10 أسرار لصحة افضل وشباب دائم.
💥 أنتي 30 سنة دلوقتي؟... طيب واللي هناك دى 40 سنة صح ؟... و انتي ياللى ورا أيوة إنتي 50 سنة صح ؟!!
🔴 نركز بقي كدا لأن مفيش وقت للتفكير ولا التردد. المرحلة اللي أنتى فيها دي هي الـفاصل اللي بيحدد جودة السنين الجاية من حياتك. يا هتعيشيهم قوية ومش محتاجه لحد
يا هتضيعى وتتحولي لنسخة ضعيفة من نفسك ..
أنا هنا عشان أقولك الـ 10 أسرار اللي مفيش حد هيقولك عليهم عشان تفضلى قوية في أي سن.
💥 الـ 10 أوامر المهمين لصحة جيدةمهما كبر سنك:
1. 🚶 العبى رياضة... مش رفاهية!
ا الحركة مش اختياري دي زي التنفس لو ما اتحركتيش جسمك بيصدي. حتى لو عندك شغل الدنيا
إزاي؟ مشي سريع كل يوم نص ساعة أو سباحة أو أي حاجة بتحبيها وحاولى توصلي لأي مكان قريب مشي سيبي العربية لأن الكسل دلوقتي = وجع مفاصل بعدين
2. 🌊 اشربى مية... بطلي جفاف!
أكبر عدو لصحتك دلوقتي هو نقص المية معظم مشاكل البشرة والمفاصل والكلي جاية من إنك ناسية شربي
إزاي؟ خلي ازازة المية في إيدك أو قدام عينك طول اليوم اشربى حتى لو مش حاسه بالعطش خلي جسمك مروي على طول
3. 🧠 غذي عقلك... متسيبهوش يصدي!
العقل زي العضلة لو مش هتحركيه هيكسل
التحديات الذهنية بتأخر أعراض الشيخوخة العقلية
إزاي؟ اقرأي كتاب في مجال جديد او اتعلمي لغة جديدة أو حلي ألغاز و فوازير و خلي عقلك مشغول بحاجة مفيدة دايماً
4. 🍽️ بلاش الأكل اللي بيقسِّم الظهر!
كولي اللي نفسك فيه بس وقف قبل ما تشبعي
إزاي؟ شهوة الأكل الزيادة بتجيب مشاكل مالهاش أول من آخر و خلي كمياتك صغيرة ومناسبة و لازم تسيطر على بطنك
5. 💔 بطلى زعلي... مفيش حاجة تستاهل
الغضب والنكد والزعل المستمر بينهكوا صحتك وبيخطفوا نُور وشك
إزاي؟ طنشي و اتغاضي الحياة أقصر من إنك تضيعيها في خناقات أو مواقف بتشد أعصابك صحتك النفسية أهم من إنك تثبتي إنك صح
6. 🛣️ فلوسك عشان تعيشي بيها... مش عشان تموتي وهى جنبك
حط مالك في الشمس واقعد في الظل بمعني أن الفلوس معموله عشان تخدمك أنتي وعيلتك
إزاي؟ بلاش تبخلي على نفسك ولا على اللي بتحبيهم. اصرفي واستمتعي بكل حاجه تقدري عليها
7. 🗑️ الماضي... ارميه في الزبالة!
بطلي ندم على حاجة فاتت أو حاجة ماعرفتيش تحققيها أو حاجة مش ملكك أصلا ً
إزاي؟ الحسرة على اللي فات بتضيع متعة اللي جاي تجاهلي الأمر وانسيه و ركزي على اللي تقدري تغيريه دلوقتي
8. 🩹 حجامة... مش رفاهية
الحجامة سنة نبوية وبتنظف جسمك من السموم والدم الراكد
إزاي؟ خليها عادة سنوية حتى لو حاسه إنك كويسه الوقاية خير من العلاج
9. 🤍 الشيب... دليل إن أحسن سنينك بدأت
شعرك الأبيض مش نهاية العالم دي مرحلة الخبرة والهدوء والاستمتاع بجد
إزاي؟ تفاءلي عيشي و سافري و اتبسطي ومتعي نفسك الحياة لسه فيها كتير
10. 🕋 الصلاة... هي الـتأمين الوحيد.
صلاتك دي هي الورقة الكسبانة الوحيدة في الدنيا ويوم القيامة
إزاي؟ متسيبيش فرض مهما كانت الظروف و مهما كنتى بتعملي أغلاط .. هي دي قلبك السليم اللي هتلاقيه يوم ما مفيش فلوس ولا أولاد هينفعوا
بصي لنفسك في المرايا دلوقتي... وخدي قرارك!
هل هتقعدي زي ما أنتي وتستنى المرض يجي يكسرك؟ ولا هتبدأي تعملي الـ 10 قواعد دول وتعيشي حياتك كلها بقوة و محدش يقدر عليكي ؟! من الان وقبل فوات الأوان ابدأى بأول خطواتك نحو حياة افضل.
