أضرار و سلبيات التدخين
التدخين
صحيح العمر واحد والرب واحد وصحيح أن موت هو النهايه المؤكدة للإنسان كل ده صحيح المهم هنا أن الإنسان يعيش حياته سليم ميعش مريض ميبقاش معرض للأمراض القلب أو السرطان ثبت من البحوث العلمية هي أن السجاير مضرة جدا بالصحة ثبت الدراسات أنها بتأثر علي كل أجهزة الجسم القلب و التنفس و العينين و الأطراف هتقولي ازاي هقؤلك ازاي القلب بيطر يشتغل إضافي لما واحد يدخن سيجارة الشغل الاضافي ده ارهاق مره في مره تبص تلاقي القلب اتأثر و ابتدى يطب أجهزة التنفس هي التي تستقبل الدخان لو صورنا صورة ملونة بالاشعة لرئة انسان مدخن و رئة انسان مبيدخنش هنلاقي رئة المدخن سودة سودة والتانية لا ليه ديه سودة وديه لا لان النيكوتين بيتسرب في الصدر هات سيجارة وحط مانديل ابيض عليها وشد نفس منها شد كمان نفس وشوف البقعة إللي سبتها في المانديل هتلاقيها بني علي اسود ده اثر نفسين تلاته من سيجارة واحدة شوف بقي لما واحد يشرب كل يوم علبتين شوف ده تأثيره علي الرئتين قد ايه النهاردة المعروف بين الأطباء النهاردة ان فيه
علاقة بين السرطان و التدخين و فيه علاقة بين أمراض القلب و التدخين صلاح منتصر عمل حملة ضد التدخين و دعا ليوم في الشهر الناس تبطل فيه سجاير آخر حاجه عرفناها ان متعة السيجارة إللي بيحس بيها المدخن جيه من مادة النيكوتين النيكوتين بيوصل للمخ بعد سبع ثواني ونص من جذب أنفاس السيجارة المدخن بيشد عشر أنفاس من كل سيجارة إللي بيدخن عشرين
سيجارة كل يوم بياخد سبعين الف جرعة نيوكوتين سنويا النيكوتين بيسبب متعة للمخ لكن في نفس الوقت بيزود ضربات القلب زيادة ضربات القلب معناها ان القلب بيقوم مجهود اكبر
من المجهود اللي بيقوم بيه عشان يعمل كده القلب مطر يضغط الدم اسرع علشان ياخد اكسجين يعني قلب المدخن بيعوز اكسجين اكتر من غيره في نفس الوقت التدخين بيعمل كربون
الكربون ضد الأكسجين يعني القلب مطر يجري اكتر و اكتر ممكن قوي بقى في الجري ده تحصل الأزمة القلبية العلاقة بين التدخين وأمراض القلب مكنتش واضحة دلوقتي بقي بقت واضحة جدا و معروفة وبعدين هنروح بعيد ليه عربيات التدخين إللي في القطارات و العربيات إللي مش فيها تدخين في القطارات في علي ديه و في علي ديه تلاقي عربيات التدخين الارض و السقف مش نظاف تلاقي المفارش مبقعة بحرائق صغيرة من السجائر او الكبربت تلاقي جو الغرفة اللي بها تدخين ملبد وجو الغرفة التانية نقي و نضيف و مفتوح مشكلة السجائر إللي بنشربها نسبة النيكوتين فيها أكبر من نسبة إللي بيشربها
الانسان في أوروبا أو أمريكا حتي تلاقي السجارة إللي متصدره من امريكا بها اعلان ان ممنوع في امريكا ليه ممنوع علشان خايفين علي صحة المواطنين عندهم اشمعنا احنا نفرط في صحتنا و حياتنا عايزين نفوق بقي ونرجع لإرادتنا و نبطل تدخين مش كده ولا ايه
في الختام، يتضح أن التدخين لا يزال يمثل تحديًا كبيرًا على الصحة العامة والبيئة. الأضرار الجسدية والنفسية الناجمة عن التدخين تتطلب منا اتخاذ إجراءات جدية للحد من انتشاره. من خلال تعزيز الوعي، وتطبيق سياسات صارمة، وتقديم الدعم للمدخنين الراغبين في الإقلاع، يمكننا أن نخطو خطوات هامة نحو مجتمع أكثر صحة وأمانًا. لنكن جزءًا من التغيير ونساهم في حماية الأجيال القادمة من آفة التدخين.
