وديتوا الشغف بتاعي فين
زمان لو سألت الناس ايه اكتر مرض ممكن يقتل الناس بل وممكن يقضي علي البشريه كلها ممكن اللي هيقولك سرطان واللي هيقول طاعون وغيره إنما دلوقتي اسأل الشباب ايه اكتر مرض في الدنيا ممكن يموتك او يموت الناس هيقولك طبعا اكتئاب ده للاسف الواقع وبالذات إن السوشيال ميديا للاسف بتدعم الموضوع بشكلٍ كبير لدرجه إن في ابحاث اتنشرت بتقول إن بس اي دوسه علي اي تطبيق من تطبيقات السوشيال ميديا بيزود من اكتئاب الشخص والمشكله انت قاعد علي السوشيال ميديا شايف فلان متصور ومعاه عربيه غاليه جدا والتاني متصور ومعاه فلوس كتير جدا وكل واحد عمال بصورلك نجاحه وانت قاعد علي السرير حاسس إنك ملكش لازمه وان مفيش منك اي امل او رجاء وتقعد تسمع بتوع تنميه البشريه لازم تتغير وتحقق حلمك وتمشي ورا هدفك بس بردو بعد ما تتحفز متعرفش تعمل ايه بردو بص يسيدي
"الحل" علشان عارف إنك زهقت😂❤️
ممكن تلاقي حياتك حياه عاديه جداً مفيهاش مشاكل (وقصدي بمفيهاش مشاكل قصدي مشاكل مش عاديه
زي حرب مثلاً او حاجه) بس هي الفكره إنك حاسس إنك مش قادر تعمل حاجه ولا عارف تتحرك من السرير كإنك مشلول من بره شاب ومن جوا عجوز عاجز عن انت تعمل حاجه نفسك تتغير بس مش عارف نفسك تروح الجيم وتعمل فورمه حلوه نفسك تشتغل وتقبض كويس نفسك تعمل حاجات كتير جداً بس مش عارف تتحرك ازاي ولا فين وقاعد عمال تهرب في التليفزيون شويه الخروجات مع الصحاب شويه وطبعاً إذا ذكر تضييع الوقت منقدرش تنسي التليفون (٢٥ساعه بس في اليوم سعاتك😂❤️) هيطلع حد محنك يقولي اليوم يعم في ٢٤ساعه بس (عارف يمحنك دي كنايه) المهم بقي يمعلم هنعمل ايه في ام الشغف اللي مش موجود ده؟
الحل وبكل بساطه مش هنعتمد علي الشغف هتقولي يعم ازاي دول بتوع التنميه البشريه مأكدنيلي إني لازم اصحي من ٦ الصبح وبعد كده الجيم بعد كده الشغل بعد كده حجز كوره علشان أنا جامد تنين!!
لا يعم كل الي مطلوب منك حاجتين
١-الاعتماد علي العادات البسيطه
٢-متنامش كل يوم إلا لو انت متأكد إنك احسن ب ١٪ من امبارح
هسيبلك كذا مقاله بكلمك فيهم عن العادات وازاي تنجح من غير الحاجه للشغف لو حابب تتعمق فيه اكتر
