كيفية التعامل مع الأطفال حديثي الوللدة
مقدمة
لكل أم حديثة مقبلة علي استقبال طفل رضيع قطعة من قلبها اليكي اهم هذا النصائح وخصوصا التي تلد في فصل الصيف وها هنا تبدأ الرحلة :_
كيفية التعامل مع حديثي الولادة :_
١. شرب المياه مهم جدا جدا ليكى كأم خاصة لو بترضعى و للطفل
الام اللى بترضع محتاجه ع الاقل ٣ لتر مياه فى الجو الحار
المياه هتمنع الامساك،هتزود إدرار اللبن، هتقلل احساسك بالجوع، هتحافظ على بشرتك و تساعدك تتخلصى من دهون البطن
الرضيع اللى لسه مش بياكل بياخد كفايته من المياه عن طريق اللبن لان اللبن يوميا فيه حوالى لتر الا ربع مياه فتخيلى لو انتى مش بتشربى ده تأثيره قد ايه سلبى على الطفل
الرضيع اللى بياكل محتاج المياه فى الحر بس انا دايما يشربها بعد الاكل مش قبله علشان شهيته تبقى مفتوحة و ياكل احسن
المياه دايما لازم تبقى متوزعه لو شربنا كمية كبيره مره واحدهالجسم مش بيلحق يحتفظ بيها
محتاجين اكلات غنية بالمياه مثل الخيار...الكوسه...الزبادى...و سبحان الله اغلب فاكهة الصيف ربنا خالقها غنية بالمياه...اشهر مثال البطيخ مثلا
الاكلات الملينة مهمه تجنبا للامساك خاصة مع الجفاف و الحر
٢. التهابات الحفاض بتزيد فى الحر
تهوية مكان الحفاض مهمه على قد ما تقدرى
ع الاقل بعد تغيير الحفاض و تشطيف الطفل سيبيه ينشف فى الهوا بس شوية و تتفتح المسام قبل ما نلبس الحفاض التانية
كريم الحفاض طبقة عازله مهمة جدا جدا حتى لو زيت زيتون على قد امكانياتك
تغيير الحفاض على فترات اقصرحتى لو فاضى علشان الجلد بيبقى ملتهب جدا مع الحر
نوع حفاض كويس و ملابس قطن ناعمه
تغيير البراز يبقى فورا ما تتأخريش و الصيف فرصة حلوه تقعدى البيبى على التواليت وقت التبرز خاصه لو فوق السنه و بدأ يبان عليه علامات و هو بيعمل
التشطيف بمياه جارية بلاش وايبس خالص فى الحر ده للتشطيف الا لو مزنوقة و خارجع مثلا و ساعتها تستخدمى وايبس مخصصة مفيهاش كحول
و البديل الاسهل و الارخص هو القطن المبلول
٣. حمو النيل (حبوب العرق) بتطلع كتير جدا وقت الرطوبه و حلها الحقيقى هو الاستحمام او التشطيف المستمر و التهوية الجيدة
و لو فيه حكه تستخدمى كالاماين لوشن
٤. عادى يا جماعة المروحة و التكييف و التكييف الصحراوى و اى حاجه تطرى علينا فى الجو الحر
المهم تيار الهوا يبقى مش مواجه مباشرة للطفل و درجة حرارة التكييف تبقى معقولة مش واطيه اوى يعنى ٢٤ ل ٢٦ مثلا
و ما ننساش تهوية الغرفة كل فترةو نجدد الهوا
٥. المولود الصغير بيتحر و يعرق و يتعب برده يا جماعه فبلاش بطاطين للاطفال المولدة في الصيف
و بلاش كلفته بشكل عام
الوسط حلو حسى الطفل من ضهره و خففي لو جسمه سخن
و بلاش تعميم عدد طبقات اللبس للمواليد على الكل كل محافظة و لها ظروفها كل بيت و له ظروفه
و التكييف مش غلط على المولود ما هى المستشفي كان فيها تكييف
المهم اخلى التكييف على ٢٦ و مش مواجه للمولودو بلاش افضل خارجه داخله بيه من الاوضه
٦. طبيعى الطفل اكلته تقل فى الحر طبيعى لينا احنا حتى ككبار
استخدمى طعام اصابع و قطعى خضار و فاكهه المرونه فى الوقت ده مهمة جدا
٧. السوايل مهمه جدا للاطفال و اساسها المياه مش العصاير يا جماعه خاصة العصير اللى كله سكر لانه مش بيفيد الجسم بالترطيب المطلوب
قبل السنه مفيش عصير الرضاعة اولى و الفاكهه الصحيحة اولى
بعد السنه نص كباية عصير فى اليوم كفايه
بعد التلات سنين كباية و هكذا
٨. الاطفال الكبيره محتاجين نفكرهم بشرب المياه و نتابع الجفاف لون البول يبقى اصفر الطفل نشيط مش دايخ مفيش امساك العرق مش مالح او عامل كريستالات على الهدوم
٩. الطفل محتاج يلبس غطاء للرأس و هو خارج
١٠. العربية تتفتح تتهوى على ما التكييف يبدأ يسقع
١١. ممنوع طفل يتساب فى العربية لوحده خاصة فى الحر
١٢. افرشى حاجه قطن على ال car seat علشان بيبقى حر جدا و بيعرقهم
١٣. الاطفال اللى بتنزل تمرين السباحه ادهنيلها طبقة زيت صبار او جوز هند قبل ما تلبس البونيه علشان نحافظ على شعرهم من الكلور
١٤. الادوية محتاجه تتخفظ فى التلاجه حاليا لان الجو حر جدا برهالاشربة و النقط فى التلاجه و راجعى صلاحيتهم
١٥. استخدام سبراى الناموس عادى للاطفال بس ترشيه على ايدك و بعدين تدهنيه و طبعا مش على وجه الطفل خالص
جهاز الناموس يشتغل لو الطفل مش فى الاوضه و بعد ما نطرد الناموس نشيل الجهاز و الطفل ينام
انما ماينفعش الطفل ينام طول الليل و الجهاز جنبه مش صح لصدرهم خاصة لو عندهم حساسية
