انبات الشعر واطاله في وقت قصير

مساء الخير.. معاكم وسام 

النهارده هعرفك ٤ طرق ٢ للشعر و ٢ للوجه 

واي قبل حاجه هقولك عليها انا نفسي جربتها وجابت معايا نتيجة رهيبه بالفعل انا كان شعري خفيف جدا وعندي فراغات واسعه وتقريبا كنت قرعه ايوه بتكلم جد وكنت بتكسف اسيب شعري واحاول ادري الشكل الفزيع دا لحد اما لاقيت كام وصفه فعلا غيرت شعري بطريقه جميله وبقيت كل شهر غير الوصفه وخلص وارجع تاني للوصفه الأولى وابعدها التانيه وهكذا … الوصفه الرهيبه دي  وعشان هي كذا حاجه هنزلكم كل وصفه في بوست لوحدها وكلها اعشاب طبيعيه ومفهاش اي ضرر للشعر يعني ممكن كل شهر تغيري الوصفه بالوصفه التانيه وكده شعرك ياخود كل العناصر الغذائية اللي محتاجها  بس تخلي بالك طويل شويه لان اي حاجه لازم تاخود وقتها وتديكي فوائد واهم حاجه تسريح الشعر كل يوم مره او اتنين وانتي بتسرحيه واطي راسك لتحت وسريحه خمس دقايه واجعه كلو لورا ء عشان تجري الدم وتعمليلوا تنشيط وطبعا مع غسيل الشعر من ٢ او ٣ في الاسبوع مش اكتر دا لو عايزه نتيجه سريعه ويستحسن مشط خشب واسع

اول حاجه هتجيبي روز ماري من العطار او فريش  ونجيب حبه البركه او الحبه السودا وهانجيب زيت زيتون  عشان اقولك تقدري ازي تعملي زيت روز ماري والقرنفل  ويكون حاجه مضمونه عملها بنفسك

الطريقه 

نجيب اي معدن عندك نضيف كوبين من الماء وملعقتين اكل حبه البركه ومعلقتين روز ماري ونسيبهم يغلي علي النار واهم حاجه يكون عليهم غطاء عشان نحتفظ بالزيت بتاعهم ونسيبهم يغلي لمده عشره دقايق ونطفي ونسيبهم يبردو وبعدين نصفيهم في بخاخ نظيف ونرش مره صباح ومره مساء في فروه الراس وبالذات اماكن الفراغات وتدليك لمده خمس دقايق ونسرح الشعر عشان نجري الدوره الدمويه للشعر  ونشيلها في التلاجه  

الطريقه التانيه 

زجاجه زيت زيتون معصور علي البارد ونحط فيها روز ماري والاحسن يكون فريش ولو مفيش نضيف العادي هاتجيبي من عطار يكون كويس عدد اربع معلقه اكل  ولو حبه ٧ حبات قرنفل عواد مسمار ونقفل عليهم كويس وهاتي كوب ماء مغلي وحطي الزجاجه تاخود السخونيه عشان الروز ماري والقرنفل يتفاعلو مع السخونيه وينزلو فوايدهم مع زيت الزيتون ونحتفظ بيها في مكان مغلق لمده اسبوع وبعدين قبل الاستحمام بساعتين نعمل منها حمام زيت وكده انتي عملتي زيت روز ماري نفسوا وزيت قرنفل  وهتلحظي الفرق في شعرك وادعيلي 😉 ملحوظه ممكن تستخدمي الزيت كل يوم علي فروه الراس وبعض ساعتين رشي مياه الروز ماري وحبه البركه وكده تقدري تسفيدي اكتر بغذاء الشعر 

الطريقه ٣  للوجه

هانجيب لبان دكر من عطار كويس تكوني واثقه من حاجتو وتجيبي كوب ماء سخن مش مغلي وتحطي حوالي من ١٠ الي ١٢ حبه منهم وتسيبهم من بالليل للصبح هتصحي الصبح تقلبيهم هايبقه لونها زي اللبن ابيض وتصفي بمصفاء وضيفي عليهم معلقه نشا وتقلبي كويس لما تدوب في مياه لبان الدكر وتحطي علي نار هاديه مع التقلب المستمر لحد لما قوامها كريمي حطي في بطرمان زجاج او اي علبه عندك وغطيها وسيبي لما يبرد وحطي في التلاجه واستخدمي ماسك للوجه بينظف البشره وبيفتح البقع  وبعض ماتغسلي وشك حطي نقطه زيت زيتون او ماء ورد 

الطريقه ٤ والاخيره 

هتجيبي زجاجه ما ورد ونجيب لبان الدكر وحطي في زجاجه ماء الورد شويه حوالي ٨ حبات لبان دكر وسيبهم لحد تاني يوم وترجي الزجاجه كويس وتصفيهم في زجاجه ليها بخاخ عندك صغيره ونصفيهم كويس ونحطهم في الزجاجه وكل يوم مره الصبح ومره بالليل بقطعه قطنه امسحي وشك ومن اول اسبوع هتشوفي بياض وشك