كيف منرجع الشغف
الشغف كلمة كتير كبيرة الها معاني و اشيا كتير عميقة مستحيل نفهما و نفهم كيف منوصل لمرحلة الشغف العالي أو الحماس بحياتنا المشاعر يلي منحسها و تشتت الافكار و الضياع يلي منعيشو لما نفقد الشغف لحالو كافي يخلينا نعرف أهمية يكون عنا شغف بهالحياة شغف النجاح و شغف الحب و شغف الحياة الحلو المشاعر الإيجابية الامل التفاؤل كلشي حلو
طيب في سؤال بيخطر عبالنا كلنا بما انو هالقد الشغف مهم طيب ليش منفقدو اصلا ؟
الجواب بكل بساطة انو لما نوصل لمرحلة يكون عنا روتين معين او يصير عنا وقت كتير فاضي و ما عنا شي نعملو مافي شي جديد عم يعطينا الدوبامين او هرمون السعادة ف منبلش نفقد الشغف و الامل
طيب و كيف منرجعو؟
بكل بساطة الحل جوا السبب الرئيسي لحدوث حالة فقدان الشغف متل ما السبب هو انو في وقت فاضي و في روتين ف الحل هو انو نعبي وقتنا و نكسر الروتين بأشياء جديدة نعملا اسباب جديدة تخلينا نتمسك بهالحياة نحاول نلاقي مبرر نكفي حياتنا و تضل عايشين
صعب شعور فقدان الشغف بس سهل كتير انو نتخلص منو مجرد ما لاقينا سبب نتمسك فيه بالحياة من جديد
و اذا عملتو كل هاد وما كان في تحسن ف ممكن يكون الحل عند مختص نفسي يساعدنا نطلع من هالحالة لانو بعض الناس ممكن يتطور معا حالة انعدام الشغف لتوصل لحالات من الإدمان و الانتحار و انو يكون في مختص نفسي بحياتك عم يساعدك و يخليك تاخد خطوات لقدام تطور منك و تحسنلك نفسيتك مو شي عيب ابدا بالعكس العيب انو تحس انك بحاجة هيك شي و منشان المجتمع او كرمال انك خجلان ف ما تعملو
احمو حالكن و لحقو حالكن صدقوني الحياة قصيرة و العمر قصير ليش يروح و نحنا مو عاملين شي ليش نموت ونحنا مو محققين شي حالة انعدام الشغف بتمر علينا كلنا بس قليل منا يلي بيقدر يتخطاها بأقل الخسائر كون انت واحد من هاد القليل
مارتا حداد
