نظام غذائى يومى للتخسيس بدون إرهاق الوجه أو ترهل الجلد

نظام غذائى يومى للتخسيس بدون إرهاق الوجه أو ترهل الجلد 

كتير بيلاحظوا مع الدايت السريع شحوب فى الوجه أو ترهل فى الجلد.السر إننا نقلل السعرات"بحكمة"ونحافظ على البروتين والدهون الصحية والماء والڤيتامينات المضادة للأكسدة.الخطة دى عملية وبتراعى نضارة البشرة.

وجبة الفطار: 

اختيار1:كوب بليلة باللبن خالى الدسم +ملعقة صغيرة عسل+رشة قرفة.

اختيار2(بديل): ٤ملاعق كبار  شوفان مطبوخ باللبن خالى الدسم+نصف تفاحة مقطعة أو ١ ثمرة كيوى.

الفايدة:الحبوب الكاملة بتشبع فترة أطول وتثبت سكر الدم،واللبن يمدك بالكالسيوم والبروتين المهمين لمرونة الجلد ،وڤيتامين c من الفاكهة يدعم الكولاچين ويحافظ على إشراق البشرة.

سناك صباحى (بعد ٢-٣ ساعات):

١ ثمرة فاكهة متوسطة (مثل برتقال-تفاح-كمثرى). 

الفائدة:مضادات الأكسدة وڤيتامين c تقلل الإجهاد التأكسدى اللى بيسبب بهتان البشرة.

وجبة الغداء:

بروتين(اختارى واحد):

قطعة من صدر الدجاج المشوى( قطعة قد كف اليد).

١ قطعة فيليه سمك مشوى متوسطة.

٢ سيخ شيش طاووق صغيرين.

نشويات(اختارى واحد):

٤ملاعق كبار أرز بسمتى مسلوق.

نصف رغيف عيش بلدى .

١شريحة توست أسمر.

خضار :طبق خضار مطهو على البخار أو معمول بملعقة صغيرة زيت زيتون (كوسة-جزر-فاصوليا)+طبق سلطة بسيطة( ١خيار+١جزر+٥طماطم شيرى).

البدائل: لو مش بتحبى الدجاج/السمك ،ممكن ١ علبة تونة دايت مصفاة جيدا.

الفايدة:البروتين يحافظ على الكتلة العضلية ويقلل الترهل،زيت الزيتون يمنح دهونا صحية لترطيب الجلد،والخضار يزودك بڤيتامينات ومعادن تحارب الشحوب.

سناك مسائى:

كوب زبادى لايت+نصف ملعقة صغيرة بذور كتان مطحونة أو ١ ملعقة صغيرة عسل أبيض.

الفايدة:الزبادى يدعم توازن بكتيريا الأمعاء (انعكاسه واضح على صفاء البشرة).وبذور الكتان فيها أحماض دهنية تدعم مرونة الجلد.

وجبة العشاء: 

اختيار1:سلطة زبادى بالخيار (كوب زبادى +واحد خيار مقشر ومبشور+ليمون ورشة نعناع).

اختيار 2:شوربة خضار خفيفة (كوسة+جزر+بطاطس)+نصف رغيف عيش بلدى صغير.

اختيار3:بيضة مسلوقة+طبق سلطة+١شريحة توست أسمر.

الفايدة:عشاء خفيف قبل النوم بساعتين يمنع الانتفاخ والسوء الهضمى اللى بيتعب شكل البشرة الصبح ،الزبادى والخيار مرطبان طبيعيان،والبروتين الخفيف يساعد على تجديد الأنسجة ليلا.

نصائح سريعة تحافظ على نضارة الوجه مع التخسيس:

اشربى ٢ لتر ماء يوميا مقسمين،وتخفيف الشاى والقهوة يقلل الجفاف.

مارسى رياضة المشى ٢٠-٣٠دقيقة،أو تمارين مقاومة خفيفة ٣مرات أسبوعيا لتثبيت العضلات وشد الجلد.

خففى الملح والسكريات،الاتنين بيزودوا احتباس السوائل وبهتان البشرة.

الممنوعات الغذائية:

تجنب الأكلات المقلية والدسمة (المقليات-الوجبات السريعة-الدهون المشبعة).

البعد عن السكريات الزائدة زى الحلويات الجاهزة،العصائر المصنعة،والمياه الغازية.

تقليل النشويات البيضاء(العيش الأبيض-المكرونة-الأرز الأبيض)واستبدالها بالحبوب الكاملة.

الامتناع عن الإفراط فى الملح علشان ميعملش انتفاخ واحتباس سوائل.

الفواكه المسموحة والكميات:

الأفضل:التفاح-البرتقال-الكمثرى-الفراولة-الكيوى-الشمام.

الممنوعة او نقللها جدا:العنب،التين،البلح،المانجو(فيها سكريات عالية).

الكمية المناسبة:ثمرة او اتنين فى اليوم يفضل بين الوجبات.

كده النظام الغذائى مش بس بيساعد على التخسيس ،لكنه كمان بيحافظ على نضارة البشرة وصحة الشعر بفضل التوازن بين البروتين،الخضار،الدهون الصحية.

ملاحظة:لو عندك حساسية أو مشكلة صحية خاصة،بدلى الاختيارات بما يناسبك بعد سؤال طبيبك.