بشرتك عنوان جمالك

اسباب وجود حبوب في البشرة 

طبعاً البشرة الصافية و النقية حلم لكل بنت و عشان توصلي للحلم دا و تحققيه لازم تكوني عارفه نوع بشرتك و اي هي اسباب ظهور الحبوب فيها و دي شوية امثله علي الاسباب👇

🔴التعرض لاشعه الشمس بدون واقي شمس 

طبعا كلنا بنخرج الصبح و بنكون معرضين لاشعه الشمس اللي هي بتكون عبارة عن اشعه فوق بنفسجيه وبعض البشرات بتتحس منها ف دا بيظهر علي هيئة حبوب في البشرة طيب انا ازاي اتجنبها هنستعمل كاب او طاقيه عشان نحمي بشرتنا من الاشعه دي و دا للبنات اللي غير قادرة علي شراء sunscreen بس لو تقدري تشتريه يبقا احسن نوع انا جربته هو Drakon و دا لانه مش بس بيحافظ علي البشرة بل كمان بيخلي البشرة ناعمه جدا. 

🔴كثرة لمس البشرة بأيدك

طبعا كمان من اسباب الحبوب اننا بنلمس بشرتنا بادينا اللي بتكون مليانه جراسيم و بكتيريا و اكيد بيتنقلوا للبشرة و بتسبب ظهور الحبوب فلازم تتجنبي ملامسه ايدك لوجهك باستمرار. 

🔴النوم على افرشة متسخه 

كتير مننا مش بيغيروا افرشة المخده فتتراقم عليها البكتيريا اللي بتسبب ظهور الحبوب طيب نتخطي دا ازاي عندنا حلين الاول اما نستعمل اغطيه ستان للمخده و لو مش متوفرة يبقا الحل الثاني و هو نغير الفرش كل يومين علي الاقل 

🔴الطعام 

دلوقتي الاكل كمان بيأثر علي بشرتنا ازاي كثرة اكل الحاجات المقلية في الزيت بتسبب حبوب و دا غير انها اصلا مضره بالصحه علي المدي البعيد و كمان اكل السكريات كتير بردو بيسبب ظهور الحبوب عشان كده مش معني ان في حبوب يكون من الاسباب المذكورة فوق بس لا ممكن كمان يكون السبب اكلنا طيب نعمل ايه عشان ناكل براحتنا و نحافظ علي بشرتنا….. لازم نزود خضراوات في اكلنا و ناكل فاكهه كتير و نقلل من المقليات و السكريات. 

عوامل تساعد على زيادة نضارة البشرة 

1.كثرة شرب الماء 

2.شرب ماء الديتوكس 

مكوناته 

1 لتر ماء 

1 ثمرة ليمون 

2 ثمرة خيار حسب الحجم 

شوية نعناع 

طريقة االتحضير 

نقوم بغسل المكونات جيدا و خاصه الليمون و نقوم بتقطيعها و وضعها في الماء ونتركهم قليلا ليمتزج الخليط و بعدها نشربه علي فترات و الافضل كوب بعد الاستيقاظ مباشرةً و كوب قبل النوم.  

3.تناول الشمندر او البنجر 

4.شرب ديتوكس الشمندر 

مكوناته 

1 ثمرة شمندر 

1.ثمرة تفاح 

1 ثمرة برتقال 

2 ثمرة جزر حسب الحجم 

خطوات التحضير  

نقوم بغسل المكونات جيدا و تقشيرها بعدها نقطعها و نضعها في الخلاط و نضع السكر حسب الرغبه و الافضل عدم وضعه و الاكتفاء بسكر المكونات

5. ممارسة الرياضه 

ممارسة الرياضه تساعد في تعزيز الدورة الدموية و دا بيزيد تدفق الاكسجين و المغذيات للجلد و بتحفز انتاح الكولاجين بالإضافة لان التعرق ينظف المسام و يخرج السموم و بتقلل التوتر اللي بيسبب حب الشباب و الشيخوخه المبكره.