الطعام الصحي ليس غالي: 20 بديل قليل الثمن هيوفر نصف مصروفك.
*بدائل صحية قليلة الثمن لجميع الطعام الغالي*:
جميعنا بنفتح الثلاجة وبنغلقها ونقول " لا يوجد حاجة صح تصلح" ، بنلمح السعر نقول نستغني عن الخضار والبروتين والفاكهة ، ونعيش علي اي حاجة تقضي الغرض.
ولكن انتظر قليلاً: هل لازم نختار بين صحتنا وبين الفلوس؟
الإجابة : لأ . الطعام الصحي ليس رفاهية ولا يحتاج لميزانية كبيرة ، ولكن بنتعود علي أسماء معينة وطعام معين من الإعلانات. أجدادنا كانوا بيأكلوا أحسن وافضل مننا بكثير وبالرغم إنهم لا يصرفون العديد من المال .
ما السبب؟ لأنهم بيأكلوا الطعام الخاص بهم ، النباتات التي تطلع من الأرض ، بيأكلوا أشياء بسيطة مغذية ومشبعة.
في هذا المقال لا يوجد حرمان، يوجد بدائل صحية وقليلة الثمن وتعطي نفس القيمة ويمكن اكثر. هنقول أشياء غالية ونجيب بدائل قليلة الثمن مقارنة لها.
جاهزين نوفر ونتغذي بطريقة صحيحة ، يلا نبدأ؟
1.بدائل اابروتين والنشويات والخضار:
هذه أهم 3 مجموعات في طعامنا . بدونهم سنجوع بسرعة. هنعرف ماذا سنبدلهم بدون ما نحس بفرق.
1/ البروتين: هو سر الشبع والعضلات وسر الطاقة.
لو محتاجين بدائل للدجاج واللحمة، نرجع لأكل زمان.
أولاً: العدس والفول:
هم ملوك البروتين وقليل الثمن. كيلو العدس به بروتين أكثر من كيلو اللحمة وسعره ربع السعر. طبخ طبق مكون مم عدس بجبة وطماطم وبصل وكمون وخبز بلدي وسلطة_ هذه الوجبة تكفي أربعة أفراد وتكلفتها قليلة.
وفي فصل الشتاء شوربة العدس بتغذي وبتدفي.
الفول؟ حاجة جميلة ، انقعيه من الليل ودمسيه في المنزل. فول المنزل أفضل وأوفر ومشبع. طبق فول بزيت وكمون وليمون وشطة وخبز فطار ملوكي.
ثانياً: البيض: يوجد في البيض 6 جرام بروتين صافي. طبق مكون من 2 بيض مسلوقين مع طماطم وخيار وخبز - فطار مغذي ومشبع إلي مثلا الظهر ، لو مش حابة بيض مسلوق؟ اعمليه عجة مكونة من : 3 بيضات علي طماطم وبصل وفلفل وبقدونس. 10 دقائق في الطاسة وممكن يكون غداء خفيف ومغذي واقتصادي .
ثالثاّ: السردين المعلب: بديل للتونة ، السردين به نفس الاوميجا و الكالسيوم. ولو بتاكلي الشوك الخاص به ممكن تهرسيه ببصل وطماطم وليمون علي الخبز - وجبة سريعة ومغذية.
رابعاً: اللب والسوداني: محتاجة دهون صحية مثل التي توجد في المكسرات ؟ اشتري سوداني ولب وحمصيه في المنزل بدون ملح. هتأخذي طاقة وبتحافظ علي البشرة وبتشبع.
خامساً: الحمص: اسلقي كمية من الحمص وخزينيها في الثلاجة. اضربي شوية مع توم وليمون وطحينة أصبح عندك حمص. معلقتين منه سناك بروتيني مشبع ومفيد ومغذي.
2. النشويات : هي التي تسبب الإحساس بالشبع، هنجيب بدائل الأشياء الغالية:
1/ التوست: الخبز البلدي يوجد فيه ألياف مرتفعة ومشبع أكثر وسعره في المتناول. ممكن تقطيعه مثلثات وادهنيه رشة زعتر وزيت ودخليه الفرن لمدة 5 دقائق سيصبح لديك سناك مقرمش صحي.
2/ الرز البسمتي: الرز المصري ولكن لا تكثري من الزيت.
حيلة ذكية: ضعي نصف كوب عدس أصفر مع الأرز وهو بيستوي. كدة بروتين مع نشويات في طبق واحد.
3/ المكرونة: البطاطس والبطاطا: اسلقي البطاطس واهرسيها بملح وكمون وزيت او اشوي بطاطا في الفرن وكليها مع زبادي ورشة قرفة. عشاء خفيف.
4/ الشوفان: البرغل قليل الثمن ويوجد فيه ألياف أكثر. يتعمل سلطة مع بقدونس وطماطم وبصل أو يضع علي الزبادي الصبح.
3.الخضار والفواكه:
1/ البروكلي: خيار وخس جميعهم خضار ورقي وفيهم نفس الفيتامينات ، ممكن تبشري كرنب وضعي ليمون وزيت وكمون أصبحت سلطة مفيدة وجاهزة للأكل.
2/ الفراولة والتوت: البرتقال والجوافة واليوسفي، يوجد فيهم فيتامينات أضعاف الفراولة وسعرهم أقل.
3/ الأفوكادو: استخدمي معلقة طحينة علي السلطة أو في أي خلطة تعطي نفس القوام. ونفس الدهون الصحية وبسعر أقل.
نصيحة للخضار: انزلي السوق آخر النهار، اشتري كمية واغسليها وقطعيها وضعيها في أكياس في الفريزر. كدة وفرتي فلوس.
2. بدائل السناكس والحلويات ومنتجات الألبان:
الجوع بين الوجبات ونفسنا في حاجة تكون مسكرة هما السبب في صرف الفلوس. ولكن ليهم حل من المنزل.
أولاً: وداعاً للشيبسي والحلويات والبسكويت الجاهز: محتاجة حاجة مقرمشة؟
1/ الحمص.
2/الفشار .
محتاجة حاجة مسكرة؟
1/التمر.
2/ الكاكو الخام علي الزبادي أو موز مهروس.
2. بدائل العصاير والجبن والزبادي:
1/ الزبادي بالفواكه: زبادي سادة وقطعي عليها فاكهة مفضلة.
2/العصائر المعلبة: اعملي نعناع_ليمون_كركديه.
3/الجبن المستوردة: الجبنة القريش.
4/الزبدة: زيت الزيتون في السلطة ، زيت الذرة في الطبخ.
ثالثاً : المشروبات:
بدل ما تشتري قهوة وشاي : اعمليه في المنزل وضعيه في مج حراري.
حاسة بخمول وكسل: كوب ماء وعليه رشة ملح صغيرة وليمون .
3. خطة أسبوع كاملة و3 وصفات تنقذك وتوفر معاكي.
. لازم خطة نمشي عليها. هذه خطة لمدة أسبوع تكفي فردين فطار وغدا وعشا ولا تكلفك 500 جنيه.
*جدول مشتريات الأسبوع:*
هاتي عدس بجبة كيلو، فول كيلو، طبق بيض 30 بيضة، رز مصري 2 كيلو، مكرونة كيس واحد، عيش بلدي 20 رغيف، بطاطس 2 كيلو، طماطم وخيار 2 كيلو، بصل وتوم كيلو، برتقال أو جوافة 2 كيلو حسب الموجود ورخيص، زبادي كيلو، سوداني نص كيلو، زيت لتر واحد، ليمون وكيس ملح وكمون.
الإجمالي هيلف حوالين 450 لـ 500 جنيه. قسميهم على 7 أيام هتلاقي نفسك مرتاحة وبتاكلي 3 وجبات.
*الوصفة الأولى: كشري العدس في حلة واحدة*
هذه أكلة مشبعة.. في حلة حطي نص كوب رز مغسول + نص كوب عدس أصفر مغسول + ماية تغطيهم + ملح وكمون. سيبيهم يستوا سوا. في طاسة صغيرة حمري بصلة واعملي صلصة طماطم بسيطة. قدميهم مع بعض. وجبة متكاملة بروتين ونشويات للفرد الواحد لا تكلفك 10 جنيه.
*الوصفة الثانية: عجة الخضار المنقذة*
دي عشان متترميش أي حاجة في التلاجة. أي خضار بايت عندك قطعيه. طماطم فلفل بصل بقدونس. في طبق اضربي 3 بيضات وحطي عليهم الخضار وملح وفلفل. في طاسة تيفال على نار هادية غطيها 10 دقايق. هتطلع طرية ومشبعة. تنفع فطار أو غدا أو عشا.
*الوصفة الثالثة: فطار علب التلاجة الجاهز*
دي عشان متكسليش الصبح. بالليل قبل النوم جهزي 5 علب. في كل علبة حطي 4 معالق شوفان أو برغل ناعم + كوب زبادي + موزة مهروسة + رشة قرفة. قلبيهم واقفلي العلبة وحطيها في التلاجة. الصبح طلعي وكلي. فطار يدي طاقة 4 ساعات ومش هيكلف 15 جنيه.
*كلمة أخيرة*
الصحة ليست بالفلوس الكتير. الصحة بالعقل.
الفرق بين اللي بيشتكي من الغلا واللي عايش مرتاح هو التفكير. بدل ما تقولي "مش قادرة أجيب" قولي "هبدل بإيه؟"
جسمك محتاج قيمة غذائية مش محتاج اسم ماركة. محتاج ألياف وبروتين وفيتامينات. وكل ده موجود في أكلنا البسيط.
ابدئي ببديل واحد بس. الأسبوع ده بطلي تشتري عصير واعملي كركديه. الأسبوع الجاي بدلي يوم اللحمة بيوم عدس. اللي بعده بدلي الزبادي الجاهز بالزبادي والفاكهة.
هتلاقي نفسك آخر الشهر موفرة 200 جنيه على الأقل، وفي نفس الوقت بطنك مرتاحة، ونومك أحسن، وبشرتك نضرت، ومودك بقى أهدى.
الأكل الصحي ليس حرمان. الأكل الصحي هو إنك تاكلي اللي يشبعك ويغذيكي وميوجعش جيبك. وده حقك.
قوليلي بقى: إيه أكتر حاجة غليت عليكي ونفسك تلاقيلها بديل؟ اكتبيلي في الكومنتات وهنفكر فيها سوا.
