بلسم هيخلي شعرك حريرمن بمكونين فقط
بلسم طبيعي هيخلي شعرك حرير من أول استخدام
"المكون الأساسي: بذور الكتان، غنية بأوميجا 3، بتقوي الشعر وتحافظ على الترطيب.
هنضيف معاها النشا عشان النعومة، والسمنة البلدي عشان التغذية العميقة
طريقة التحضير
هنجهز ملعقتين من بذور الكتان مع ثلاث اكواب ماء ونضعهم علي نار هادئة لمدة نص ساعة حتي يتحول الي جل
بعد الغليان لمدة نص ساعه هنصفي بذور الكتان المغلية
وبعدين نجهز ملعقتين من النشا مع نص كوب ماء علي البارد ونقلبهم جيدا حتي تذوب النشا في الماء
ونضعهم علي مغلي بذور الكتان ونقلب جيدا
ولو شعرك هايش وناشف شوية ممكن تضفي ملعقة من السمنة البلدى او زبدة الشيا لكن لو شعرك دهني استبعدي السمنة البلدي او زبدة الشيا
ثم نقوم برفع الخليط علي النار حتي يزداد الخليط سماكة
ونتركه حتي يبرد
بعد ذلك هنضيف مكون كمان وهو جل الصبار وبيكون جاهز في الصيدليات هنضيف ٣ ملاعق علي الخليط
وممكن نضيف حبة من فيتامين E
و٣ ملاعق جليسرين
ولو الخليط في بعض التكتلات ممكن نضربه في الخلاط
ونضعه في زجاجة نظيفة ونستخدمه علي الشعر بعد غسله ثم نقوم بشطف الشعر
فوائد بذور الكتان
غني باوميجا 3 ويعمل علي ترطيب الشعر
فوائد النشا
تساعد علي نعومة الشعر
فوائد فيتامين E
يساعد علي جمال الشعر وصحته
يحفز نمو الشعر
يعمل علي تطويل الشعر
يقلل من تساقط الشعر
ويرطب الشعر الجاف
ويقضي علي التقصف
طريقة الاستخدام
– استخدمي الجل على الشعر بعد الاستحمام كـ كريم تصفيف أو بلسم يُترك على الشعر
– ممكن تدهنيه على الفروة لتغذيتها.
– استخدميه مرتين في الأسبوع.
نصيحة
ممكن تضيفي نقطة من الزيت العطري زي زيت الافندر
هتحصلي علي رائحة حلوة جداا وتغذية مضاعفة للشعر
بجد هتدعيلي جدااا بلسم جل الكتان هيخلي شعرك حرير صحي وقوي ولامع
وطريقة تحضيره سهلة جداا ونقدر نحضر بذور الكتان من عند العطار
وبقيت المكونات موجودة داخل مطبخك
استخدميه مرتين في الاسبوع وشوفي النتيجة بنفسك بعد وقت قصير
في النهاية، بلسم بذور الكتان مش بس وصفة طبيعية، ده علاج متكامل لشعرك يغذيه ويمنحه النعومة واللمعان من أول استخدام.
بمكونات بسيطة ومتوفرة في كل بيت، تقدري تعتني بشعرك وتحافظي عليه صحي وقوي من غير مواد كيميائية.
جربي الوصفة وشاركينا تجربتك، وماتنسيش إن الاستمرار هو السر في النتيجة المبهرة
لو حبيتي المقال، شاركيه مع صاحباتك علشان كلنا نستفيد معًا!
