كنز لصحتك من مطبخك

مقدمة :

🔴 الناس اللى بتعانى من نقص فيتامين د و بتاخدله ادويه كتير و مش بتحس بتحسن
بص كدا فالصورة دى 👇 ووركز معايا و تبقا من العمد لو عرفت هى ايه دى قبل ما توصل لاخر المقال 🙂🙂

بس لا هو مش اكل عصافير 🐦 زى ما انا كنت فاكر 😒
ندخل فى موضوعنا و نسأل نفسنا سؤال مهم جدااا
 

🔴 هو احنا بناخد فيتامين د لييييه؟؟!! 

١- عشان وجع العضم و هشاشة العظام
٢- ولا عشان تساقط الشعر
٣- ولا عشان نخس؟؟!! 🤔
طبعا الاجابه ان بنسبة ٩٩.٩% من الناس بتاخد فيتامين دا عشان وجع العضم و هشاشة العظام و نضيف عليهم عشان الشعور بالتعب و الارهاق و قلة التركيز
و لكن كتيييير من الناس ناسيه معلومهم مهمه جدااااا
جداااا جدا جدا جداااااااااا
وسع كدا شويه... 😏
جدا جدا جدا جدا جدااااااااااااااا
فيتامين د زمان لما كان الدكتور بيشرحهولنا فالجامعه
كان بيقولنا تعبير حلو اوى
"فيتامين د هو الصمغ اللى بنلزق بيه الكالسيوم فالعضم"
يعنى كالسيوم و فيتامين د ناقص عندك مش هيلزق فى عضمك و مش هتستفيد بيه
اللى بيساعد على امتصاص الكالسيوم يعنى
و لو بتاخد فيتامين د كتيير و معندكش كالسيوم يبقا برضو مش هتستفيد بيه
الاتنين مكملين لبعض
ووفى كلا الحالتين لو دا ناقص او دا ناقص
فانت هتفضل تعانى من هشاشة العظام و المه و الكسور المتكرره و توابعه من المشاكل الصحيه
بس مش بالضرورى عشان قولتلك لازم تاخد كالسيوم تسألنى طب ايه افضل كالسيوم ناخده يا دكتور؟؟! 🤔🤔
لا ما انا هنا جاى اوعيك مش اضحك عليك و استعبطك و شغل دعايا و شركات و روح اشترى الكبسوله كذا و كدا و ابيع و اشترى فيك و اتاجر و اكسب بصحتك
تؤتؤ ابسليوتلى
انا جاى اقولك ان الكالسيوم موجود فى اكلك و شربك عادى
بس انت محتاج تتك على كام حاجه كدا غنيه بالكالسيوم

امثلة على اطعمة غنية بالكالسيوم: 

١- اللبن و الجبنه و الذبادى و دول كلنا عارفينهم 😏😏
طب اللى مبيحبش الحاجات دى يعمل ايه يا دكتور؟؟!
يموت يعنى
يجيلو كساح و لين عظام؟! 😏😏
لا طبعا🤣
٢- الفلفل الاخضر مليااان كالسيوم
٣- السمسم مليان كالسيوم
٤- الملوخيه الخضرا مليانه كالسيوم
٥- الورقيات الخضرا زى الجرجير مليااان كالسيوم
٦- البروكلى و الكرنب مليانيين كالسيوم
٧-الاسماك زى السردين و السامون مليانييييين بالكالسيوم
٨- اللوز غنى بالكالسيوم
٩- البيض مليان كالسيوم
١٠- السمسم و الطحينه اللى معموله من السمسم من الحاجات الغنيه بالكالسيوم 🙂
١١- و اخيرا اللى فالصوره اللى تحت دى 🙂
بذور الشيا....
بذور الشيا من المصادر الغنيه بالكالسيوم
و لو مش عارف تستخدمها ازاى
حط معلقه على كباية لبن و سيبها نص ساعه لحد ما تنفش
ايوا بتنفش والله 😊😊😊
و اشربها
او ممكن كباية زبادى 🙂
او ممكن تضيفها على السلطة 
🔴 بذور الشيا كمان مش بس غنيه بالكالسيوم
دى:

من فوايدها: 

✅️ بتخلى البشره اكثر صحه و نضاره
✅️ بتحسن من اداء الجهاز الهضمى
✅️ بتزود الشعور بالشبع لفترات اطول و تأخر الشعور بالجوع
✅️ غنيه جدا بالمعادن و الفيتامينات و البروتينات دا طبعا غير انها غنيه بالكالسيوم 🙂
✅️ بتقلل الامساك
✅️ غنيه بالفسفور و الماغنسيوم
✅️ غنيه باوميجا ٣
✅️ غنيه بالحديد و مجموعة فيتامينات ب 
و غيرها تانيه من الفوائد الكتير اوى 🙂

الخلاصة :

ياريت نخلى بذور الشيا باستمرار فى مطبخنا وأدام عنينا ونهتم اننا نستخدمها قبل حتى منحتاحها ودمتم بخير.