اضطرابات التخاطب للأطفال
في الأول كدا مين اللي بيكون مسئول عن التأهيل للطفل.
اخصائي التخاطب وهو القادر علي إنشاء بناء لغوي متكامل، وبيأهل كل من الصوت والكلام واللغة.
طب أيه هي الاضطرابات الخاصه بأخصائي التخاطب.
أمراض لغة ودي بتكون عبارة عن تأخر في نمو اللغة وعي ودا بيجي للكبار بسبب الصدمات.
بعد كدا اضطرابات النطق والكلام دي عبارة عن لدغة وخنف وتلعثم وحبسة كلامية.
بعدهم اضطرابات الصوت ودي بتكون عضوية ووظيفية.
طيب يادكتور اية سبب تأخر اللغة أصلاً.
هما سبع حاجات هما اية بقا
- تخلف عقلي.
- اضطراب طيف التوحد.
- ضعف سمعي.
- حرمان بيئي.
- إصابة دماغية.
- تأخر النمو الصوتي.
- تأخر غير محدد السبب.
تمام يادكتور أية العوامل المهيئة اللي بتخلي اللغة تظهر.
هما اربع حاجات
- سلامة القنوات الحسية اللي هي سمع وبصر.
- سلامة أعضاء النطق اللي هي الفم واللسان.
- سلامة القدرات العقلية.
- ووجود بنية منبئة.
دلوقتي هنتكلم عن الإعاقة العقلية.
إية شروط الإعاقة العقلية.
ليها ٣ شروط.
- تكون درجة علي مقياس الذكاء أقل من ٧٠.
- وبيكون عندو قصور واضح في السلوك التكيفي زي التواصل والعناية بالذات.
- والحاجات دي لازم تظهر قبل سن ١٨.
طب يادكتور اكيد الإعاقة العقلية دي ليها مستويات.
أكيد هما ٤ مستويات.
- الدرجة من ٥٠ إلي ٧٠ إعاقة عقلية بسيطة
- الدرجة من ٣٥ إلي ٥٠ إعاقة عقلية متوسطة.
- الدرجة من ٢٠ إلي ٣٥ إعاقة عقلية شديدة.
- الدرجة أقل من ٢٠ تشير إلي إعاقة عقلية حادة.
طب الأطفال اللي عندهم إعاقة عقلية دول ليهم مظاهر أو خصائص جسمية وعقلية.
- أولاً :- المظاهر إللي بتظهر ع الجسم عندهم قصور ف العمليات الحسية زي سمع بصر كمان ابنمو بتاع الأسنان والعضلات مش طبيعي معندهمشي اتزان حركي عندهم قصر ف القامة عندهم صغر ف حجم الرأس.
- ثانياً :- هما ست حاجات المظاهر العقلية والمعرفية.
- عندهم قصور في الانتباه.
- عندهم قصور في الذاكرة.
- وكمان قصور في الادراك.
- وعندهم قصور في تنظيم الانفعالات.
- وكمان قصور في التفكير.
- التأخر الدراسي.
للإعاقة العقلية أسباب
- أسباب وراثية واضطراب في عملية التمثيل الغذائي.
إيه الكلام الكبير دا يادكتور هبسطهالكم
في أسباب وراثية وهي من أهم الحاجات بتسبب الإعاقة زي أن لو ف العيله حد عندو إعاقة احتمالية إصابه طفل هيتولد بيها ولو الام مبتتغذاش كويس احتماليه ان الطل يصاب بيها.
2.اضطرابات لدي الأم أثناء الحمل.
ازاي؟ عامل الريزوس (RH) إية دا؟ دا بيكون عبارة ان دم الجنين ودم الأم مش متوافقين سوا علي فكرة لو تم اكتشافه مبكراً فممكن نتجنب الاصابة.
وفي حاجات تانية زي الحصبة الالمانية، والزهري الولادي، وطفليات التوكسوبلازما، والانيميا اللي بتيجي للأم أثناء الحمل.
3.إعاقة عقلية نتيجة الولاده.
ودي بتحصل نتيجة نقص الأوكسجين للطفل وقت الولادة.
أن يحصل ضغط الشديد علي الجمجمة، وأن الادوات تكون من معقمة، وأن الطفل يصاب بجروح بسبب عمليات التوسيع وكمان الولادة علي يد غير المتخصصين.
4. إصابة الطفل بالعدوي والاورام والتسمم.
زي إن الطفل يصاب باأمراض معدية مثل :- (الالتهاب السحائي، الحمي، وأورام المخ)
التسمم باستنشاق مركبات الرصاص والزرنيخ.
ان الام تكون بتتعاطي مخدرات وخمر وهي بترضع الطفل.
5.ان الطفل يتعرص للحوادث صدمات والوقوع من أماكن مرتفعة.
6. الحرمان الثقافي.
انو ينتمي للجماعات ذات مستويات اقتصادية واجتماعية متدنية.
أننا نحرمو من اللعب والنشاط ونستبدل دا أنو يقعد قدام الموبيل كتير.
أنو يكون طفل لأب وأم متأخرين عقليا أو مدمنين لا يولون أطفالهم الرعاية اللازمة ودا بيخليهم ف عزلة
أننا نحط الطفل في بيئة ثقافية ولغوية غير بيئتو ودول بيكونو زي المهاجرين إلي الدول الجديدة.
7.تخلف عقلي غير معروف السبب.
اتمني أكون فيدتكم ولو شوية في المقالة دي
