ليه بنحس بالأنطفاء بالرغم من عدم وجود مشاكل كبيرة ؟؟
_إيه هو الأنطفاء ؟
الأنطفاء معناه بإخصار شديد فقدان الرغبة / الشغف في أداء أي شيئ تعلم ، عمل إلخ ..والرغبة في الإنعزال وربما الأنطوائية في بعض الحالات .
ما هي الأسباب الحقيقية للأنطفاء النفسي ؟
1- تراكم الضغوطات البسيطة : الضغوطات البسيطة زي رسالة سلبية قريتها علي التليفون أو موقف مش ظريف أتعرضتله أثناء اليوم أو خناقة حصلت معاك في المواصلات أو مثلاً كلمة حد رماها عليك بغرض التقليل منك وهكذا . الضغوط البسيطة دي عاملة زي الحنفية الي بتنقط نقطة نقطة مش بتهتم بيها لكن أخر اليوم بتكون النقط دي ملأت جردل كبير ف لازم تتعامل مع الضغوط البسيطة دي أول بأول ومتخليهاش تأثر علي نفسيتك.
2- المقارنة الظالمة : يعني مثلاً لما بتشوف ناس ناجحة في حياتها وبتنشر حالات وهي في سفر أو قد إيه هي ناجحة في شغلها . عقلك الباطن بيعمل مقارنة بسيطة بين حياتك أنت وحياتهم هم بيخليك مش عارف تستمتع بيومك ولا بحياتك وتحس أنك متاَخر عنهم وأنك مقصر رغم أنك ممكن تكون ماشي صح في حياتك وبتاخد خطوات تبنيك والمقارنة دي تضيع الشعور الإيجابي لتعبك علشان كدا ةأنت بتتصفح الحالاتخليكمدرك تماماً أن مفيش حد هيشارك فشله في الحياه في ستوري علشان حد يشوفها وان أغلب اللي بيتعرض مش حقيقي ووراه حكايات كتير متعرفهاش .
3- ضعف العلاقة الروحية : العلاقة الروحية مع الله دايماً بتشعرك بالأطمئنان والسكينة وبتخليك تشعر أن كل الأمور تعمل معا لصالحك ف إهمالك للصلاة تعني قطع المدد الروحي وصلتك بالخالق فيزداد التوتر والشعور بالقلق تدريجياً حني تشعر أنك مثقل بالهموم وفاقد الشغف في كل شيئ.
4- الأحتراق النفسي : ودا طبعاً أتكلمنا فيه في المقالة السابقة وشرحنا أنواعه وطرق لمكافحته بأستفاضة . ولكنه بإختصار شديد عبارة عن العلاقات السلبية التي تستنفذ طاقتك شيئاً فشيئ دون جدوي سواء علاقة إجتماعية او أسرية إلي اَخره .
5- المتاعب الجسمانية : زي م أتكلمنا عن العلاقة الروحية وقد إية بتأثر في الجسد أحياناً المتاعب الجسدية تؤثر بشكل مباشر علي الصحة النفسية راجع طبيبك لأنه أحياناً نقص بعض المعادن والفيتامينات يؤثر بشكل مباشر علي الصحة الجسمانية ويسبب الخمول والأكتئاب لذلك راجع طبيبك .
6- الشعور بالرضا : أغلب الناس دايماً بتبص علي اللي ناقصها ومش بتشكر علي اللي موجود ف طبيعي عمرها م هتحس بالرضا لأن الماديات كثيرة جداً ومتجددة فتعلم الشٌكر والشعور بالرضا الدائم وأن ا نحن فيه يتمناه الكثيرين بالحمدلله دائماً وابداً .
7- تعلم كيف تتغلب علي المزاجية لأنها ببساطة عدو للأنتاجية بمعني إذا تركت عملك لحين تحسن النفسية ف سوف تأخر نجاحك تعلم أن تعطي كل شيئ حقه فربما أنغماسك في العمل يذهب أي شعور سلبي تشعر به .
8- حارب الوقت الفارغ أشغل يومك ب الأشياء المفيدة كالعمل أو مقابلة شخص تسعد برؤيته وهكذا .
9- أتحرك : لان الحركة أو النشاط بصفة عامه كالرياضة تحفز الجسم علي إنتاج هرمونات السعادة وتساعدك علي تفريغ طاقتك وتجديد ذهنك وتسبب شعور إيجابي جميل جداً
أتمني أكون أفدتكم وشكراً جزيلاً .
