هل معامل الروماتويد يدل على وجود روماتويد مفصلي ؟

تحليل الروماتويد: كل اللي عايز تعرفه عنه

مقدمة بسيطة
تحليل معامل الروماتويد ده اختبار دم عادي بيطلبه الدكتور لما يشك إن عندك روماتويد في المفاصل او بعض الأمراض المناعية الأخرى مثل مرض جوجرن الذي يؤدي الى جفاف العين و الفم و الجلد و الجهاز التنفسي و غيرهما من الأمراض المناعية . بس خلي بالك - التحليل ده مش بيدل على مرض لوحده، ده بيحتاج دايماً لفحوصات تانية عشان نعرف التشخيص الصح و كمان نتيجته بتطلع خلال نفس اليوم أو اليوم التالي بالكتير.

إيه هو معامل الروماتويد بالظبط؟

ده نوع من الأجسام المضادة الشقية اللي مش مركزة في شغلها

بدل ما يدافع عن الجسم، بيبدأ يهاجم المفاصل السليمة

بيكون نتيجة خلل في جهاز المناعة

بيسبب التهاب وألم في المفاصل مع صعوبة حركتها و احمرارها

امتى الدكتور بيطلب التحليل ده؟

1. لو عندك ألم وتورم في المفاصل و خاصة مفاصل أصابع اليدين و القدمين
2. لو في شك في مرض الروماتويد المفصلي
3. علشان نفرق بين الأمراض الروماتيزمية المختلفة

فهم نتائج التحليل

• لو النتيجة إيجابية (عالية):

1. بتكون موجودة عند أغلب مرضى الروماتويد (حوالي ٧٠-٨٠٪)
2. ممكن تظهر في أمراض تانية برضو
3. مش معناها بالضرورة إن عندك روماتويد لانه موجود في (٢٠٪) من الناس السليمة

لو النتيجة سلبية (منخفضة):

1. بتكون موجودة عند ناس عندهم روماتويد برضو (٢٠-٣٠٪)
2. النتيجة السلبية مش معناها إنك مش مريض
3. في ناس كتير أصحاء عندهم النتيجة سلبية

إمتى التحليل ده ممكن يخدعنا؟

1. ممكن يكون عالي عند ناس مش عندهم روماتويد
2. ممكن يكون منخفض عند ناس عندهم روماتويد
3. مش دايماً بيوضح نشاط المرض
4. مش بيغير بسرعة مع العلاج فعشان كده مش بنطلبه في تحاليل المتابعة الدورية للمريض

لازم نعرف كمان
التشخيص الصح محتاج:

1. كشف كامل عند الدكتور
2. تاريخ المرض بتاعك
3. تحاليل تانية زى 
4. Anti-CCP
5. معاملات الالتهاب زي ESR ,CRP
6. أشعة على المفاصل و لو في البداية فبنفضل سونار المفاصل

 

العلاجات المتاحة دلوقتي

1. في أدوية حديثة بتسيطر على المرض و بتمنع تشوهات المفاصل الشديدة اللي كنا بنشوفها في جدتنا زمان
2. في تمارين خاصة للمفاصل بتمنع تيبسها و بتحافظ على وظايفها و دا جزء من علم كبيير اسمه الطب الطبيعي
3. في تعديلات في نمط الحياة و اعادة تأهيل العيان عشان يبقى أكتر تقبل للمرض و أكثر كفائة في التعامل معاه في كمان طرق كتير لتسكين الألم زي العلاج المائي و العلاج الحراري و العلاج بالكهرباء العلاجية
4. ومتابعة مع دكتور روماتيزم متخصص بصورة دورية كل ثلاث لست شهور لمتابعة سير الخطة العلاجية أو اعادة تظبيطها ان لزم الأمر

 

 

 

 

 

 

خلاصة الكلام
تحليل الروماتويد ده مفيد، لكن مش كافي لوحده. الدكتور بيحتاج يشوف الصورة كلها عشان يعرف يشخص صح ويحدد العلاج المناسب. ومتقلقش - حتى لو النتيجة إيجابية، في علاجات كتير فعالة دلوقتي فلو حاسس بوجع مستمر في مفاصلك بيزيد بالراحة و يقل مع المجهود مدة أكثر 6 أسابيع

اتجه فورا لاأقرب طبيب متخصص في أمراض الروماتيزم و المناعة                                                                                                                                                                                  

                                                                                                                                                                                                                                                                                 بقلم دكتورة نهى مجدي

                                                                                                                                                                                                                                                                                       طبيب الوماتيزم و الطب الطبيعي و اعادة التأهيل