وصفات صحية ومنتجات طبيه للعناية بلبشرة
انواع البشرات كتير ..وكل بشرة بتحتاج اهتمام عشان تبقا ب شكل مناسب لينا ونتقبلها ..عشان نهتم هنحتاج نعرف نوع بشرتنا ونقاصها اهتمام اذاى .مثلا البشرة الجافه بتحتاج ترتطيب اكتر ..الدهنيه بتحتاج غسول مناسب نوع ماسك كويس وكمان اغلب الوقت بتحتاج ل علاج لحب الشباب لان البشرة الدهنيه اكتر بشرة بتطلع فيها حب الشباب بسبب تراكم الدهون وهكذا ..هتكلم معاكم بلتفاصيل عن كل نوع بشره واى علاج واى هنستخدمه عشان نحسن من شكلها وتبقا بمظهر صحى اكتر
1- اول نقطه هتكلم عنها البشره (الدهنيه )لانها اكتر انواع البشرة بتحتاج اهتمام ..لازم يكون ف غسول مناسب ليها او صابونه معينه لو عاوزين صابون كويس وسعره اقتصادى هيبقا صابون نابلسي شاهين .وهقولكم انهى الاصلى ..العلبه الاصليه والى نوعها احسن بتكون على هيئة مستطيل مش مربع ..اولا مبتكونش فيها مواد حافظه ولا فيها اى كمويات نهائي وفيها زيت زتون طبيعى وبس ؛الى مش حابب يستخدمها ممكن يستخدم غاسول غارنى ب الليمون ولو حاجه اعلى واحسن ك استخدام هيبقا غاسول بيودرما للبشرة الدهنيه وكمان بيساعد للتخلص من الحبوب كده خلصنا اول خطوة ...
تانى خطوة مرطب كويس هتستغربوا من موضوع المرطب ..البشرة الدهنيه ذيها ذى اى نوع بشره هتحتاج ترطيب بس هيكون اقل شوية يعنى اى نوع مرطب يكون ترطيبه اقل من ٧٠% ،ليه بنرطب البشرة الدهنيه مع انها بتفرز دهون لان لما مندهاش ترطيب كفايه هى بتفرز دهون ذيادة الهرمونات المسؤله عن افراز الدهون لما متكونش مترطبه كفايه بتعتقد انها مبتقومش بدورها كويس ف بتذيد ف افراز الدهون اكتر واكتر عشان ترطب البشرة اكتر ..الدهون الذيادة بتودينى لحاجة اصعب وهى حب الشباب الرؤوس السودا وكمان بتوسع المسام .حرفيا بتدمر البشرة لو احنا رطبنا مره صبح ومره بليل هى كده هتقلل افراز الدهون ف انتى بتعالجى المشكله ف لما تقل الدهون هيقل حب الشباب وباقب المشاكل ..
ثالث خطوة ... هى علاج حب الشباب والرؤوس السودا
علاج حب الشباب ف كذا نوع وعن تجربة هما فاعلين وكويسين جدا ..احسن نوع بلنسبالى هو محلول كلينداسول ده محلول مضاد حيوى فعال اوى لحب الشباب استخدامه سهل هنجيب قطنة ونحط عليها شوية محلول بكمية مناسبه ونمسح بيها كويس مكان الحبوب وبعدها نسيبه فترة كويسه اكتر من نصف ساعه وبعدها نرطب وبس او لو هنام بيه على الوجه النتيجه افضل يبقا مرتين ف اليوم ونرطب بعدها ..
الرؤوس السودا هنقولها ف خطوات
١-مرهم اكرتين تركيز 0.5 مرتين ف الاسبوع ع الانف ف الضلمة وانتى نايمه
٢- لازقة رؤوس سودا من الصيدليه
٣- قرصين فحم طبي من الصيدليه وجيلاتين من عند العطار ومياة دافية واعملى ماسك حول الأنف
٤-نعرض الوجهه للبخار (بتفتح مسام الوجهه)ثم استخدام أبرة الرؤوس السودا واضغطى مكان الرؤوس هتلقيها عباره عن دهون متكونه وليها رأس اسود
..
2- كده هنتكلم عن تانى نوع من انواع البشرة وهى البشرة( الجافه ) الغسول مهم جدا هنحتاج غسول يكون فيه نسبة ترطيب عاليه وهقولك الانواع الى ممكن نستخدمها ... (منظف الوجه المرطب Beauty Moisture Facewash من Dove./ونوع تانى بديل للى حابب =غسول ميسيلار للبشرة الجافة والعادية من AVENE)
ثانيا هنحتاج نوع مرطب قوى تركيزة عالى شوية
هنحتاج تونر وماسك لترطيب البشرة نستخدم
١-معلقة فتامين e
٢-معلقة جيل صبار هنوزعه على البشرة نتركة من ٢٠ ل٣٠ دقيقه
.. وماسك بديل وترطيبه اعلى وكمان بيفتح
هنستخدم
١-معلقتين ذبادى
٢-معلقة عسل
نخلطهم كويس ونسبهم على البشرة من ٣٠ ل ٤٥ دقيقه
..ممكن نستخدم مياة ورد لاى نوع بشرة صبح وليل مفيدة وتساعد على تحسين البشرة وتديها نضارة اكتر
(انتظروا منى انواع ماسكات كتير ومختلفه وروتين كمان لتفتيح ونضارة البشرة وشدها )
متنسوش تعملوا متابعة وتقولوا رئيكم ف الكومنتات ممكن حد يكون عنده حل لاى مشكله ونساعد بعض بتجاربنا
Ragaa
