التهاب المفاصل المصاحب للصدفية psoriatic arthiritis

Psoriatic Arthritis

التهاب المفاصل المصاحب للصدفية

معظمنا فاكرين ان الصدفية هى مرض جلدى بحت، إلى هى نقط حمراء وعليها قشور. بس عمرك كنت تعرف انها بتصيب أماكن تانية فى الجسم عادى؟🫣

خلينا انهردة نتكلم عن واحد من اهم الأعراض الغير الجلدية المصاحبة للصدفية، الا وهى التهاب المفاصل.

نوع التهاب المفاصل المصاحب للصدفية يسمى ب seronegative arthritis.

طب دة معناة اية؟🤔

لما شخص يكون عندة التهاب فى المفاصل، معظم الناس بتفتكر ال الروماتيزم علطول، وبتقول اكيد لما نعمل تحاليل فى الدم ال RHEUMATIOD FACTOR هيطلع ايجابى، لأن اصلا ال RF ممكن تلاقية عالى لما يكون فى التهابات فى الجسم، حتى لو الشخص معندوش روماتيزم.

بس هنا الوضع يختلف. هنا بييجى مريض الصدفية يعمل تحليل ال RHEUMATOID factor، يلاقى انة سالب. عشان كدة بيطلق ع نوع التهاب المفاصل دى ال SERONAGATIVE ARTHRITIS، لأنى لما عملت تحليل ملقتش ال RF، يعنى هو NAGATIVE فى ال SERUM.

5

الكابشن: التهاب المفاصل الصدفي يمكن أن يصاحب الصدفية ويؤثر في المفاصل والأصابع والأظافر.
مصدر طبي: Merck Manual – Psoriatic Arthritis

---

طيب بعد ما عرفنا نوع التهاب المفاصل دة، خلينا نتعرف علية اكتر.

التهاب المفاصل فى حالة مرض الصدفية بيصيب حوالى من 5 ل 42% من مرضى الصدفية. فى العادى اعراض مرض الصدفية الجلدية بتظهر الاول، بس هل كنت تعرف ان نسبة من الناس من 15 ل 20 % من الناس ممكن يظهرلهم التهاب المفاصل حتى ما قبل ظهور اعراض ع الجلد؟

يعنى متستغربش لما يبقى عندك التهاب مفاصل ظاهر الاول وتتشخص صدفية.

نمط التهاب المفاصل فى مرض الصدفية:

1. Asymmetric oligoarticular arthritis

ودة اول نمط من التهاب المفاصل. بيبقى فى التهاب فى المفاصل بيصيب من 2 ل 4 من المفاصل، وبيبقى غير متناظر.

بمعنى ان ممكن يكون فى التهاب مثلا فى الركبة الشمال ومفصل الفخد اليمين، مع ان نفس المرض هنا هو هنا.

بس فى حالتنا هنا، المفاصل إلى الصدفية بتضربها هى مفاصل فى الصباع، واكتر مفصلين بتصيبهم هو المفصل إلى فى المنتصف والمفصل إلى من قدام المقابل لظفر الإصبع.

وبما ان المفضلين دول قريبين من بعض، فا الالتهاب دة بيدى نمط مميز اوى، وهو ال sausage digit، لأن الصباع بيورم ويتنفخ، فا بيبقى مماثل جدا لحبة النقانق (السجق) فى الشكل.

5

الكابشن: Dactylitis أو Sausage Digit، حيث يتورم الإصبع بالكامل ويأخذ شكلًا يشبه النقانق.
مصدر الصورة/المعلومة: Merck Manual – Dactylitis

---

2. symmetric polyarticular arthritis

تانى نمط، ودة بيصيب اكتر من مفصل، بس بيبقى متناظر.

يعنى المفصل إلى هيبقى مصاب فى الشمال هيبقى نفسة مصاب فى اليمين، وبيبقى شبة جدا مرض الروماتيزم.

بس المفاجأة هنا انك هتيجى تعمل تحليل الروماتيزم، هتلاقية سلبى، لأنة مش روماتيزم حقيقى، هو بس مشابة لية.

لأنة بيضرب الإصبع، واكتر مفصل بيضربة هو المفصل إلى فى المنتصف.

بس الحاجة الزيادة إلى فى الصدفية هنا، هو انة كمان بيعمل تغيرات فى الأظافر. ممكن يعمل نقط فى الإصبع كأن فى حفر فى الإصبع، او ممكن يدمر الظفر نهائيا.

6

الكابشن: Nail Pitting، وهي حفر صغيرة تظهر على سطح الظفر ويمكن أن تصاحب الصدفية.
مصدر طبي: Merck Manual – Psoriatic Arthritis

---

3. Arthritis mutilans

ده يعتبر أشد وأندر نوع من التهاب المفاصل المصاحب للصدفية.

بيحصل فيه التهاب شديد جدًا في المفاصل، ومع الوقت يبدأ يأكل في العضم نفسه، وده ممكن يخلي:

• الأصابع تقصر.
• المفصل يحصل فيه تشوه واضح.
• الإصبع يبقى مرن زيادة ويتحرك بشكل غريب، كأنه بيتسحب لجوا ويتفرد تاني.

وفي الأشعة ممكن نشوف شكل مشهور اسمه Pencil-in-cup، يعني طرف العظمة يبقى مدبب ومتآكل، والطرف التاني عامل بيبقى سمكة اكبر واعرض.

فا يدينا شكل شهير جدا ومن العلامات المميزة، وبيبقى كأنك جيت حطيت قلم جوا كوباية.

5

الكابشن: صورة أشعة توضح التغيرات التدميرية في Arthritis Mutilans، ومنها مظهر Pencil-in-cup.
مصدر طبي: NCBI Bookshelf – Psoriatic Arthritis

المصادر

مصدر الصورة الأولى وصور Dactylitis: Merck Manual Professional Edition.
مصدر صورة Nail Pitting: Altmeyers Encyclopedia – Department of Dermatology.
مصدر صورة Arthritis Mutilans وPencil-in-cup: NCBI Bookshelf – StatPearls.
مصادر طبية إضافية: American Academy of Dermatology، وPMC، وPubMed.