لو عايز توصل لأحسن نسخة من نفسك دي شوية حاجات هتساعدك

                                                                                      💕إزاي أقدر أكون نسخة أفضل من نفسي 💕

طبيعي إن كل واحد فينا نفسه يبقي نسخة أفضل من نفسه ودا مش معناه إننا نبقي مثاليين يعني لكن علي الأقل نكون نسخة أفضل من اليوم اللي قبله حتي لو هنتطور 1 % مع الوقت هنتقدر نشوف الفرق خصوصاً لو الموضوع شاغلنا و شاغل جزء من تفكيرنا علشان كدا  هنتكلم إنهارده أزاي نقدر نعمل كدا بنعمة ربنا .

1- إعرف نفسك صح 🤷‍♂️  إدراكك لقدراتك والحاجات اللي أنت مميز فيها تشبه مالك مشروع بيعمل جرد سنوي للمشروع الخاص بيه ( كسب قد إيه ؟؟ إيه الحاجات اللي كسبته كتير ؟؟ إيه الحاجات اللي خسر بسببها ؟ أزاي يقدر يكبر المشروع دا ؟؟ هل العمالة قليلة ؟؟ هل مرتباتهم كفاية ؟ وهكذا .. دا هيساعده يعرف ويفهم الصورة كاملة ويعرف إزاي ياخد قرار يبني ويطور كذلك النس البشرية جردك لنقاط القوة والضعف في النفس البشرية هيساعدك توصل لنسخة أفضل من نفسك بس المهم  إفهم نفسك صح ..

2- إدراكك للعادات السيئة هيساعدك تتخلص منها زي الخروجات الكتير والسهر في المقاهي  أو مثلاً التقصير في السؤال عن شخص محتاج السؤال  أو مهارة محتاج تتعلمها وكل شوية تأجلها واجه نفسك  لما تواجه نفسك بكل حيادية وتحاول تلتزم بحل لكل مشكلة زي إنك تنام بدري بدل متسهر وتصحي متاخر كل يوم دا هيساعدك تتطور لأنك بتاخد بالأسباب وربنا مش هيضيع مجهودك 💙

4 - تصالح مع النسخة السابقة منك : تقبل النسخة السابقة منك بكل ما فيها من مساوء وعيوب بدون متجلد ذاتك . تصالح مع قرار غلط أخذته في سن صغير بإندفاع دون تفكير ..عادي  أنت بني اَدم و أي بني اَدم بيغلط المهم إنك تقوم تاني ومتبطلش تحاول ..

5- حدد أهدافك صح 📄  : عاوز تعمل إيه السنة دي أكتب اللي عاوز تعمله في ورقة وخليها دايماً معاك كتابتك للحاجة اللي عاوز تعملها دا هيخلي دماغك يحاول بكل الطرق يشتغل عليها وكل متتعب بص في الورقه دي وفكر نفسك بهدفك وأفتكر إن ربنا مش بيضيع تعب حد وكمممممل 🌹

6- لازم علاقتك بربنا تكون كويسة لأن دا بيحسسك دايما بالاَمان و إنك مش لوحدك ويبعث في نفسك شعور بالطماَنينة والراحة 

7- أخرج من منطقة الراحة ( Comfort Zone ) دا طبعا ً مش ساهل إن شخص يخرج من منطقة الراحة اللي بيحس فيها بالاَمان والراحة والمتعة  خصوصاً إن النفس البشرية بتحب الراحة والكسل لكن لازم علشان تنجح ف أي حاجة تغادر تلك المنطقة التي تكاد تكون مؤذية ومعطلة لنجاحك في بعض الأحيان . 

8 - إبعد عن أي شخص سلبي مش شرط أن الشخص السلبي يكون بيشرب حاجة مش كويسة ممكن يكون شخص كل كلامه عن المشاكل والسلبيات فقط أول متجلس معه تشعر وكأن الكون كله مظلم أبتعد فوراً عن هذا الشخص وخلي حواليك ناس ناجحة وإيجابية لأنك هتبقي شبهم بعدين . 💌

 

 

9- حاول كل يوم تتعلم شيئ جديد / صفة جديدة خصوصاً لو الصفة دي متزفرة عن شخص جيد حاول ترافقه وتلازمه علشان تتعلم الصفة الكويسة دي منه بكل سهوله   …. 

مفيش مشكلة بتتحل من يوم وليلة   أشكر وأصبر وإلي لقاء اَخر في مقال اَخر 💞💞