5 حاجات بتعملها يوميا بتستنزفك نفسيا تعرف عليها :

5 حاجات بتعملها يوميا بتستنزفك نفسيا تعرف عليها :

 

 

 

 

ساعات بتصحى من نومك تلاقي نفسك مرهقة وتعبانة بدون سبب واضح والحقيقه ان في حاجات بنعملها يوميا بتأثر على نفسيتنا بشكل كبير بس من غير ما نكون واخدين بالنا منها ومتعودين عليها ..

في المقال ده هنعرف العادات اليومية دى بتأثر علينا ازاى :

 

1-المقارنة الإجتماعية:

اول عادة بتعمليها هى انك تقارنى حياتك بحياة حد تانى خصوصا لو حد انتى بتابعيه على السوشيال ميديا حياة مثالية وغير واقعية بالمرة سواء بقي نجاح فلوس علاقة ده بيخلق جواكى شعور بالنقص وبتحسى أن حياتك واقفه ومفيش فيها حاجه جديده او متاخرة ومش عارفة هتوصلى ازاى صراع جواكى كبير ما بين الواقع اللى انتى عايشاه والحياة المثالية اللى بتشوفيها من ورا شاشة

اول ما تلاقي نفسك بدأتى تقارنى حياتك بحياة حد ...اسالى نفسك سؤال واحد هل الحياة دى حقيقية ؟

 

2-كبت المشاعر :

تانى عادة وهى أننا نتجاهل مشاعرنا بتحسى بمشاعر بس مش عايز تحسيها بتختارى انك تتجاهليها تماما تزقيها على جنب وتكملى يومك عادى  المشكلة انها مش بتختفي المشاعر اما بتتساب من غير ما نتعامل معاها بتتحول لضيق وخنقه بدون سبب 

الافضل أننا وقت ما نكون تعبانين أو زعلانين من اى حاجه نحاول نعبر عن مشاعرنا بالكلام مع حد ثقه أو حتى نمسك ورقه وقلم ونكتب مشاعرنا .

 

3- جلد الذات 

جلد الذات هو طريقة الكلام مع نفسك انك تقسي على نفسك تعاتبيها تلوميها اسالى نفسك سؤال هل لو في حد انتى بتحبيه هتتكلمى معاه بالطريقه دى ؟ 

الإجابة لو لا يبقي نبتدى ناخد بالنا من الكلام اللى بنقوله لنفسنا وتكون رحيمة بنفسك 

اول ما تلاقي الصوت اللى جواكى بيتكلم بشكل سلبي بدليه لحاجه ايجابيه زى مثلا ( انا فشلت ) ⬅️ ( انا مش فاشلة انا لسه بتعلم)

 

 

4-إهمال الذات :

هو ببساطه انك بتسيبى نفسك للآخر مش بتاكلى كويس ولا بتنامى كويس ولا بتهتمى بجسمك وشكلك روتين مستمر كل يوم نفس الحاجه طبعا استمرارك على إهمال نفسك للاسف بيوصل احيانا لقلق واكتئاب وأمراض جسدية 

اهتمامك بنفسك مهم عشان تقدرى تكملى وتدى للى حواليكى ممكن تبدأى تخصصى جزء من اليوم لنفسك مش لازم يكون وقت كبير ممكن ساعه واحده تهتم بنفسك .

 

4-التفكير الزائد: 

التفكير الزائد هو انك تفضلى تعيدى نفس المواقف تحليل كل حاجه تفكير في الماضى والحاضر والمستقبل وكل حاجه ونعد نسأل نفسنا اسالة كتير اوى دماغ شغالة مش بتنام زى ما بيقولوا طبعا التفكير الزياده ده مرهق جدا وبيوصلك للقلق ومشاكل نفسية تانية كمان 

ممكن لو لقينا نفسنا بنفكر كتير اوى كده نمسك ورقه وقلم ونكتب كل الكلام اللى في دماغنا.

 

 

 

لو بتعمل حاجه من الحاجات دى نقدر اننا نشتغل عليها واحده واحده مفيش تغير بيبدأ من يوم وليله كل حاجه بتاخد وقت بس الافضل أننا نبدأ التغير بالتدريج .