خطة نفسية ذكية لتعديل سلوك "الشخص الكسول" وتحويله لشعلة نشاط

خطة نفسية ذكية لتعديل سلوك "الشخص الكسول" وتحويله لشعلة نشاط

السؤال هنا: هل يمكن تعديل سلوك الشخص الكسول؟
الإجابة نعم، ولكن ليس بالصراخ ولا بالقيام بالعمل بدلاً منه. التغيير يحتاج خطة نفسية تسحب البساط من تحت "منطقة الراحة" الخاصة به.

1. توقفي عن كونك "العكاز".. (علاج العجز المكتسب)

أكبر سبب لاستمرار الكسل هو "وجودك أنتِ".
نعم، هذه الحقيقة المؤلمة. طالما أنتِ تقومين بمهامه نيابة عنه (لأنك لا تملكين صبراً، أو لأنك تريدين البيت نظيفاً)، فهو لن يتحرك.
في علم النفس، هذا يسمى "العجز المكتسب". هو تعلم أن "ماما/زوجتي ستحل المشكلة"، فلماذا يبذل مجهوداً؟
خطوة تعديل السلوك: ارفعي يدك تدريجياً.

*ملابسه غير مغسولة؟ لا تغسليها، ليذهب للعمل بملابس غير مكوية ويواجه الإحراج.

*لم يحضر طلبات الغداء؟ إذن لا يوجد غداء اليوم، سنأكل "أي حاجة" من الثلاجة.

يجب أن يذوق "عواقب كسله". الألم والإحراج هما المحركان الوحيدان اللذان سيجبرانه على النهوض.

2. فتتي "الجبل" لـ "حصوات"

الشخص الكسول غالباً يرى المهام "كوارث كبيرة". كلمة "نضف المطبخ" تصيبه بالشلل الذهني.
لتعديل سلوكه، لا تعطيه أوامر كبيرة. استخدمي تكنيك "الخطوة الواحدة".
بدلاً من: "قوم صلح الحنفية"، قولي: "ممكن بس تناولني المفك؟".
بمجرد أن يمسك المفك (قام بالخطوة الأولى)، سيسهل عليه إكمال المهمة.
بدلاً من: "ذاكر"، قولي: "افتح الكتاب بس على صفحة 5".
الهدف هو كسر حاجز "البداية". بمجرد أن يتحرك، يختفي الكسل تدريجياً.

3. حوليه من "متهم" لـ "بطل" (التعزيز الإيجابي)

الكسول اعتاد على سماع النقد: "أنت بارد، أنت مفيش فايدة فيك".
هذا الكلام يبرمج عقله على الفشل: "أنا كدة كدة فاشل، خلاص مش عامل حاجة".
اقلبي الآية: اصطاديه وهو بيعمل حاجة صح (حتى لو تافهة).
"شكراً إنك رميت الزبالة، بجد ساعدتني جداً ووفرت عليا مجهود".
التقدير بيفرز "دوبامين" في المخ. لما يحس إنه "مفيد" ومقدر، هيحب الشعور ده وهيكرر الفعل تاني. الناس بتجري ورا اللي بيقدرها، وبتهرب من اللي بينتقدها.

4. قاعدة "الـ 5 دقائق"

اتفق معه على قاعدة نفسية مريحة:
"أنا محتاجة منك مجهود لمدة 5 دقايق بس، وبعدها ارجع ارتاح تاني".
الكسول بيخاف من "الالتزام الطويل". لما يعرف إنها 5 دقايق، هيقول "سهلة".
غالباً لما يبدأ يشتغل، هيندمج ويكمل أكتر من 5 دقايق. وحتى لو وقف، 5 دقايق شغل أحسن من صفر شغل. دي طريقة ناعمة لسحبه من "حالة الخمول" لـ "حالة الحركة".

5. ركزي على "طاقتك أنتي"

العيش مع شخص كسول معدي ومحبط.
أثناء رحلة تعديل سلوكه، لازم تحمي نفسك.
متخليش حياتك كلها تدور حول "إزاي أحركه؟".
اهتمي بنفسك، والعبي رياضة، وخليكي نشيطة.
لما يشوفك "شعلة نشاط" وناجحة ومبسوطة، هيحس بالغيرة (الإيجابية) أو الخوف إنك تسبقيه بمراحل، وده ممكن يكون دافع قوي إنه يلحق بيكي ويغير من نفسه

كلمة أخيرة

تعديل سلوك الكسول محتاج "صبر استراتيجي".
متتوقعيش إنه يتحول لنحلة بكرة الصبح.
قاومي رغبتك في إنك تعملي الحاجة بداله "عشان تخلصي".
سيبيه يغلط، وسيبيه يتزنق، وسيبيه يشيل شيلته.. دي الطريقة الوحيدة اللي هتخليه راجل مسؤول، وهترجعلك راحة بالك وصحتك النفسية اللي ضاعت في الخدمة.