انت كده روش يعنى..!!
للاسف اصبح مجتمعنا مريض بمرض مزمن اسمه..
( التنمر)
كتير مننا بيتريق و بيقلل من الكلمة اللى انا شايفها لعينة اللى اسمها تنمر
طيب انت عارف كام واحد انتحر حياته اتدمرت بسببها ؟!
لو فاكر انها كلمة و خلاص تريند الأيام دى تبقى محتاج تعيد حساباتك تانى اكيد…
تقريبا كلنا واخدين الموضوع انه هزار او بلغة الجيل الحالى (روشنة).
هديلك كام مثال كده لواقع يومنا اللى عايشينه وحاجات بنعملها وتشوف تأثيرها و تقرر بعدها :
- مفيش حد جسمه مليان تقريبا بيسلم من لسانك بإنه دبدوب و بيخلص كل الأكل لوحده و انت واخدها بهزار و روشنة بس الحقيقة ده تنمر وسخافة قيس عليها بقى لو نحيف جدا انت مش بتاكل انت فتلة هتطير من الهواء و غيره انت قصير مش باين من الأرض و ممكن ندوس عليك واحنا ماشيين و لو طويل انت نخلة حاسب تخبط فى السقف ده نموذج بسيط جدااا للمقومات الشكلية بس ده غير الصفات بقى انت ( غبى _ رخم _ دمك تقيل ) ده غير التعصب لفكرة معبنة أو رياضيا.
هل.... فكرت بقى فى إحساس اللى قدامك ؟! اقولك على حاجة مهمة مش كله بياخدها بضحك وهزار وممكن يكون بيتألم واتجرح من جواه بشكل فظيع لا يخطر على بالك خصوصا لما بتوصفه بالحاجات دى قدام الناس
انت لازم تبقى عارف كويس ان مش كلنا بنفس درجة الاحتمال وممكن مش بيظهر ده قدامك.
* خلى بالك ان كل واحد من حقه يشوف أجمل وأحسن واحد فى الدنيا مش بيبقى حاسس بالعيوب دى الا لما انت تسلط عليها الضوء بتقلب بإهانة .
* خلى بالك دائما ان انت مش كامل ووارد تكون فيك عيوب أكتر منه بكتييير لكن انت مش واخد بالك منها.
الموضوع بقى فعلا خطير والشخص ده ممكن يبعد و يدخل عزلة وتدمر حياته وانت مش حاسس فرفقا بحال الناس وافتكر دائما انك مش لازم يكون هزارك ده مقبول بس هو أحسن منك ومش بيجرحك يعنى هو أحسن منك وانت مش حاسس حط نفسك مكانه بس وقتها هتقدر تحس.
