مرض الانفصام وأسبابه وعوامله
مرض الانفصام
- حديثنا عن مرض الانفصام
- ايه هي اسباب المرض ؟
- وايه هي العوامل المؤثره ؟
معاكم نسمه احمد في سلسلة الامراض النفسيه
اللي بيتعرضلها الإنسان وانت ممكن متكونش فاهم هو بيمر ب ايه؟ او هو ليه اتغير ؟
يلا نبدا
اول حاجه ف موضوعنا اي هو مرض الانفصام اصلا ؟!!
مرض الانفصام دا بيكون اضطراب نفسي معقد بينشأ نتيجه لعوامل كتير ومش لعامل واحد أو بسبب ضعف الشخصيه ..
ملحوظه
التشخيص المبكر للشخصيه والالتزام بالعلاج الدوائي والنفسي مع دعم الاسره والمجتمع بيساعد على تحسين جودة حياة المريض وتقليل الاعراض ودا بيخليه يمارس حياته بشكل أفضل
نكمل ؟
اسباب المرض ايه ؟؟!
مرض الانفصام بيكون من اضطرابات نفسيه مزمنه بتأثر في طريقة تفكير الشخص وإدراكه للواقع وبتأثر برضوا في المشاعر والسلوك والتواصل مع باقي الأشخاص
ومفيش سبب مباشر الاصابه بالمرض
بس بينتج عن تفاعل مجموعه من العوامل
الوراثيه ـ البيئيه ـ النفسيه ـ البيولوجيه
اول حاجه الوراثيه
ودي دورها مهم في انها بتزود من احتمالية المرض بحيث انها ترفع نسبة المرض لو كان حد من أفراد العائله عنده الانفصام خاصه الاب او الام او حتى الاخوات وبرضوا مش معنى كدا أنه بالضرورة الشخص ينساب بالمرض ..بس ليزيد من احتمالية أنه يطلع عنده انفصام
تاني حاجه العوامل البيئيه
مكن تزيد الظروف البيئيه من خطر الاصابه مع الاشخاص اللي عندهم استعداد وراثي ومن العوامل دي :
- ـ انه بيتعرض لضغوط نفسيه شديده او مستمره
- ـ أنه يتعرض للأعمال او الصدمات النفسيه في مرحلة الطفوله
- ـ انه يتصاب بالعدوى أو سوء التغذيه أثناء الحمل
- ـ أنه يكون فيه مضاعفات حمل او الولاده زي نقص الاكسجين عند الولاده
تالت حاجه اضطرابات كيميا الدماغ
الدراسات بتشير انه لو كان في خلل في بعض النواقل العصبيه .زي الدوبامين والجلوتامات ممكن يأثر في وظائف الدماغ اللي بتكون مرتبطه بالتفكير والإدراك والانفعالات واللي بيساهم في ظهور أعراض الانفصام
رابع حاجه تعاطي المخدرات
مكن يأدي تعاطي المواد المخدره دي لزيادة خطر ظهور الانفصام للأشخاص اللي عندهم قابليه الاصابه
وممكن يأدي لظهور أعراضه ف سن مبكر
خامس حاجه اختلافات ف تركيب الدماغ ووظائفه
مكن يعاني بعض المصابين من اختلافات بسيطه في بنية الدماغ أو طريقة عمل بعض مناطقه وهي تغيرات يمكن ملاحظتها في بعض الدراسات الطبيه لكنها لا تظهر لدى جميع المرضى
هل ممكن تسبب التربيه أو الضغوط النفسيهه مرض الانفصام ؟
التربيه الغلط أو الضغوط النفسيه وحدها مش سبب مباشر للمرض بالانفصام لكن ممكن تساهم في ظهور الأعراض أو زيادة شدتها مع الاشخاص اللي عندهم استعداد وراثي أو بيولوجي
مع اني شايفه العكس وأنه ممكن يكون التربيه والبيئه والضغوط النفسيه سبب رئيسي مش ثانوي بالذات طبعا لي أفكارهم سلبيه دايما
والسلام عليكم ورحمة الله وبركاته
كانت معكم نسمه احمد
تم بحمد الله
