ وقت الحركة بينتج مادتين تساعدك علي السعادة وتشعر برضا وراحة.

ضد التوتر والقلق : جميعنا عايشين في ضغط طول الوقت. مسئوليات ، شغل ، منزل ، التوتر بيسبب صداع وتعب في المعدة. الرياضة بتزيل كل الشحنات السلبية من جسمك مع كل خطوة.

النوم العميق : الذي يعاني من الأرق والتعب هيستفيد جداً. لما تبذل مجهود بسيط. بالليل بيطلب الراحة. فبتنام أسرع وبتصحى فايق. فهتستغني عن المنوم الذي يتعب جسمك علي المدي الطويل.

3. روتين 30 دقيقة في المنزل : 

30 دقيقة تتحرك فيهم هتلاحظ الفرق بنفسك مثل:

1- خطة المشي : اتمشي لمدة 30 دقيقة.
2- خطة المنزل : حرك رقبتك ، نط في المكان ، تمرين بسيط.
3- خطة المواصلات والشغل: وحضرتك بتشتغل اتمشي 5 دقائق ، في المواصلات انزل مكان قبل منزلك واتمشي.
الموضوع كله عادة . أول أسبوع هيكون صعب. ثاني أسبوع هيكون أسهل. ثالث أسبوع هتستغرب نفسك لو يوم انتهي بدون حركة.

ابدأ بتحدي لمدة 7 أيام : 

أنا لا أقول إنك هتنزل 5 كيلو في اسبوع. ولا بقولك مش هتعب مرة أخري. أنا بقولك جرب لمدة 7 ايام فقط. 30 دقيقة كل يوم فقط .
في آخر الأسبوع السابع هتلاحظ 3 أشياء : 
1/ نوم منتظم.
2/ مزاج أهدي.
3/ زيادة طاقتك وعدم الشعور بالخمول.

30 دقيقة استثمار. استثمار في صحتك لكي لا تصرف مال كثير.
قبل ما تأخذ أي مسكن. اشرب كوب ماء واتمشي لمدة 10 دقائق.
صحتك هتفرق ، فلوس أقل ، جسمك هيشكرك.
ابدأ من اليوم. لأن صحتك تستاهل 30 دقيقة فقط.