نصائح لطفلك لو بيعاني من تقرحات الحفاضات المتكررة

طفلك لسه سنة أولى حياة . محتاج حنانك و اهتمامك و محتاج كمان انه يعتمد عليكي فالحفاظ على نظافته الشخصية و إلا هيفضل يعيط و يزن طول الوقت و يسببلك صداع .. مع ان الحل بسيط. 

الحفاضات أو ال diapers و اللي بنستخدمها في منطقة الحفاضة عشان تريحنا حبتين من تعب الغيار للطفل ، بتكون برضه في نفس الوقت سبب مباشر لتعب طفلك و ده بيكون نتيجة الحساسية اللي بتسببها الحفاضات لجلد الطفل في منطقة استخدام الحفاضة .

استخدمتي انواع كتيير من الحفاضات المختلفة و برضه حساسية الجلد بتتكرر و كمان بتظهر تقرحات و جروح في منطقة الحفاضة .

دي شوية نصائح تهمك و انتي بتتعاملي مع الطفل و خصوصا حديثي الولاده عشان تحميه من حساسية الجلد المتكررة خصوصا في منطقة الحفّاضه.

١. التغيير الدوري للحفّاضة بيقلل بنسبة كبيرة من معدل اصابة بالحساسية و التقرحات اللي بتنتج عن استخدام الحفاضه . بمعنى انك تتابعي تغيير الحفاضة مع الطفل أول بأول بفرق توقيت يوصل من ال ٣ ساعات و ال ٤ ساعات بين كل مرة و التانية ، حتى لو طفلك ماعملش أي عملية إخراجية و ده بيضمن اقصى حماية لطفلك من الاصابة بالتقرحات الناتجة عن استخدام الحفاضه .

٢. تنظيف منطقة الحفاضة عند الغيار .

غسل منطقة الحفاضة عند الغيار بالمياة .. و طبعا بنستخدم قطنة مبلوله بمياه دافيه و نمسح بيها برفق منطقة الحفاضة و الاوراك .. و كمان نقدر نستخدم الزيوت الطبية اثناء عملية التنظيف و اللي من اشهرها زيت جونسون للعناية بالبشره .. 

عملية تنظيف منطقة الحفاضة بشكل دوري بيسمح لمسام الجلد انها تفضل دايما مفتوحة فبالتالي تضمني حماية طفلك من الحساسية و التقرحات نتيجة استخدام الحفاضة .

٣. استخدام الملطافات الجلدية .

بعد عملية تنظيف جلد الطفل باستخدام القطنة المبلله بالمياه او الزيوت المرطبة للجلد بنستخدم قطنة ناشفة و نمسح بيها منطقة الحفاضة .

يفضّل دايما انك تستخدمي ملطفات جلديه بمنطقة الحفاضة و اللي بتكون بأشكال متنوعه ومختلفة ، في شكل كريمات او مستحلب او غسول او بودره ، و اللي بتحتوي على مواد زي ال panthenol و مادة ال  chamomile و مادة ال zinc olive  وغيرها من المواد المرطبة للجلد .و ده بيكون تحت اشراف طبيب الاطفال المتخصص .

استخدام مرطبات الجلد بصورة دورية مع الاطفال و خصوصا حديثي الولادة بيسمح بإستمرار ان جلد طفلك خاصة منطقة الحفاضة يكون في حماية دائمة من حساسية الجلد و التقرحات الناتجة عن استخدام الحفاضات.

٤. في الحالات الشديدة و اللي بتكون ظهرت فيها فعلا اعراض حساسية الجلد و اللي بتكون في صورة احمرار لون الجلد في منطقة الحفاضات او ظهور لتقرحات و بثور جلدية في مكان استخدام الحفاضة ، بنستخدم كريمات او مراهم مضاده للحساسية او كريمات مضاده للتقرحات زي مادة ال beta seitosterol و مادة ال betamethasone و مادة ال nystatin. و ده طبعا لازم يكون تحت اشراف طبيب اطفال متخصص .

٥. برضه فالحالات الشديدة لحساسية الجلد بصوره عامة عند الاطفال و حديثي الولادة و بصورة خاصة في حالات حساسية الجلد الناتجة عن استخدام الحفاضات بنلجأ لاستخدام ادوية نظامية مضاده للحساسية و مقوية للمناعة واللي بتكون في صورة ادوية شرب او نقط و برضه م نها مواد كتير نقدر نستخدمها ، زي مثلا مادة ال cetirizine ومادة ال levocetirizine  و مادة ال loratadine ومادة ال fexofenadine و مادة acyclovir غيرهم . و أيضا تحت اشراف طبيب الاطفال المختص .

أطفالنا نور حياتنا ، مسئوليتنا نحافظ عليهم و نرعاهم و نحبهم .