نظام تغذية يومية لمرضى المعدة والقولون

نظام تغذية يومية لمرضى المعدة والقولون

يعانى الكثير من الأشخاص المصابين بمشاكل فى المعدة والقولون العصبى من صعوبة فى تحديد ما يجب تناوله يوميا دون أن يتعرضوا لمشاكل مثل الانتفاخ،عسر الهضم،الحموضة،أو إلتهابات المعدة والتى تؤثر بشكل مباشر على الحياة اليومية .ولأن التغذية السليمة هى أساس التحكم فى الأعراض فإتباع نظام غذائى مناسب يعتبر خطوة مهمة جدا   ،لذلك نقدم فيما يلى نظام يومى مقترح عملى وبسيط  يساعد على تقليل التهيج وتحسين الهضم ينفع لأى حد بيعانى من مشاكل المعدة والقولون ،مع إمكانية التعديل حسب إحتياجات كل شخص.

وجبة الفطار:

الفطار من أهم الوجبات ويفضل يكون خفيف وسهل الهضم .ممكن يكون عبارة عن:

شريحتان من التوست الأسمر أو خبز الشوفان أو العيش البلدى(حسب المتاح).

قطعة جبنة قريش قليلة الدسم مع رشة من زيت الزيتون أو جبن لايت، و بياض بيضة مسلوقة إذا لا توجد حساسية منها.

اتنين خيار مقشر.

كوب شاى أعشاب زى ينسون أو نعناع أو بابونج يساعد على تهدئة المعدة.(يفضل بدون سكر أو يكون محلى بملعقة صغيرة من العسل الأبيض).

الفطار ده بيجمع بين البروتين الخفيف(الجبنة و البيض)،الألياف( الخيار)،والكربوهيدرات المفيدة( الخبز)،وده بيساعد على تنشيط الجهاز الهضمى من غير ما يضغط عليه.

وجبة خفيفة(سناك صباحى):

بعد ٣ ساعات من الإفطار يمكن تناول ثمرة موز أو كمثرى أو تفاح.الفواكه سهلة الهضم تساعد على تزويد الجسم بالسكريات الطبيعية والألياف اللطيفة على القولون.

وجبة الغداء:

الغداء يفضل يكون متوازن ويحتوى على بروتين وخضار ونشويات بسيطة.مثال:

ربع فرخة مشوية أو مسلوقة (منزوعة الجلد)،أو سمك مشوى.

طبق خضار مطبوخ عالبخار أو مسلوق أو مطهو بزيت الزيتون.

أرز مسلوق أو مطهو بزيت الزيتون،أو فريك بكمية معتدلة.

طبق سلطة خضراء.

الطريقة دى بتخلى الأكل أخف وأسهل فى الهضم،وفى نفس الوقت مشبعة وغنية بالقيمة الغذائية.

وجبة خفيفة(سناك مسائى): 

يمكن تناول كوب زبادى لايت، أو مشروب دافئ مثل البابونج أو النعناع او الينسون ،حيث يساعد على تهدئة القولون وتقليل التقلصات.

وجبة العشاء: 

العشاء لازم يكون أخف وجبة فى اليوم عشان المعدة تستريح قبل النوم ،ويكون قبل النوم بساعتين على الأقل.مثال:

كوب زبادى لايت عليه ملعقة عسل صغيرة.

او طبق بطاطس مسلوقة ومهروسة مع رشة من زيت الزيتون.

أو شوربة خضار خفيفة.

النقطة المهمة إن العشاء ميكونش تقيل ولا فيه دهون كتير،علشان ميسيبش حرقة أو إنتفاخ.

نصائح إضافية:

ـقسم وجباتك ل٣ وجبات أساسية و٢ وجبات خفيفة صغيرة بينهم .

ـامضغ الأكل كويس وببطء علشان تسهل الهضم.

-تجنب المقليات،والدهون الكتير،والبقوليات اللى بتسبب غازات(إلا لو جسمك بيتقبلها).

-اشرب مياه كفاية طول اليوم،بس قلل الشرب أثناء الأكل.

-تقشير الخضروات وإختيار الخضروات المسلوقة أو المطهوة بدل النية لو بتسبب إنتفاخ.

-ابتعد عن التوتر،أو الإنفعالات.

 

 

-المشى الخفيف بعد الغداء بيساعد على الهضم بشكل كبير.

بإتباع النظام ده بشكل يومى ،هتحس بفرق ملحوظ فى الهضم،وهتقل الأعراض اللى بتسببلك تعب أو قلق.ولو عندك أى حالة خاصة،لازن تستشير دكتورك قبل تغيير نظامك الغذائى.