أشهر الأخطاء اللي بتبوظ الصيام المتقطع وبتمنع نزول الوزن
أشهر الأخطاء اللي بتبوظ الصيام المتقطع وبتمنع نزول الوزن
الصيام المتقطع بقى واحد من أشهر أنظمة الدايت في العالم وملايين الناس بتستخدمه كل يوم علشان ينزلوا وزنهم ويحسنوا صحتهم. لكن الحقيقة إن ناس كتير بتعمل الصيام المتقطع غلط وده بيخلي الوزن يثبت أو يزيد بدل ما يقل.
في المقالة دي هنتكلم عن أخطر وأشهر الأخطاء اللي بتفسد الصيام المتقطع، وهي نفس الأخطاء اللي لو بعدتي عنها هتوصلي لأسرع وأقوى نتائج في وقت قصير.
الأكل الزيادة في فترة الأكل (نافذة الـ Eating Window)
أكتر غلطة منتشرة هي إن الشخص بيفتكر إنه طول ما هو ملتزم بصيام 16 ساعة يبقى عادي ياكل اللي هو عايزه في الـ8 ساعات التانيين.
لكن الحقيقة إن:
السعرات مهمّة حتى في الصيام المتقطع.
لو بتاكلي أكل كتير مقليات حلويات نشويات زيادة أو وجبات جاهزة جسمك هيخزن دهون حتى لو صايمة.
طيب ايه هو الحل؟
قللي كمية الأكل بنسبة بسيطة.
خليه أكل بيشبع وبيبني عضل (بيض – تونة – فراخ – خضار – فاكهة قليلة).
متاكليش لحد ما تتخمي كلي لحد الشبع فقط.
شرب مشروبات بتبطل الصيام من غير ما تاخدي بالك
ناس كتير بتشرب في فترة الصيام
شاي بلبن
نسكافيه 3×1
عصير
حليب
سوبيا أو تمر هندي
سكر بأي كمية
كل ده يبطل الصيام تمامًا ويمنع الجسم من الدخول في حالة حرق الدهون
الحل
المسموح في الصيام المتقطع
مياه
قهوة سادة
شاي سادة
أعشاب بدون سكر
ملح خفيف أو ليمون بسيط
النوم القليل وده بيفسد الحرق بالكامل
قلة النوم بتوقف عملية الحرق وترفع هرمون الجوع جريلين وده يخليكي تاكلي زيادة ووزنك يثبت.
الحل
حاولي تنامي من 6–8 ساعات متواصلين.
لو صعب نامي بدري شوية أو اعملي قيلولة صغيرة.
أول وجبة فيها نشويات كتير (ده أكبر خطأ)
لو أول وجبة بعد الصيام فيها
رز
مكرونة
عيش كتير
حلويات
مقليات
فده بيعمل ارتفاع ضخم في السكر والأنسولين وبالتالي يمنع الحرق.
والحل
ابدئي أول وجبة بـ بروتين + خضار وبعدها بـ30 دقيقة لو عايزة كربوهيدريت كلي كمية صغيرة.
عدم شرب مياه كفاية
قلة المياه = بطء في الحرق و صداع و جوع ثابت.
الحل
اشربي من 2–3 لتر مياه يوميًا.
وفي الصيام اشربي كل ساعة شوية مياه حتى لو 4 رشفات بس.
مفيش حركة ولا رياضة خفيفة
الصيام المتقطع لوحده ممتاز لكن بدون أي نشاط جسدي النزول هيبقى بطيء جدًا.
طيب واي الحل؟
اعملي واحد من دول
15–30 دقيقة مشي
تمارين بسيطة في البيت (سكوات – بلانك – نط حبل)
طلوع سلالم
المهم تتحركي ولو حتى شوية صغيرين.
الأكل السريع جدًا أول ما تفكي الصيام
أول 15 دقيقة بعد فك الصيام جسمك بيمتص أي حاجة بسرعة جدًا لو أكلتي بسرعة هتخزني دهون وتتعبي.
والحل
افطري على طبق سلطة صغير أو شربة.
استني 10 دقايق.
بعدين خدي الوجبة اللي عايزاها.
الضغط النفسي والعصبية بيوقفوا الحرق
التوتر بيزود هرمون الكورتيزول والهرمون ده بيوقف النزول مهما كنتي صايمة.
الحل
اعملي أي حاجة تهديكي
مزيكا هادية أو مشي أو شاي دافئ أو دوش دافي
الثبات طبيعي بس اللي غلط إنك تستسلمي
في الصيام المتقطع ثبات الوزن لمدة أسبوعين أو تلاتة شيء طبيعي جدًا.
لكن ناس كتير في اللحظة دي تسيب النظام لأنها فكرت إنه مش نافع.
الحل
لو حصل ثبات
غيري مواعيد الصيام (18/6 بدل 16/8)
اعملي يوم سعرات أقل
قللي النشويات 3 أيام
زوّدي المشي لنص ساعة
هتشوفي النزول يكمل تاني.
إدمان الميزان كل يوم
الميزان بيرفع الضغط النفسي ويبوظ النظام ويخليكي تحسي إن مفيش تقدم.
الحل
قيسي مرة واحدة كل أسبوع فقط.
والأهم التصوير لأنه أصدق من الميزان 100 مرة.
الاعتماد على شاي التخسيس والأعشاب
دي مش بتنزل وزن وبتبوّظ الهضم.
الصيام المتقطع مش محتاج أي مكملات ولا أعشاب غريبة.
الحل
اكتفي بمشروبات طبيعية
مثل النعناع و الشاي والقهوة و القرفة و الجنزبيل.
تخطي الوجبات بشكل مبالغ فيه
إنك تصومي 20 ساعة وتاكلي وجبة واحدة فقط كل يوم ده ممكن يسبب ضعف شديد وثبات وزن.
الحل
اعملي توازن
وجبتين محترمين
سناك بسيط
كميات مناسبة
ده أفضل بكتير من وجبة واحدة ضخمة.
وفي نهاية المقاله إزاي تحققي أفضل نتائج من الصيام المتقطع؟
لو بعدتي عن الأخطاء دي جسمك هيبدأ يحرق بشكل أسرع وهتشوفي نتائج ملحوظة في وقت قليل.
الصيام المتقطع هو أسلوب حياة مش نظام مؤقت… ومع الالتزام البسيط هتقدري توصلي لأي وزن أنتِ عايزاه.
وخلّي شعارك دايمًا
“صومي صح . تاكلي صح .تنزلي صح.”
