تعالي نصور العيل الصغير ده نشردله شويه
تعالي نصور العيل الصغير ده نشردله شويه المهم فاكر زمان في القعدات العائليه (ايام) لما كان يجي خالك مثلاً او عمك او اي حد كبير من غير اي مقدمات كده يقولك (فاكر يلا وانت صغير لما كنت تقعد ترقص سلبوته في الصاله قدمانا ونقعد نسقف وبعدين تعملها علينا في الصاله (ذكريات قذره😂❤️) يعني عيل صغير غلط نستره مش نسيحله😂 كده وثانياً هو هيعرف منين إنه غلط مهو عيب صغير😂❤️ المهم هتسألني سؤال منطقي
طيب يعم هي ذكريات حلوه وكل حاجه بس ليه علاقتها بالموضوع بتاعنا؟!!
معرفش حسيتها هتليق مع الموضوع فمشيها😂❤️ يعني مثلاً زمان كان ايه علاقه الطربوش بالبدله مكان ممكن الناس تمشي من غير طربوش عادي مشيها يعني متحبكهاش اوي معايا يعني 🙃 المهم نكلم بجد بقي هو ايه فعلاً المشكله لما تصور ابنك علطول وتقعد تشير علي السوشيال ميديا وتقعد تقول بصوا يجماعه ابني كيوت ازاي او قول ما شاء الله او غيره ايه المشكله يعم بتبسط مع ابني ايه منبسطش؟!!!!!!
الاجابه بكل بساطه إن فكره إن ابنك لما بتقعد تصوره كتير وتقعد تنزل علي مواقع التواصل الاجتماعي (السوشيال مديم) علفكره اسمها (سوشيال ميديا) (مهي بقي الحنيكه دي اللي جايبانا ورا) المهم تصوير ابنك كتير وتقعد تنزله في كل حته بتخليه يحس بإهميه مفرطه في نفسه او بلغتنا بيحس إنه مركز الكون وإنه اهم واحد في الدنيا ولازم الناس كلها تهتم بيه ومينفعش اي حد في الدنيا يبقي قاعد كده من غير ما يهتم بيه
طيب السؤال يعني متصورش مع ابني خالص يعني ؟!!!
اكيد طبعاً لا بس هي الفكره متزودش موضوع أنك تقعد تتصور مع ابنك وتشير علي الفاضي والمليان علشان متضروش بعد كده لإنه بيولد عنده بعد كده احساس رهيب بالذات وهوس رهيب بإهتمامه بمظهره الخارجي بشكل غير واعي حتي بعد ما ينضج وحاول علي قد ما تقدر أنك تتصور مع عيالك صور عائليه لإنه ده بينمي من جوا الطفل أحساس أنه واحد من العيله وأنه مش لوحده في الكون وفكره التصوير الكتير لكل واي حاجه بلاهدف (للمناسبات كلها او حتي خروجات عاديه) بيخلي المناسبات او الخروجات بتفقد قيمتها متنساش (كثره المساس تفقد الاحساس) ومش بقولك لو عندك مناسبه او خارج حتي مع صحابك متتصورش لا أتصور واتبسط وكل حاجه بس متكترش
سلاااام❤️
ملحوظه : في فكره صغيره من الصوره مع الموضوع لو مركز هتجيبها
